به‌داخ و که‌سه‌رێکی زۆره‌وه‌ هه‌واڵی دڵته‌زێنی کۆچی دوایی دایکه‌ مه‌له‌ک ته‌نهایی، دایکی هاورێ و برای به‌رێزمان کاک ساڵح محمودی( ساڵح موچه‌یی) مان ، پیگه‌یشت. به‌ بیستنی ئه‌م هه‌واڵه‌ له‌ دڵه‌وه‌ خه‌م وپه‌ژاره‌ دایگرتین .به‌م بۆنه‌ خه‌مناکه‌وه‌ سه‌ره خۆشی خۆمان پیشکه‌شی بنه‌ماڵه‌ى سه‌ر به‌رز و تێکۆشه‌ره‌که‌ی به‌گشتی و هاورێی خۆشه‌ویستمان کاک ساڵح موچه‌یی ، به‌تایبه‌تی ده‌که‌ین وهیوادارین که‌ خوای مه‌زن سێبوری هه‌موو لاێک بدا و رۆحی پاکی دایکه‌ مه‌له‌کی ره‌حمه‌تیش به‌ به‌هه‌شتی به‌رین شاد بکات. 
دایکه‌ مه‌له‌ک یه‌کێک له‌و مرۆڤه‌ تێکۆشه‌ر و دڵسۆزانه‌ی نه‌ته‌وه‌ و نیشتمان بوو که‌ سه‌ره‌رای نه‌بوونی خوێنه‌واری نمونه‌ی که‌سایه‌تێکی لێهاتوو و خه‌مخۆری رێگای رزگاری گه‌ل و نیشتمان بوو که‌ له‌ سه‌ره تای دامه‌زرانی سازمانی خه‌باته‌وه‌ وه‌ک ئه‌ندامێکی تێکۆشه‌ر و خزمه‌تگوزار له‌ ناوچه‌دا کاری ده‌کرد و له‌ هاندانی لاوان بۆ راپه‌ڕاندی ئه رکی شۆرش و خه‌بات ده‌ستێکی باڵا و ده‌ورێکی کاریگه‌ری هه‌بوو، به‌ چه‌شنێک که‌ ته‌نانه‌ت جگه‌ر کۆشه‌که‌ی خۆی هاندا تا له‌ ریزه‌کانی سازمانی خه‌بات دا به‌رگی پیرۆزی پێشمه‌رگایه‌تی له‌ به‌رکا و چه‌کی به‌رگری له‌ نیشتمان و گه‌له‌که‌ی بکاته‌ شان .دایکه‌ مه‌له‌ک بێجگه‌ له‌ راپه‌راندنی کار و باری ته‌شکیلاتی، له‌ هه‌ر جێگاێک پیشمه‌رگه‌ به‌ره‌نگاری هێزی داگیرکه‌ری کوردستان ببوایه‌وه‌، به‌و په‌ری توانایه‌وه‌ که‌ل و په‌لی پێویست و نان و ئاوی ده‌گه‌یاندنێ .ناوبراو به‌ به‌رده‌وامی له‌ گه‌ل کادر و پیشمه‌رگه‌کانی سازمانی خه‌بات له‌ پێوه‌ندی دابوو و تا دوایین کاته‌کانی ژیانی سه‌ربه‌رزانه‌ی خۆشه‌ویستی سازمانی خه‌بات و دڵسۆزی بۆ نه‌ته‌وه‌ نیشتمانه‌که‌ی، له‌ دڵه‌ گه‌وره‌که‌ی ده‌ر نه‌کرد. کومیته‌ی سوئێدی سازمانی خه‌بات،ی کوردستانی ئێران کۆچی دوایی دایکه‌ مه‌له‌ک به‌ خه‌ساره‌تێکی گه‌وره‌ ده‌زانێ و هیواداره‌ که‌ ئاوات و ئامانجه‌ کانی دایکه‌ مه‌له‌ک له‌ داهاتوێکی نزیکدا بێنه‌ دی . 
جارێکی تر وێرای ده‌ربڕینی خه‌م و په‌ژاره‌ی زۆر سه‌ره خۆشی له‌ خۆمان و له‌ که‌س وکاری ره‌حمه‌تی و هه‌موو ئه‌ندامان و لایه‌نگرانی سازمانی خه‌بات ده‌که‌ین. 
کومیته‌ی سوئێدی سازمانی خه‌بات،ی کوردستانی ئێران 
١٠-١-٢٠١٣ی زایینی

ڕێکه‌وت: 2013-01-11 18:54:04
به‌شی ( په‌یامی سه‌رخۆشی کومیه‌تی سوئێدی سازمانی خه‌بات،ی کوردستانی ئێران، به‌ بۆنه‌ی کۆچی دوایی دایکه‌ مه‌له‌ک ته‌نهایی )