به‌ داخه‌وه‌ رۆژی چوارشه‌ممه‌ ٢٠ی به‌فرانباری ١٣٩١ سێ ژنی چالاكوان و تێكۆشه‌ری سیاسی و مه‌ده‌نی به‌ناوه‌كانی ساكین جانسێز، ڤیدان دۆغان ‌و له‌یلا سویله‌مه‌ز له‌ وه‌ڵاتی فه‌رانسه‌ له‌ لایه‌ن ترۆریستانه‌وه‌ تیرۆر كران . ئه‌و تیرۆرانه‌ له‌كاتێك دا روو ده‌ده‌ن كە لەدوای چه‌ندها ساڵ سه‌ركوت وبەكاربردنی توندوتیژی و زه‌بر و زه‌نگ....
له‌لایه‌ن ده‌سه‌ڵاته‌ یه‌ك له‌دوایه‌كه‌كانى تركیا، له‌ئێستا دا دەوڵەتی تركیا وه‌ڵامی ئه‌رێنی بانگه‌وازی ئاشتی كوردانی تركیا و به‌تایبه‌ت به‌رێز عه‌بدوڵلا ئوجه‌لانی داوه‌ته‌وه‌ و وتووێژه‌كان بۆ چاره‌سه‌ری ئاشتیانه‌ی مه‌سه‌له‌ی كورد له‌ كوردستانی تركیا به‌رده‌وامن. بۆیه‌ به‌ له‌به‌رچاو گرتنی ئه‌و دۆخه‌ ناسكه‌ زیاتر ره‌هه‌ندی سیاسی بوونی ئه‌و تیرۆرانه‌ له‌ لایه‌ن نه‌ویستانی كورد و ناحه‌زانی ئاشتی و سه‌قامگیریی ده‌رده‌كه‌وێ‌. به‌ خوشحالیه‌وه‌ ئه‌و ره‌شه‌كوژیی و كرده‌وه‌ درندانه‌يه‌ له‌لایه‌ن ده‌وڵه‌تی پاریس بایه‌خی پیویستی پێ ده‌درێ‌ و به‌لێنی لێكۆڵینه‌وه‌ و ئاشكرا كردنی ده‌سته‌ شاراوه‌كانی پشتی ئه‌و تیرۆرانه‌ له‌ماوه‌ێكی نزیك دراوه‌. 
سازمانی خه‌بات ی كوردستانی ئێران دیارده‌ی تیرۆریزم مه‌حكووم ده‌كا، به‌تایبه‌ت نوێترین كرده‌وه‌ی ترۆریستی له‌ دژی كوردانی تركیا مه‌حكووم ده‌كا و پرسه‌ و سه‌ره‌خۆشی خۆی به كه‌س و كاری هه‌ر سێ ژنى تێكوَشه‌ر رادەگەێنێ‌  و هیواداره‌ دانووستانه‌كانی چاره‌سه‌ری ئاشتی به‌ ئه‌نجام بگات. 

سازمانى خه‌بات ى كوردستانى ئێران 
كومیته‌ى ناوه‌ندى 
٢٢ى به‌فرانبارى ١٣٩١



ڕێکه‌وت: 2013-01-11 19:47:35
به‌شی ( تیرۆری ٣ ژنه‌ چالاكوانه‌كه‌ی كوردستانی تركیا مه‌حكووم ده‌كه‌ین )