__ هێزە ئیتلاعاتییەکان هاووڵاتییەکی دیکەیان لە روانسەر دەستبەسەر کرد__ شەپۆلی پاڕازیت و لەدایکبوونی ژمارەیەک منداڵانی نوقسان لە نەخۆشخانەیەکی شاری سنە__ سه‌ناتۆره‌كانى ئه‌مریكا: باڵوێزى نوێى ئێران نه‌یته‌ ئه‌مریكا__ به‌رپرسێكى ئه‌مریكایى: ئه‌وه‌ى ناوچه‌كه‌ نائه‌من ده‌كات ناوه‌كى بوونى رژێمى ئاخوندییه‌__ پاسدار گراوه‌ند تێكهه‌ڵچوونى چه‌كدارى له‌ سنووره‌كان زیادى كردووه‌__ ترسى رژێم له‌ بریارنامه‌ى یه‌كیه‌تى ئۆرووپا__ لێبوردنی نێوده‌وڵه‌تی: سه‌ركوتكردنه‌ خوێناویه‌كه‌ی ئیخوان له‌بیر مه‌كه‌ن__ ئه‌ردۆغان: له‌پێناو توركیا له‌گه‌ڵ ئۆپۆزسیۆن په‌ڕه‌یه‌كی نوێ هه‌ڵده‌دینه‌وه‌__ سوریا؛ تەنها لە ماوەی دە رۆژدا زیاتر لە (١٠٠٠) کەس بونەتە قوربانی

هێزە ئیتلاعاتییەکان هاووڵاتییەکی دیکەیان لە روانسەر دەستبەسەر کرد
هاووڵاتییەکی کوردی خەڵکی شاری روانسەر لەلایەن هیزە ئیتلاعاتییەکانی رژێمى ئاخوندى ئێرانەوە دەستبەسەر کرا و سێ چالاکی سیاسی خەلکی ئەو شارە بۆ زیندانی دیزڵ‌ئابادی کرماشان راگوێزران.
بەپێی راپۆرتی هەواڵدەریی کوردپا؛ عادڵ محەمەدی تەمەن ٢٧ ساڵ و کوڕی ئەحمەد، کەلە کۆتاییەکانی مانگی رەشەمەی ساڵی ١٣٩٢ی هەتاویدا لەلایەن ‌هێزە ئیتلاعاتییەکانەوە دەستبەسەر کرابوو، رەوانەی زیندانی دیزڵ‌ئابادی کرماشان کراوە. دەگوترێت، کە ئەو هاوولاتییە کوردە لەلایەن ‌هێزە ئیتلاعاتییەکانەوە بە ئەندامەتی لە یەکێک لە حیزبە کوردییەکانی ئۆپۆزیسیۆنی حکوومەتی ئێران تۆمەتبار کراوە. لەلایەکی دیکەوەو سێ چالاکی سیاسیی کوردی خەڵکی شاری روانسەر بەناوەکانی ئارام سلێمانی، مەهدی وەیسی، عەبدولکەریم ئەحمەدنژاد پاش ٤٠ رۆژ دەستبەسەری لە ئیدارەی ئیتلاعات، بۆ زیندانی دیزڵ ئابادی کرماشان راگویزران. ئەو سێ چالاکە کوردە هاورێ لەگەڵ سیرووس مەنسووری و شاپوور و شاڕۆخ (برا) و کەسێکی دیکەش بەناوی هیدایەت دەستبەسەر کران، کە سیرووس مەنسووری، شاپوور و شاڕۆخ رێکەوتی ٢١ی رەشەمە هەرکامەیان بە سپاردنی ٥٠ ملیۆن تمەن بارمتە ئازاد کران و هەتا ئێستاش هیچ هەواڵێک لە چارەنووسی هیدایەت لەبەر دەستدا نییە.







شەپۆلی پاڕازیت و لەدایکبوونی ژمارەیەک منداڵانی نوقسان لە نەخۆشخانەیەکی شاری سنە
لە یەکێک لە نەخۆشخانەکانی شاری سنە بەهۆی ئاسەواری پاڕازیت، لە یەک رۆژدا نزیک به ١٥ منداڵی نوقسان لە دایک بوونە. بەپێی راپۆرتی هەواڵدەریی کوردپا؛ لە نەخۆشخانەی بێعسەتی شاری سنە لە یەک رۆژدا زیاتر لە ١٥ منداڵ لە دایک بوونە، کە تەنیا ٣ منداڵیان کە خەڵکی گوندەکانی ناوچەی دیواندەرە بوونە، بە ساخی لە دایک بوونە. زۆربوونی ژمارەی منداڵانی نوقسان بە ئەندازەیەک بووە، کە پزیشکانی نەخۆشخانەی بێعسەتی تووشی شۆک کردووە و زۆربەیان بۆ ئەو منداڵانە گریاون.لە ماوەی چەند ساڵی رابردوودا، ناوەندە ئەمنییەکانی رژێمى ئاخوندى ئێران بە مەبەستی ئاستەنگ دروست کردن بۆ وەشانی کەناڵە ئاسمانییەکانی دەرەوەی وڵات و تەلەفزیۆنی حیزبە کوردییەکانی ئۆپۆزیسیۆنی حکوومەتی ئێران، لە تێکڕای شاری ناوچە کوردنشینەکان دەزگای ناردنی شەپۆلی پاڕازیتیان داناوە. پسپۆرانی پزیشکی رایانگەیاندووە، شەپۆلی پاڕازیت راستەخۆ کاریگەریی لەسەر خانە جنسییەکانی پیاوان دەبێت و لە ئەنجامدا نوقسانیی خانە جنسییەکانی پیاوانی لێ دەکەوێتەوە.








سه‌ناتۆره‌كانى ئه‌مریكا: باڵوێزى نوێى ئێران نه‌یته‌ ئه‌مریكا
به‌ پێى راپۆرتى هه‌واڵده‌رییه‌كان، كۆمه‌ڵێك له‌ سه‌ناتۆره‌كانى كۆنگره‌ى ئه‌مریكا داوایان له‌ ده‌وڵه‌تى باراك ئۆباما كرد كه‌ رێگه‌ به‌ باڵوێزى نوێى رژێمى ئاخوندى له‌ سازمانى نه‌ته‌وه‌یه‌كگرتووه‌كان نه‌ده‌ن كه‌ بێته‌ ناوو خاكى ئه‌مریكاوه‌. سه‌ناتۆر رابرت مه‌ندز سه‌رۆكى كۆمیته‌ى په‌یوه‌ندییه‌كانى ده‌ره‌وه‌ى سه‌ناى ئه‌مریكا و سه‌ناتۆر جان مه‌ك كین له‌ رێبه‌رانى سه‌ناى ئه‌مریكا له‌ وتووێژێك له‌گه‌ڵ هه‌واڵده‌رى رۆیترز رایانگه‌یاند، وه‌زاره‌تى ده‌ره‌وه‌ى ئه‌مریكا نابێت بۆ حه‌مید ئه‌بوتالبى ویزا سادر بكه‌ن. چونكوو دانى ویزا به‌ وه‌ها كه‌سانێك ده‌بێته‌ جێگاى نیگه‌رانى. جێگه‌ى باسه‌ كه‌ ئه‌بوتالبى كه‌ وه‌ك باڵوێزى نوێى رژێم له‌ سازمانى نه‌ته‌وه‌یه‌كگرتووه‌كان دیارى كراوه‌، یه‌كێك بووه‌ له‌و كه‌سانه‌ى كه‌ له‌ گره‌وگانگیرییه‌كانى سه‌فاره‌تى ئه‌مریكا له‌ ساڵى ١٣٥٨ له‌ تاران ده‌ستى هه‌بووه‌.








به‌رپرسێكى ئه‌مریكایى: ئه‌وه‌ى ناوچه‌كه‌ نائه‌من ده‌كات ناوه‌كى بوونى رژێمى ئاخوندییه‌
به‌ پێى راپۆرتى هه‌واڵده‌رییه‌كان، به‌رپرسێكى بالاى كۆشكى سپى ئه‌مریكا دواى چاوپێكه‌وتنى باراك ئۆباما و مه‌له‌ك عه‌بدۆلاه‌ پاشاى عه‌ره‌بستان رایگه‌یاند، ئه‌وان به‌ چاوى شكه‌وه‌ له‌ وتووێژه‌كانى ئێمه‌ له‌گه‌ڵ رژێمى ئاخوندى ده‌روانن و ئێمه‌ ئه‌و نیگه‌رانییه‌ هه‌ست پێ ده‌كه‌ین و ئه‌زانین كه‌ جێگاى خۆیه‌تى كه‌ ولاتانى كه‌نداوى فارس باوه‌ریان به‌و وتووێژانه‌ نه‌بێت. ئه‌وه‌ش راسته‌ كه‌ ئه‌وان چالاكییه‌كانى رژێمى ئاخوندى بۆ نائه‌من كردنى ناوچه‌كه‌ و پاڵپشتى كردن له‌ حوییه‌كانى یه‌مه‌ن و هێنێ چالاكیترى ئه‌و رژێمى له‌ ناوچه‌كه‌ و پشتیوانى له‌ حزیرلا ده‌بینن، به‌لام ئه‌وه‌یكه‌ له‌ به‌رژه‌وه‌ندى ناوچه‌كه‌ و ئارامى ئه‌و ولاتانه‌یه‌ ئه‌وه‌یه‌ كه‌ رژێمى ئاخوندى ده‌ستى به‌ چه‌كى ناوه‌كى نه‌گات، ناوه‌كى بوونى ئه‌و رژێمه‌ ده‌بێت به‌ هۆكارى نائه‌منى و ئاژاوه‌ له‌ ناوچه‌كه‌ و جیهان. جێگه‌ى باسه‌ كه‌ ئه‌و به‌رپرسه‌ ئه‌مریكاییه‌ وتى، ئێمه‌ ده‌مانه‌وێت به‌ هاوكارى دۆستانمان له‌ ناوچه‌ى رۆژهه‌لاتى ناوه‌راست و هه‌موو جیهان پێش به‌ تیرۆریسمى ئاخوندى و چالاكى ده‌ست و په‌یوه‌نده‌كانى ئه‌و رژێمه‌ له‌ بوارى تیرۆریسمدا بگرین.








پاسدار گراوه‌ند تێكهه‌ڵچوونى چه‌كدارى له‌ سنووره‌كان زیادى كردووه‌
به‌ پێى راپۆرتى هه‌واڵده‌رییه‌كان، پاسدار ئه‌حمه‌د گراوه‌ند جێنشینى سه‌ركرده‌ى ئینتزامى رژێمى ئاخوندى دانى نا به‌ زیاد بوونى شه‌رِى چه‌كدارى له‌ سنووره‌كان و وتى، هێزه‌كانى رژێمى ئاخوندى له‌ ٢٧ى ره‌شه‌مه‌وه‌ تاكوو ١٢ى خاكه‌لێوه‌ ١٢ جار تووشى تێكهه‌ڵچوونى چه‌كدارى له‌ سه‌ر سنووره‌كان بونه‌ته‌وه‌. ناوبراوو كه‌ وته‌كانى له‌ هه‌واڵده‌رى حكومه‌تى ئیسنا بلاو بووه‌ته‌وه‌ رایگه‌یاند، خاڵى پشكنینمان له‌ سنووره‌كان زیاد كردووه‌ و به‌ له‌به‌ر چاوو گرتنى كرده‌وه‌ى دژه‌ ئینقلابه‌كان له‌ رۆژئاواى ئێران، ٢٥٠ كیلۆمه‌تر له‌و ناوچانه‌ دراون به‌ هێزه‌كانى سپاى پاسدارانى رژێم








ترسى رژێم له‌ بریارنامه‌ى یه‌كیه‌تى ئۆرووپا
به‌ پێى راپۆرتى هه‌واڵده‌رییه‌كان، له‌ دواى په‌سه‌ند كردنى بریارنامه‌ى كۆمیته‌ى په‌یوه‌ندییه‌كانى ده‌ره‌وه‌ى یه‌كیه‌تى ئۆرووپا له‌ مه‌رِ پێشێلكارى مافى مرۆڤ له‌ ئێرانى ژێر ده‌سه‌لاتى رژێمى ئاخوندى، رژێمى ئاخوندى له‌ راگه‌یاندنه‌كانى خۆیدا له‌م بریارنامه‌ و ئاكامه‌كانى ناڵه‌و ئاهى به‌رز بووه‌ته‌وه‌. هه‌واڵده‌رى هێزه‌ تیرۆریستییه‌كانى قۆدس ناسراو به‌ ته‌سنیم، دوێنى ١٢ى خاكه‌لێوه‌ له‌ راپۆرتێكدا ئه‌و بریارنامه‌ى ستراتژى ده‌ستێوه‌ردانى یه‌كیه‌تى ئۆرووپا له‌ كاروبارى رژێمى ئاخوندى زانى و نیگه‌رانى خۆى له‌مه‌رِ ئه‌و بریارنامه‌ ده‌ربرى. له‌و راپۆرته‌دا ه‌ێرِاى ئاماژه‌ به‌ په‌سه‌ند كردنى كۆتایى ئه‌و بریارنامه‌ بۆ ناردنى به‌ پارله‌مانى ئۆروپا هاتووه‌ كه‌، له‌و سه‌نه‌ده‌دا ئاماژه‌ كراوه‌ كه‌ رژێمى ئاخوندى هه‌روه‌ها به‌ پێشێلكردنى مافى سه‌ره‌تایى مرۆڤه‌كان له‌ ئێران درێژه‌ ده‌دات ه‌ تاكوو ئێستاش له‌گه‌ڵ ناوه‌نده‌كانى مافى مرۆڤى نه‌ته‌وه‌یه‌كگرتوه‌كان هاوكارى ناكات و به‌ راپۆرتنێرى تایبه‌ت ئیزنى رۆیشتن بۆ ئێران نادات. جێگه‌ى باسه‌ كه‌ له‌و بریارنامه‌دا هاتووه‌ كه‌ تنیا له‌ ئه‌گه‌رى هاوكارى ته‌واوى رژێمى ئاخوندى له‌گه‌ڵ ناوه‌نده‌كانى مافى مرۆڤ و پابه‌ند بوون به‌ بریارنامه‌ نێونه‌ته‌وه‌ییه‌كان په‌یوه‌ندى یه‌كیه‌تى ئۆرووپا له‌گه‌ڵ رژێمى ئاخوندى به‌ره‌و باشى هه‌نگاو ده‌نێت.








لێبوردنی نێوده‌وڵه‌تی: سه‌ركوتكردنه‌ خوێناویه‌كه‌ی ئیخوان له‌بیر مه‌كه‌ن
رێكخراوی لێبوردنی نێوده‌وڵه‌تی داوایكرد له‌كاتی لێكۆڵینه‌وه‌ی ئه‌منی له‌ بیرو چالاكیه‌كانی كۆمه‌ڵی ئیخوان موسلمین، سه‌ركوتكردنه‌ خوێناویه‌كه‌ی ئیخوان له‌میسر له‌به‌رچاو بگیرێت له‌لایه‌ن حكومه‌ته‌ كاتیه‌كه‌ی میسر.  
به‌ پێى راپۆرتى هه‌واڵده‌رییه‌كان، ئه‌م لێدوانه‌ی لێبوردنی نێوده‌وڵه‌تی له‌كاتێكدایه‌ كه‌ حكومه‌تی به‌ریتانیا ئاشكرایكرد له‌بیرو كاره‌كانی كۆمه‌ڵی ئیخوان موسلمین ده‌كۆڵێته‌وه‌.  له‌به‌یاننامه‌یه‌كیدا، ئالان هۆگارس، به‌رپرسی لقی به‌ریتانیا بۆ كاروباری حكومی رێكخراوی لێبوردنی نێوده‌وڵه‌تی رایگه‌یاند، " حكومه‌تی به‌ریتانیا مافی خۆیه‌تی پێداچوونه‌وه‌ی ئه‌منی بكات به‌ كاروبه‌رنامه‌كانی ئیخواندا، به‌ڵام ده‌بێت ئه‌وه‌ له‌به‌رچاو بگرێت كه‌ پێشلكارییه‌ مرۆییه‌كان به‌رامبه‌ر لایه‌نگرانی ئیخوان له‌میسر رۆژانه‌ زیاد ده‌كات و روبه‌روی داپڵۆسین ده‌بنه‌وه‌ له‌لایه‌ن ده‌زگا ئه‌منیه‌كانی ئه‌و وڵاته‌وه‌".  دادگای میسر له‌كاتی دادگایی كردنی ئه‌ندامانی ئیخوان موسلمین بڕیاری له‌سێداره‌دانی بۆ ٥٢٨ سه‌ركرده‌ی ئیخوان ده‌ركرد، ئه‌مه‌ش بووه‌ مایه‌ی نیگه‌رانیی وه‌زیری ده‌ره‌وه‌ی حكومه‌تی به‌ریتانیا و چه‌ندین وڵاتی دیكه‌ی جیهان.   








ئه‌ردۆغان: له‌پێناو توركیا له‌گه‌ڵ ئۆپۆزسیۆن په‌ڕه‌یه‌كی نوێ هه‌ڵده‌دینه‌وه‌
سه‌رۆك وه‌زیرانی توركیا، ئاشكرایكرد، توركیا پێویستی به‌ ئۆپۆزسیۆنی راسته‌قینه‌ هه‌یه‌، نه‌ك ئۆپۆزسیۆنێك كه‌ هه‌وڵ بۆ جه‌مسه‌رگیریی و جیاخوازیی نێوان مرۆڤه‌كان بكات.  به‌ پێى راپۆرتى هه‌واڵده‌رییه‌كان، له‌لیدوانێكیدا له‌باره‌گای پارته‌كه‌ی له‌ئانكاراى پایته‌ختی توركیا، ره‌جه‌ی ته‌یب ئه‌ردۆغان، سه‌رۆك وه‌زیرانی توركیا وتی: پێشتر وتم گه‌ر پارتی دادو گه‌شه‌پێدان سه‌ركه‌وتن به‌ده‌ست نه‌یه‌نێت له‌هه‌ڵبژاردنه‌كاندا، ئه‌وا ده‌ستبه‌رداری پۆستی ده‌سه‌ڵات ده‌بم، راشیگه‌یاند،" هیچ كام له‌سه‌ركرده‌كانی ئۆپۆزسیۆن پێشنیارێكی له‌وجۆره‌یان نه‌كرد چونكه‌ به‌رده‌وام چاویان له‌پله‌ و پایه‌یه‌".  ئه‌ردوغان رووی ده‌می كرده‌ ئۆپۆزسیۆنی توركیاو وتی: وه‌رن با په‌ڕه‌یه‌كی نوێ هه‌ڵده‌ینه‌وه‌ له‌پێناو توركیا و پاراستنیدا، راشیگه‌یاند، " ئه‌مڕۆ رۆژی سه‌ركه‌وتنی ئاشته‌وایی ناوخۆی توركیایه‌ و رۆژی سه‌ركه‌وتنی ئامانجه‌كانه‌".  دوو رۆژ له‌مه‌وبه‌ر زیاتر له‌ ٥٢ ملیۆن هاوڵاتی توركیا به‌شدارییان له‌پرۆسه‌ی هه‌ڵبژاردنی شاره‌وانییه‌كاندا كرد و به‌پێی ئه‌نجامه‌ به‌راییه‌كان پارته‌كه‌ی ره‌جه‌ب ته‌یب ئه‌ردوغان، پارتی دادو گه‌شه‌پێدان زۆرینه‌ی ده‌نگه‌كانی له‌توركیا به‌ده‌ستهێناوه‌.  








سوریا؛ تەنها لە ماوەی دە رۆژدا زیاتر لە (١٠٠٠) کەس بونەتە قوربانی
ناوه‌نده‌كانىمافى مرۆڤ، رایدەگەیەنێت؛ لە ماوەی دە رۆژی رابردودا، بەهۆی شەڕ و پێکدادانەکانی نێوان هێزەکانی سوپای ئەسەد و چەکدارە ئۆپۆزسیۆنەکانه‌وه‌ زیاتر لە (١٠٠٠) کەس بونەتە قوربانی.
به‌ پێى راپۆرتى هه‌واڵده‌رىیه‌كانى مافى مرۆڤ له‌ سوریا، له‌ ماوه‌ی دە رۆژی رابردودا به‌ هۆی شه‌ڕ و پێکدادانه‌ بەردەوامەکانی نێوان چه‌کداران و لا‌یه‌نگرانی ئۆپۆزسیۆنی سوریا لەگەڵ هێزەکانی سوپای ئەسەد، لە ناوچەی لازقیە زیاتر لە (١٠٠٠) کوژراو‌ و برینداری لێکەوتۆتەوە. به‌ پێى ئه‌م راپۆرته‌ لەگەڵ ئەوەی شەڕ و پێکدادانەکان بەردەوامە و هێزەکانی سوپای ئەسەد لە رێگەی بەکارهێنانی راجیمە و بەرمیلی تەقینەوەوە (٤٥) ناوچەیان کردوەتە ئامانج بەمەبەستی دوبارە بەدەستهێنانەوەیان، کە دیارترینیان فرۆکەخانەی باسل ئەسەدە.
ئەوە لە کاتێکدایە بە پێی ئامارێکی نوێی روانگەی سوری مافەکانی مرۆڤ، لە ١٨ی ئاداری ساڵی ٢٠١١وەو لە سەرەتای دەستپێکردنی شەڕی ناوخۆی سوریاوە تا ئێستا زیاتر لە (١٥٠) هەزار کەس كوژراون. 

ڕێکه‌وت: 2014-04-02 13:20:02
به‌شی ( هه‌واڵه‌كانى كوردستان، ئێران و جیهان ١٣ى خاكه‌لێوه‌ى ١٣٩٣ )