بە داخەوە رۆژی چوارشەممە رێكەوتی 13ی رەشەممەی 1393 لە درێژەی رەوتی سیدارەی ئازادیخوازانی كورد 6 كەسی تر لە رۆڵەكانی كوردستان لە سێدارە دران. كۆمەڵكوژی  ئەمجارە لە زیندانی رەجایی شاری كەرەج بە تۆمەتی كوشتنی پێش نوێژی هەینی سنە بەرێوە چووە كە بە پێی  بەڵگەكان ئەو بەندكراوانەی ئەو تۆمەتەیان خراوەتە پاڵ لە كاتی روودانی رووداوەكە لە زیندان بوونە و بێ بنەمابوونی تۆمەتەكە....
 دەسەڵمێنن. هەروەها دوو كەسی تر لەو ئیعدام كراوانەش بە تۆمەتی سەلەفی بوون سزای ئیعدامیان بەسەر دا سەپاوە.  ناوی ئیعدام كراوان بریتیە لە : حامید ئەحمەدی ، جەمشید و جەهانگیر دێهقانی، كەماڵ مەولایی، و سدیق محەممەدی و هادی حسێنی. 
رژیمی مرۆڤكوژی ئاخوندی بە خەیاڵی خاوی خۆی دەیهەوێ‌ لە رێگەی لەسێدارەدانی رۆڵەكانی كورد  ترس و تۆقان بەسەر كۆمەڵگا دا بسەپێنێ‌ و خەڵك لەهەر جووڵەیێكی نارەزایەتی پاشگەز بكاتەوە، بەڵام ئەزمونی 36 ساڵی رابردوو نەك تەنیا پێچەوانەی ئەوەی سەلماندوە و رق و توڕەیی جەماوەری زیاتر پەرە پێداوە و هەموو ئەو زوڵم و جینایەتانە جەماوەری كوردستانی لەسەر ئەستاندنی مافەكانیان سوورتر كردووە. 
سازمانی خەبات ی كوردستانی ئێران ئەو جینایەتە نوێیە بە توندترین شێوە مەحكووم دەكات  و لەهەمان كاتیشدا پرسە و سەرەخۆشی خۆی بە بنەماڵە و كەس و كاری ئیعدام كراون و خەڵكی ئازادیخوازی كوردستان رادەگەێنێ‌ و دڵنیایە كە بە خەباتی یەكانگیرانەی گەلەكەمان لە كوردستان كۆتایی بە زوڵم و حوكمی دیكتاتۆرانەی ئاخوندان دێ‌.
سازمانی خەبات ی كوردستانی ئێران 
كومیتەی ناوەندی 
13ی رەشەممەی 1393


ڕێکه‌وت: 2015-03-04 19:44:12
به‌شی ( سازمانی خەبات ی كوردستان ئیعدامی پولێكی تر لە رۆڵەكانی كوردستان مەحكووم دەكات )