__ مردنى کچە خویندکارێک لە نۆدشە__ درکرانی کرێکارە کوردەکانی کانگەی زێڕی زرە شۆران لە تیکاب__ یاساى سه‌ناى ئه‌مریكا: ئه‌بوتالبى ئیجازه‌ى هاتنى بۆ خاكى ئه‌مریكا نییه‌__ هێرشى رژێمى ئاخوندى بۆ سه‌ر بریارنامه‌ى مافى مرۆڤى پارله‌مانى ئوروپا__ سه‌ناتۆره‌ ئه‌مریكاییه‌كان: ده‌بێت گه‌مارۆكانى سه‌ر رژێمى ئاخوندى زیاتر بكرێت__ دوو راوێژكارى گه‌وره‌ى ئۆباما: هه‌ره‌شه‌ى نیزامى بۆ سه‌ر رژێمى ئاخوندى زیاتر بكرێت__ له‌ ناوو بردنى باندێكى قاچاخى كه‌ل و په‌لى مووشه‌كى بۆ ئێران__ گەورەترین هەڵبژاردنی جیهان لە هندوستان به‌ڕێوه‌ده‌چێت__ به‌شار ئه‌سه‌د: وه‌ك سه‌رۆكی‌ پێشووی‌ ئۆكرانیا ناكه‌م

مردنى کچە خویندکارێک لە نۆدشە
کچە خویندکارێکی کوردی خەڵکی شاری نۆدشە لە ئوستانی کرماشان، کە چەند رۆژ پێش ئێستا تووشی رووداوی هاتووچۆ هاتبوو، گیانی لەدەست دا.
بەپێی راپۆرتی هەواڵدەریی کوردپا؛ تانیا غیاسی کچی یوونس و خوێندکاری رشتەی پەرستاریی زانکۆی مازندەران (ساری) لە باکووری ئێران، کە چەند رۆ پێش ئیستا بەهۆی بەفر و بۆرانەوە تووشی رووداوی هاتووچۆ هاتبوو، رۆژی دووشەممە رێکەوتی ١٨ی خاکەلێوە گیانی لەدەست دا. ئەو کچە خوێندکارە رۆژی ١٠ی خاکەلێوەی ئەمساڵ هاوڕێ لەگەڵ بنەماڵەکەی لە جاددەی مەریوان – نۆدشە- پاوە تووشی رووداوی هاتووچۆ هاتبوو، ماوەی ٨ رۆژ لە نەخۆشخانە لەکۆمادا بوو. هەروەها لەو رووداوەدا کە بەهۆی بەفر و بۆران لە کەلی تەتە لە ناوچەی هەورامان هاتبوویە ئاراوە، سێ کەسی دیکەش کوژراو و بریندار ببوون.







درکرانی کرێکارە کوردەکانی کانگەی زێڕی زرە شۆران لە تیکاب
تێکڕای کرێکارە خۆجێییەکانی گەورەترین کانگەی زێڕی ئێران لە شاری تیکاب، لەلایەن بەرپرسانی ئەو کانگە زێڕە لەسەر کار دەرکران. بەپێی راپۆرتی  هەواڵدەریی کوردپا؛ دوێنى دووشەممە رێکەوتی ١٨ی خاکەلێوە کرێکارە کوردەکانی کانگەی زڕە شۆران، کە سەرجەمیان خەڵکی گوندەکانی زڕە شۆران، هەلوچەلی و شاری تیکابن، بە بڕیاری بەرپرسانی ئەو کانگە زێڕە لەسەر کار دەرکران و کرێکارە کوردەکان بە نێشانەی ناڕەزایەتی دەربڕین بەو هەڵوێستەی بەرپرسانی کانگەی زێڕی زڕە شۆران، رێگەی سەرەکیی ئەو کانگە زێڕەیان داخست و بە دژی بەرپرسانی حکوومەتی ناڕەزایەتییان دەربڕی. ئەو کرێکارە کوردانە، کە زۆربەیان زیاتر لە دوو ساڵە لەو کانگە زێڕە پێشینەی کار کردنیان هەبووە، خوازیاری گەڕانەوە بۆ سەر کارەکانیان بوون، کە هەتا ئێستا هیچ وڵامێکیان پێ نەدراوەتەوە. کانگەی زرە شۆران لە ٣٩ کیلۆمیتریی شاری تیکاب هەڵکەوتەوە و ١١ ملیۆن تۆن پاشەکەوتی زێڕی ٧.٩ عەیاری تێدایە، کە ٨٨ تۆن زێری خالیس و ٢ تۆن نوقرەی خالیسی لێ بەرهەم دێت.








یاساى سه‌ناى ئه‌مریكا: ئه‌بوتالبى ئیجازه‌ى هاتنى بۆ خاكى ئه‌مریكا نییه‌
به‌ پێى راپۆرتى هه‌واڵده‌رییه‌كان، سه‌ناى ئه‌مریكا خوازیارى قه‌ده‌غه‌ كردنى، رۆیشتنى حه‌مید ئه‌بوتالبى بۆ خاكى ئه‌مریكا بوو. مه‌جلیسى سه‌ناى ئه‌مریكا یاساێكى په‌سه‌ند كرد كه‌ به‌ پێى ئه‌و یاسایه‌ كه‌سانێكه‌ ناویان وه‌ك تیرۆریست هاتووه‌ ناتوانن بچنه‌ ناوو خاكى ئه‌مریكاوه‌ و ئه‌م یاسایه‌ حمید ئه‌بوتالبى باڵوێزى رژێمى ئاخوندى له‌ سازمانى نه‌ته‌وه‌یه‌كگرتوه‌كان ده‌گرێته‌وه‌. جێگه‌ى باسه‌ كه‌ ئه‌و یاسایه‌ ده‌بێت له‌ لایه‌ن نوێنه‌رانى مه‌جلیسى ئه‌مریكاوه‌ په‌سه‌ند بكریت و له‌ دواییدا سه‌رۆك كۆمارى ئه‌مریكا واژۆى بكات تاكوو بچێته‌ بواره‌ جێ به‌ جێ كردنه‌وه‌.








هێرشى رژێمى ئاخوندى بۆ سه‌ر بریارنامه‌ى مافى مرۆڤى پارله‌مانى ئوروپا
به‌ پێى راپۆرتى هه‌واڵده‌رییه‌كان، هه‌واڵده‌رى فه‌رانسه‌ له‌ راپۆرتێكدا له‌ ژێر ناوى هێرشى رژێمى ئاخوندى بۆ سه‌ر بریارنامه‌ى مافى مرۆڤى یه‌كیه‌تى ئوروپا نوسیویه‌، ئه‌و بریارنامه‌یه‌ كه‌ رۆژى پێنجشه‌ممه‌ په‌سه‌ند كرا رژێمى ئاخوندى ئێرانى به‌ هۆى پێشێلكارى سیستماتیكى مافى مرۆڤ مه‌حكوم كرد و وتى، هه‌ڵبژاردنه‌كانى ساڵى ٢٠١٣ى ئه‌و ولاته‌ به‌ پێى ئێستاندارده‌ دیموكراتیكه‌كان له‌ جیهاندا به‌رێوه‌ نه‌چووه‌. بریارنامه‌كه‌ هه‌ر وه‌ها ئاماژه‌ى كردووه‌ به‌وه‌یكه‌ هه‌ر هه‌یئه‌تێك كه‌ له‌ لایه‌ن یه‌كیه‌تى ئوروپاوه‌ ده‌رواته‌ ئێران ده‌بێت چاوى به‌ زیندانیانى سیاسى بكه‌وێت. جێگه‌ى باسه‌ كه‌ رۆژنامه‌ى حكومه‌تى شه‌رق رۆژى دووشه‌ممه‌ له‌ زار جه‌واد زه‌ریفه‌وه‌ رایگه‌یاند كه‌ ده‌وڵه‌تى ئێران به‌ بوونى وه‌ها بریاراتێك به‌ هیچ هه‌یئه‌تێكى ئوروپایى ئیجازه‌ ى هاتنه‌ ناوو خاكى ئێران نادات.








سه‌ناتۆره‌ ئه‌مریكاییه‌كان: ده‌بێت گه‌مارۆكانى سه‌ر رژێمى ئاخوندى زیاتر بكرێت
به‌پێى راپۆرتى هه‌واڵده‌ریه‌كان ،سه‌ناتۆر رابێرت مه‌ندز ومارك كرێك دو سه‌ناتۆرى گه‌وره‌ى ئمریكا داوایان له‌ باراك ئۆباما كرد كه‌ له‌ ئه‌گه‌رى رێكه‌وتنى كۆتایی نێوان تاران ومسكۆ بۆ فرۆشتنى نه‌وتى رژێم له‌ برانبه‌ر كه‌ول  و په‌لدا گه‌مارۆى زیاتر دژبه‌ رژێمى ئاخوندى په‌سه‌ند بكات.  سه‌ناتۆر رابرت مندز سه‌رۆكى كومیته‌ى په‌یوه‌ندییه‌ ده‌ره‌كیه‌كانى سه‌ناى ئه‌مریكا و سه‌ناتۆر مارك كرێك له‌ نامه‌ێكدا بۆ سه‌رۆك كۆمارى ئه‌مریكا نوسیویانه‌، واشه‌نگتۆن ده‌بێت له‌ كه‌م كردنه‌وه‌ى گه‌مارۆكان به‌ پێى رێكه‌وتنى ژنێڤ پێداچوونه‌وه‌ بكات و گه‌مارۆ نه‌وتییه‌كان زیاتر بكات و هه‌ر چه‌شنه‌ كرده‌وه‌ێك به‌ پێچه‌وانه‌ى یاسا سزا بدات.








دوو راوێژكارى گه‌وره‌ى ئۆباما: هه‌ره‌شه‌ى نیزامى بۆ سه‌ر رژێمى ئاخوندى زیاتر بكرێت
به‌ پێى راپۆرتى هه‌واڵده‌رى واڵ ئێستریت ژۆرناڵ، رابرت ئاینهوون و دنیس رایس دوو راوێژكارى گه‌وره‌ى ده‌وڵه‌تى باراك ئۆباما له‌ مه‌رِ كاروبارى ئێران، له‌ كۆشكى سپى و كۆنگره‌ى ئه‌مریكا داوایان كردووه‌ كه‌ هه‌ره‌شه‌ى هێرشى نیزامى و به‌كارهێنانى بژارده‌ى هێزى نیزامى له‌ ئه‌گه‌رى شكستى وتووێژه‌كان و یان له‌ ئه‌گه‌رى ئه‌وه‌یكه‌ ئه‌و رژێمه‌ له‌ به‌رێوه‌ بردنى ناوه‌رۆكى رێكه‌وتنامه‌كه‌دا سه‌رپێچى بكات، زیاتر ببێت. به‌ پێى ئه‌م راپۆرته‌، دیپلۆماته‌ ئه‌مریكاییه‌كان و دیپلۆماته‌كانى رژێمى ئاخوندى تاكوو ئێستا دوو بۆچوونى به‌ پێچه‌وانه‌ى یه‌كیان هه‌یه‌ له‌مه‌رِ بارودۆخى كۆتایى به‌رنامه‌ ناوه‌كییه‌كه‌ى رژێم. ئه‌مریكا خوازیارى له‌ ناوو بردنى به‌شێكى زۆر له‌ دامه‌زراوه‌ ناوه‌كییه‌كه‌ى ئێرانه‌ له‌ كاتێكدا حسن رۆحانى رایگه‌یاندووه‌ كه‌ ده‌بێت دامه‌زراوه‌ ناوه‌كییه‌كانمان بپارێزین.








له‌ ناوو بردنى باندێكى قاچاخى كه‌ل و په‌لى مووشه‌كى بۆ ئێران
ئیسپانیا باندێكى قاچاخى كه‌ل و په‌لى مووشه‌كى بۆ ئێرانى له‌ ناوو برد. به‌ پێى راپۆرتى هه‌واڵده‌رى ئاسۆشه‌یتدپرێس، رۆژى دووشه‌ممه‌ ١٨ى خاكه‌لێوه‌ى ١٣٩٣ كه‌سێكى ئێرانى و سێ كه‌سى ئیسپانیایى كه‌ ویستویانه‌ كه‌ل و په‌لى مووشه‌كى بۆ ئێران هه‌نارده‌ بكه‌ن ده‌ستبه‌سه‌ر كراون. به‌ پێى ئه‌م راپۆرته‌ گاردى مه‌ده‌نى ئیسپانیا وتى، ئه‌فسه‌رانى پۆلیس دوو شه‌به‌كه‌ى قاچاخى كه‌ل ه‌ په‌لى ماشینیان راگرتووه‌ كه‌ به‌ وته‌ى ده‌وڵه‌تى ئیسپانیا ناردنى ئه‌و كه‌ل و په‌لانه‌ بۆ ئێران گه‌مارۆكانى سه‌ر رژێم پێشێل ده‌كات. به‌ وته‌ى ده‌وڵه‌تى ئیسپانیا شوێنى سه‌ره‌كى ئه‌و كه‌ل و په‌لانه‌ كه‌ به‌ شێوه‌ى نایاسایى له‌و ولاته‌ جێگیر كرابوو تاكوو له‌ كاتى گۆنجاودا بۆ ئێران بنێردرێت. جێگه‌ى باسه‌ كه‌ ده‌ستبه‌سه‌ر كردنى ئه‌و كه‌سانه‌ له‌ كاتێكدا بووه‌ كه‌ تیمى وتووێژكه‌رى رژێمى ئاخوندى به‌ مه‌به‌ستى خۆلێكیتر له‌ وتویژه‌كان له‌ وییه‌ن به‌سه‌ر ده‌به‌ن.








گەورەترین هەڵبژاردنی جیهان لە هندوستان به‌ڕێوه‌ده‌چێت
هەڵبژاردنەکانی په‌رله‌مانی هندستان کە بە “لوک سابا” ناسراوە، سەر لەبەیانی  دوێنێ دووشەممە ١٨ى خاكه‌لێوه‌ لەو وڵاتە دەستی پێکرد و لە ٩ قۆناغدا بەڕێوە دەچێت وەکوو گەورەترین هەڵبژاردنی جیهان ناسراوە کە بۆ ماوەی ٣٦ رۆژ ده‌خاێنێت. به‌ پێى راپۆرتى هه‌واڵده‌رى رادیۆ فه‌ردا، لە یەکه‌م قۆناغی ئەو هەڵبژاردنەدا هاوڵاتیانی دوو ویلایەتی “تریپورا” و “ئاسام” دەچنە سەر سەندووقەکانی دەنگ دان. ٨١٤ ملیۆن هاوڵاتیی هندی کە مافی دەنگدانیان هەیە سەرجەم ٥٤٣ نوێنەر دەنێرنە ‘لوک سابا” لەم هەڵبژاردنانەدا ململانێی سەرەکی لەنێوان نوێنەرانی حیزبی دەسەڵاتدار واتە حیزبی “کۆنگرە” بە سەرۆکایەتی “نەهرۆ گاندی”و نوێنەرانی حیزبی ئۆپۆزسیۆن واتە حیزبی “خەڵک” بە سەرۆکایەتی “نارندرا مودی”دایە.








به‌شار ئه‌سه‌د: وه‌ك سه‌رۆكی‌ پێشووی‌ ئۆكرانیا ناكه‌م
به‌ پێى راپۆرتى هه‌واڵده‌رییه‌كان، سه‌رۆكی‌ سوریا رایگه‌یاند كه‌ وه‌ك سه‌رۆكی‌ پێشووی‌ ئۆكرانیا ره‌فتار ناكات و ده‌ستبه‌رداری‌ ده‌سه‌ڵات نابێت، ئاماژه‌شی‌ به‌وه‌دا كه‌ تا كۆتایی ئه‌مساڵ‌ پرۆسه‌ جه‌نگییه‌كان كۆتایی دێن. به‌شار ئه‌سه‌د  له‌ نامه‌ێكدا بۆ وه‌لادمیر پۆتین رایگه‌یاندووه‌ كه‌ وه‌ك ڤیكتۆر یانۆكۆفیچ سه‌رۆكی‌ پێشووی‌ ئۆكرانیا ره‌فتار ناكات و ده‌ستبه‌رداری‌ ده‌سه‌ڵات نابێت. جێگه‌ى باسه‌ كه‌ حه‌فته‌ی‌ رابردوو ستیباشین به‌ سه‌رۆكایه‌تی‌ هه‌یئه‌تێكى باڵای‌ روسیا گه‌یشته‌ دیمه‌شقی‌ بۆ گه‌یاندنی‌ نامه‌یه‌ك له‌ سه‌رۆكی‌ روسیاوه‌ بۆ هاوتا سورییه‌كه‌ی‌.
ستیباشین وتی‌: "له‌ یه‌كێك له‌ شوێنه‌كانی‌ مانه‌وه‌م چاوم به‌ به‌شارئه‌سه‌د كه‌وت و پشتیوانی‌ هه‌میشه‌یی روسیام بۆ دووپات كرده‌وه‌ بۆ رووبه‌ڕووبوونه‌وه‌ی‌ تیرۆر و سوپاسكردنی‌ هه‌ڵوێستی‌ بۆ له‌ناوبردنی‌ چه‌كه‌ كیمیاوییه‌كانی‌". هه‌روه‌ها ئاشكراشیكرد كه‌ به‌شار ئه‌سه‌د پێی‌ راگه‌یاندووه‌ كه‌ "قۆناغی‌ چالاكی‌ پرۆسه‌ جه‌نگییه‌كان له‌ سوریا له‌گه‌ڵ‌ كۆتایی ٢٠١٤دا كۆتایی دێت و دواتر قۆناغی‌ له‌ناوبردنی‌ تیرۆریسته‌كان ده‌ستپێده‌كات".

ڕێکه‌وت: 2014-04-08 10:51:08
به‌شی ( هه‌واڵه‌كانى كوردستان، ئێران و جیهان ١٩ى خاكه‌لێوه‌ى ١٣٩٣ )