__ لە پیرانشار قوتابخانەیەکی دیکە لە ئاگردا سووتا__ چوار چالاکی کورد بانگهێشت و دادگایی کران__ داعش؛تورکیا‌ به‌ تاوانباری سه‌ره‌کی له‌ شکستی کۆبانی ده‌زانێت __ سه‌رکه‌وتنی دانوستانی ئاشتی، گه‌شه‌ی کوردستانی تورکیای به‌دواوه‌ ده‌بێت __ دۆزینەوەی شەبەكەێ:ی بەكرێگیراوانی رژێمی ئاخوندی لە سووریە__ كوژرانی سەركردەێكیتری سوپای پاسداران لە عێراق__ جان مەك كین: رژێمی ئاخوندی كێشەێكی ژئۆپۆلۆتیكە

لە پیرانشار قوتابخانەیەکی دیکە لە ئاگردا سووتا
بەهۆی "ناستانداردبوونی کوورەی نەوتی"، قوتابخانەی یەکێک لە گوندەکانی ناوچەی پیرانشار ئاگری تێبەربوو. بەپێی راپۆرتی هەواڵدەریی کوردپا، رۆژی یەکشەممە رێکەوتی ١٩ی رێبەندان، قوتابخانەی ٢٦ کەسیی گوندی "شختان"ی سەربە پیرانشار، لە ئاگردا سووتا. دەگوترێ، ئەو ئاگرکەوتنەوەیە بەهۆی "ناستانداردبوونی کوورەی نەوتی و هەڵکردنی بایەکی بەهێز"ـەوە هاتۆتە ئاراوە. لەو رووداوەدا، هیچکام لە قوتابییان زیانی گیانییان بەر نەوکەوتووە، بەڵام زیانێکی زۆری ماڵی بە قوتابخانەکە گەیشتووە. ئاگرکەوتنەوەی قوتابخانەی گوندی "شختان" لە کاتێکدایە، کە لە ئەمساڵی نوێی خوێندندا لە ئوستانی ئازەربایجانی رۆژئاوا، ٩ هەزار پۆلی خوێندن لە شار و گوندەکانی ئەو ئوستانەدا کەڵک لە کوورەی نەوتی وەردەگرن.








چوار چالاکی کورد بانگهێشت و دادگایی کران
 ناوەندە ئەمنی و قەزاییەکانی رژێمی ئاخوندی ئێران، چوار چالاکی کرێکاری و مەدەنیی کوردستانیان بانگهێشت کرد. بەپێی راپۆرتی هەواڵدەریی کوردپا، سەرەڕای تێپەربوونی ٢٠ رۆژ بەسەر دەستەبسەرکرانی سۆهراب بەهرامی، تەمەن ٥٥ ساڵ، لەلایەن ئیدارەی ئیتلاعاتی شاری سنەوە، هەتا ئێستا هیچ هەواڵێک لە چارەنووسی لەبەر دەستدا نییە.کەمپەینی بەرگری لە زیندانیانی سیاسی و مەدەنی نووسیویەتی؛ بەدواداچوونی بنەماڵەی بەهارمی بێ ئەنجام بووەو هەتا ئیتستاش تۆمەتی وەپاڵدراوی ناوبراو روون نییە.هەروەها موزەفەر ساڵح نیا، یەکێک لە چالاکانی کرێکاریی کوردی خەڵكی شاری سنە، لەلایەن ستادی خەبەریی ئەو شارەوە بانگهێشت و بۆ ماوەی ٢ کاتژمێر لێپرسینەوەی لەگەڵدا کراوە. هەروەها سەر لەبەیانیی رۆژی رابردوو، رێکەوتی ١٩ی رێبەندان، لقی ١٥ی دادگای ئینقلابی تاران، جەمیل محەمەدی دادگایی کرد. ئەو چالاکە کڕیکارییە کوردە، یەکێک لە ئامادەکارانی تۆماری چل هەزار کەسیی کرێکران و یەکێک لەو ٦ نوێنەرەی ئەو هەزار کرێکارانەیە، کە سکاڵایان لەسەر گەندەڵیی سێ هەزار ملیاردی تمەنیی سندووقی رێکخراوی تەئمین ئیجتماعی، تۆمار کردووە.ناوبراو لەلایەن دەزگای قەزایی رژێمی ئاخوندی ئێرانەوە بە "پێکهێنانی کۆبوونەوە بەدژی ئاسایشی نەتەوەیی" تۆمەتبار کراوە. لەلایەکی دیکەوە، کۆتاییەکانی حەفتەی رابردوو، چالاکێکی کرێکاری کورد، بەناوی رێبوار عەبدوڵڵاهی، وێڕای بانگهێشت کران بۆ لقی ١ی دادگای ئینقلابی شاری سنە، لەلایەن دادوەرەوە دادگایی کرا.بانگهێشت و دادگایی کرانی ئەندامانی رێکخراوە کرێکارییەکان تەنیا بەهۆی نارەزایەتی دەربڕین بە دەرکرانی کرێکاران و وەدوا کەوتنی مووچە و زیادکردنی هەقدەستی کرێکارانەوە بانگهێشت و بەەروڕووی حوکمی دادگا و زیندنای کران دەبنەوە.








داعش؛تورکیا‌ به‌ تاوانباری سه‌ره‌کی له‌ شکستی کۆبانی ده‌زانێت 
گرووپی تیرۆریستی داعش، تورکیای به‌ هۆکاری سه‌ره‌کی شکستی ئه‌م گرووپه‌ له‌ کۆنتڕۆڵ کردنه‌وه‌ی شاری ستراتیژیکی کۆبانی ناساندووه‌. به‌پێی راپۆرتی هه‌واڵده‌ریی میللییه‌ت، به‌پێی هه‌واڵه‌ بڵاوکراوه‌کان له‌ سه‌رچاوه‌کانی نێزیک داعش، ئه‌م گرووپه‌ تاوانباری سه‌ره‌کی شکسته‌که‌ی له‌ شه‌ڕی کۆبانی به‌ تورکیا ڕاگه‌یاندووه‌. هه‌ر بۆیه‌ هێزه‌ ئه‌منییه‌کانی تورکیا له‌ ناوچه‌کانی "سلێمان شاه‌"، "جیلوه‌ گوزو"، "ڕه‌یحانلی"، "مورشید پنار"، "یایلا داغی" و "کیلیس" ڕێوشوێنێکی‌ توندی‌ ئه‌منیان گرتۆته‌ به‌ر. به‌ شکستی گرووپی تیرۆریستی داعش له‌ کۆبانی ستراتیژی ناوچه‌کان گۆڕاوه‌. هه‌ر بۆیه‌ تورکیا خۆی بۆ به‌ره‌نگاربوونه‌وه‌ی داعش و فیتنه‌کانی ناوخۆی ئه‌م وڵاته‌ له‌لایه‌ن ده‌ستوپه‌یوه‌نده‌کانی ئه‌م ڕێکخراوه‌ تیرۆریستییه‌ ئاماده‌ کردووه‌.








سه‌رکه‌وتنی دانوستانی ئاشتی، گه‌شه‌ی کوردستانی تورکیای به‌دواوه‌ ده‌بێت 
وه‌زیری گه‌شه‌ی تورکیا ڕایگه‌یاند که‌ ڕه‌وتی دانوستانی ئاشتی ته‌نیا بابه‌تێکی سیاسی نییه‌ و پێوه‌ندی ڕاسته‌وخۆی هه‌یه‌ له‌گه‌ڵ ئاسایش و گه‌شه‌ی ناوچه‌ کوردنشینه‌کاندا. به‌پێی راپۆرتی هەواڵدەریەكان، "جه‌وده‌ت یڵماز"، وه‌زیری گه‌شه‌ی تورکیا له‌ لێدوانێکدا له‌ جوله‌مێرگ وتی: ڕه‌وتی دانوستان ته‌نیا پڕۆژه‌یه‌کی ئازادی و ئاشتی نییه‌ و پێوه‌ندی هه‌یه‌ له‌گه‌ڵ ئاسایشی تورکیا به‌تایبه‌ت ئاسایشی خه‌ڵکی کوردی تورکیا‌. ناوچه‌ی کوردنشینی ئه‌م وڵاته‌ له‌چاو دیکه‌ی ناوچه‌کانی تورکیا بێبه‌ش ماوه‌ته‌وه‌ و هۆکاری سه‌ره‌کی ئه‌وه‌ش نه‌بوونی ئاسایش و ئه‌منییه‌ت له‌م ناوچانه‌یه و به‌ سه‌رکه‌وتنی ڕه‌وتی دانوستان، پرسی گه‌نده‌ڵی ئیداری، به‌رهه‌مهێنان، هه‌نارده‌کاری و ڕه‌خساندنی هه‌لی کار بۆ لاوانیش چاره‌سه‌ر ده‌بێت. زیادیشی کرد: به‌داخه‌وه‌ هه‌ندێ که‌سان له‌م ڕێگایه‌دا له‌مپه‌ڕ دروست ده‌که‌ن. ماوه‌یه‌کی زۆر که‌ ئێمه‌ نه‌مانتوانیوه‌ له‌ پۆتانسیله‌کانی ناوچه‌ کوردنشینه‌کانی تورکیا که‌ڵک وه‌ربگرین. منیش وه‌کوو وه‌زیری گه‌شه‌ و هه‌روه‌ها که‌سێکیش که‌ کوردی تورکیا و خه‌ڵکی ئه‌م ناوچه‌یه‌م، قسه‌ ده‌که‌م.








دۆزینەوەی شەبەكەێ:ی بەكرێگیراوانی رژێمی ئاخوندی لە سووریە
جبهەی یەكگرتووی شام یەكێك لە باڵەكانی ئەرتەشی ئازادی سووریە كە لە جبهەكانی باشووری سووریەدا بوونیان هەیە لە بەیاننامەێكدا رایانگەیاند، كەسانێكمان دۆزیوەتەوە كە كار بۆ چەكدارانی حیزبۆڵڵا و سوپای پاسدارانی رژێمی ئاخوندی دەكەن. بە پێی راپۆرتی هەواڵدەریەكان، لەو بەیاننامەیەدا هاتووە كە، یەكێك لە بەكرێگیراوانی رژێمی ئاخوندی كە لە نزیك شاری شێخ مسكین كەوتووەتە دەست شۆرشگێران زانیاری لەمەر ئەو كەسانەی پێ داوین. لە زانیاریەكاندا هاتووە كە ئەو بەكرێگیراوانەی رژێم لە پارێزگاكانی دەرعا و قەنیترە بەرپرسی جاسوسی و گواستنەوەی هەواڵن بۆ حیزبۆڵڵا و سوپای پاسدارانی رژێم. هەروەها راهێنانی ئەو كەسانەی كە بە سیارەوە خۆیان دەتەقێننەوە و دیاریكردنی شوێنی دانانی بۆمبەكان لە ئەستۆی ئەو بەكرێگیراوانەدایە.








كوژرانی سەركردەێكیتری سوپای پاسداران لە عێراق
سەركردەێكیتری سوپای پاسدارانی رژێمی ئاخوندی لە عێراق كوژرا. بە پێی راپۆرتی هەواڵدەریەكان، پاسدار محمەد رەزا حسینی مۆقەدەم، جێگری ئیتلاعاتی عەمەلیاتی لەشكری پێنجی نەسری سوپای پاسداران رۆژی شەممە 18ی رێبەندان لە تێكهەڵچوونێكدا لە عێراق كوژرا. بە پێی ئەم راپۆرتە، ئەمە دووهەمین سەركردەی سوپای پاسدارانە كە لە عێراقدا دەكوژرێت. هەروەها هێندێك لە سایتەكانی حیزبی شەیتانی لۆبنان وێنەی تابوتی ئەو پاسدارەیان بڵاو كردەوە. جێگەی باسە كە هەواڵدەریەكانی نزیك لە سوپای پاسداران لە پاسدار حسینی مۆقەدەم وەك سەردار ناو دەبەن.








جان مەك كین: رژێمی ئاخوندی كێشەێكی ژئۆپۆلۆتیكە
سەناتۆر جان مەك كین سەرۆكی كومیتەی هێزە چەكدارەكانی ئەمریكا لە كۆبوونەوەێكی خەبەری لە رۆژی یەكشەممە 19ی رێبەندان، رەخنەی توندی لە رژێمی ئاخوندی ئێران و رووسیە گرت. بە پێی راپۆرتی هەواڵدەریەكان، ناوبراوو وتی، رژێمی ئاخوندی بە سەركوتی بێ رەحمانەی ئەسەد لە سووریە یارمەتی داوە و لە چەكدارانی حوسی لە یەمەن پاڵپشتی دەكات، هەروەها لە عێراق لە چەكداران پاڵپشتی دەكات و چەكدارانی باكووری ئەفریقا پرچەك دەكات. بە پێی ئەم راپۆرتە، سەناتۆر مەك كین وتی، رژێمی ئاخوندی كێشەێكی ژئۆپۆلتیكە نەك تەنیا كێشەی كۆنترۆڵ كردنی چەك و چۆڵ.

ڕێکه‌وت: 2015-02-09 18:16:40
به‌شی ( هەواڵەكانی كوردستان، ئێران و جیهان 20ی رێبەندانی 1393 )