__ تەرمی ٦ زیندانیی لەسێدارەدراوی مەزهەبیی کورد، لە کەرەج نێژران__ هەرەشەی هێزە ئەمنییەتیەكان بۆ پێشگرتن لە بەرێوەبردنی پرسە__ UN : مافی كەمینە نەتەوەیی و مەزهەبییەكان لەئێران پارێزراو نییە__ درێژەی دەستێوەردانەكانی رژێم لە سووریە، عێراق، لۆبنان و یەمەن__ كوژرانی 16 تیرۆریستی سوپای قۆدس لە سووریە__ دەستبەسەرداگرتنی بارێكی چەك و چۆڵی رژێمی ئاخوندی لە دەریای سوور__ هافمەن: لە ئەگەری رێكەوتنی ناوكەیش گەمارۆكان وەك خۆیان دەمیننەوە

تەرمی ٦ زیندانیی لەسێدارەدراوی مەزهەبیی کورد، لە کەرەج نێژران
لە کاتێکدا بنەماڵەی ٦ زیندانیی مەزهەبیی لەسێدارەدراوی کورد لە زیندانی رەجایی شاری کەرەج کە چاوەڕوانی وەرگرتنەویە تەرمی کوڕەکانیان بوون، دەزگای ئەمنییەتیی رژێمی ئاخوندی ئێران تەرمی ئەو ٦ زیندانییە کوردەی رادەستی بنەماڵەکەی نەکردەوە. بەپێی راپۆرتی هەواڵدەریی کوردپا، رۆژی رابردوو رێکەوتی ١٣ی رەشەمە، بنەماڵەی، حامید ئەحمەدی، کەماڵ مەلایی، سەدیق محەمەدی، جهانگیر دێهقانی، جەمشید دێهقانی و هادی حوسێنی، کە بۆ داویین چاوپێکەوتن لەگەڵ کوڕەکانیان و وەرگرتنەوەی تەرمی لەسێدارەدراوی رۆڵەکانیان سەردانی شاری کەرەجیان کردبوو، پاش ٢٤ کاتژمێر چاوەڕوانی لەبەردەم زیندان رەجایی شار و گۆرستانی بەهەشتی سەکینەی کەرەج، تەرمی کوڕەکانیان پێنەدرایەوە. بەگوتەی کەسوکاری زیندانییانی مەزهەبیی لەسێدارە دراو، پاش ئەوەی هەرکام لە بنەماڵەی زیندانییانی لەسێدارە دراو کەسێکیان بۆ ناسینەوەی کوڕەکانیان بانگ کران، تەرمەکان بە بڕیاری دەزگای ئەمنیەتیی و بەبێ ئامادەبوونی کەسوکاریان لە گۆرستانی بەهەشتی سەکینەی کەرەج نێژران.لەکاتێکدا بڕیاربوو شەوی رابردوو، بنەماڵەی زیندانیانی مەزهەبیی لەسێدارەدراوی کورد لە ماڵی کەسوکاری خۆیان لە شاری قوروە بمێننەوە بەیانیی ئەمرۆ بگەڕێنەوە بۆ شاری سنە، بەڵام هێزە ئیتلاعاتییەکان لە شاری قوروە هێرشیان کردۆتە سەریان و بە مەبەستی رێگری کردن لە بەڕێوەبردنی رێوڕەسمی سەرەخۆشی بۆ زیندانیانی لەسێدارەدراو، لەکاتی نیوەشەودا رەوانەی شاری سنەیان کردوونەتەوە.








هەرەشەی هێزە ئەمنییەتیەكان بۆ پێشگرتن لە بەرێوەبردنی پرسە
هێزە ئەمنییەتیەكانی ئیتلاعات پێش بە بەرێوەبردنی پرسەی 6 لە سێدارەدراوی كورد لە لایەن بنەماڵەكانیانەوە دەگرن. بە پێی راپۆرتی هەواڵدەریەكان، هێزەكانی ئیتلاعات لە شاریە سنە لە ترس و وەحشەتی بەرزبوونەوەی دەنگی نارەزایەتی خەڵك لەو جینایەتەی كە خۆڵقاندوویانە، كەسایەتی ە مامۆستایانی شاری سنەیان بانگهێشت كردووە و هەرەشەیان لێ كردوون كە رۆژی پێنجشەممە 14ی رەشەمە لە مەراسمی پرسەی شەش زیندانی لە سێدارە دراوی كورد بەشداری نەكەن و خەڵكیش ئاگادار كەنەوە كە بەشداری نەكەن. جێگەی بتاسە كە ئەمرۆ پێنجشەیممە زیندانیانی گەوهەردەشتی كەرەج بە نیشانەی نارەزایەتی بە لەسێدارەدانی هاەوبەندییەكانیان لە رۆیشتن بۆ هەواخۆری زیندان خۆیان بوارد








UN : مافی كەمینە نەتەوەیی و مەزهەبییەكان لەئێران پارێزراو نییە
لەنوێترین راپۆرتی ساڵانەی رێكخراوی نەتەوەیەكگرتووەكان جارێكی دیكە سەبارەت بە بارودۆخی پێشێڵكردنی مافی مرۆڤ لەئێران نیگەرانی دەربڕدراوە. بەپێی هەواڵی هەواڵدەریی كوردپا، دەفتەری "بانكیمۆن" بەرپرسی گشتیی رێكخراوی نەتەوەیەكگرتووەكان رۆژی سێشەممە ١٢ی رەشەممە رایگەیاندووە، رژێمی ئاخوندی ئێران بەڵێنیەكانی خۆی لەمەڕ پاراستنی لە كەمینە ئیتنیكی و مەزهەبییەكان بە جێنەگەیاندووە. لەبەشێكی ئەو راپۆرتەدا هاتووە، كەسانێک كە خوازیاری ناساندنی زیاتری مافە فەرهەنگی و زمانیەكانی خۆیانن دەكەونە بەر سزای زۆر قورس و تەنانەت بەرەوڕووی ئێعدامیش دەبنەوە. هەروەها گومان لێكراوەكان لەئێران بە توندرترین شێوە ئەشكەنجە كراون و بە دەیان مانگ بێئەوەی پارێزەریان هەبێت لەزیندانە تاكەكەسیەكاندا رادەگیرێن و بە تۆمەتی " فساد فی الارچ و محاربە" لەگەڵ مەرگ بەرەوڕوو دەبنەوە.28 یەمین كۆبوونەوەی ساڵانەی شۆرای مافی مرۆڤی رێكخراوی نەتەوەیەكگرتووەكان لە ١١ی رەشەممەوە هەتا ٨ی خاكەلێوە دەخایەنێ تێیدا سیاسەتی دەوڵەتەكان و مافی مرۆڤ، مافی منداڵان، توندوتیژی دژی ژنان، سزای سێدارە، مافی كەمئەندامان، هەڵاواردنی رەگەزی و گۆڕانە ناوچەییەكان باس دەكرێت.








درێژەی دەستێوەردانەكانی رژێم لە سووریە، عێراق، لۆبنان و یەمەن
یەكێك لە ئاخوندەكانی رژێمی ئاخوندی وێرای پاڵپشتی لە دەوخاڵەتەكانی رژێمی ئاخوندی لە وڵاتانی ناوچەكە داوای لە رژێم كرد دەستێوەردانەكانی درێژە پێ بدات. بە پێی راپۆرتی هەواڵدەری ئەلعەرەبیە، ئاخوند مێهدی سائب یەكێك لە ئاخوندەكانی رژێمی ئاخوندی داوای لە خەڵكی ئێران كرد نانی كەمتر بخۆن. بە پێی ئەم راپۆرتە، ئاخوند سائب رایگەیاند، رژێمی ئاخوندی ئێران پاڵپشتییەكانی خۆی لە سووریە، عێراق، لۆبنان و یەمەن درێژە پێدەدات ئەگەریش بە نرخی نانی خەڵكی ئێران كۆتایی پێ بێت.








كوژرانی 16 تیرۆریستی سوپای قۆدس لە سووریە
لاشەی 16 تیرۆریستی سوپای قۆدس كە لە شەرەكانی سووریەدا كوژرابوون گەرێندرانەوە بۆ ئێران. بە پێی راپۆرتی هەواڵدەریەكان، لە شەرو پێكدادانەكانی نێوان ئەرتەشی ئازادی سووریە و بەكرێگیراوانی رژێمی ئەسەد 16 تیرۆریستی سوپای قۆدسی ۆرژێمی ئاخوندی كوژراون كە لاشەكانیان بۆ ئێران گەرێندراونەتەوە. بە پێی ئەم راپۆرتە، 7 كەس لەو كوژراوانە ئەفغانی بوون كە لە تاران و دووانیتر لە مەشهەد نێژراون. هەروەها پاسدارێكیتر بە ناوی محمەد ساحب كەرەمی رۆژی رابردوو لە سووریە كوژرا كە بریارە لە رۆژانی داهاتوو لاشەكەی بۆ ئێران بگەرێندرێتەوە و پاسدارێكیتر بە ناوی خاوەری لە شاری لەنگروود لە وەرامین نیژراوە و دووانیتریان بردووەتەوە بۆ ئشتهاردی كەرەج. جێگەی باسە كە شەش رۆژ پێش دوو ئەفغانی سەر بە سوپای قۆدسی رژێمی ئاخوندی كە لە سووریە كوژرابوون لە ئیسفەهان لاشەكانیان نیژراوە.








دەستبەسەرداگرتنی بارێكی چەك و چۆڵی رژێمی ئاخوندی لە دەریای سوور
كەشتیێكی چەك و چۆڵی رژێمی ئاخوندی لە دەریای سوور لە لایەن هێزەكانی دەریایی ئیسرائیلەوە دەستی بەسەردا گیرا. بە پێی راپۆرتی هەواڵدەریەكان، كەشتیێكی رژێمی ئاخوندی كە هەڵگری دەیان مووشەكی نایاسایی لە جۆری ئێم 302 بوو لە لایەن هێزە دەریاییەكانی ئیسرائیلەوە دەستی بەسەردا گیردرا. بە پێی ئەم راپۆرتە، ئەم مووشەكانە كە لە سووریە درووست كراون و لە ئێرانەوە بار كرابوون هەر كامەیان توانای رۆیشتنی 170 كیلۆمەتریان هەیە. جێگەی باسە كە هەواڵدەری ئاسۆشەیتدپرێس رایگەیاند كە ویدئۆێك لە مووشەكەكانی ناوو ئەو كەشتییە بڵاو كراوەتەوە، ئەو كەشتییە بە ئاڵای وڵاتی پاناما و 17 كارمەندی هەبووە.








هافمەن: لە ئەگەری رێكەوتنی ناوكەیش گەمارۆكان وەك خۆیان دەمیننەوە
ماری هافمەن وتەبێژی وەزارەتی دەرەوەی ئەمریكا رایگەیاند، كەسێك لە سەر دۆستایەتی سەرلەنوێ لەگەڵ رژێمی ئاخوندی قسە ناكات، وتووێژكردن بە هیچ شێوەێك مانای گەرم داهێنانی دۆستایەتی نییە. بە پێی راپۆرتی هەواڵدەریەكان، هافمەن لە نێو رۆژنامەواناندا وتی، من بە توندی دژی ئەوەم كە بوترێت ئەگەر لەگەڵ رژێمی ئاخوندی ئێران گەیشتینە رێككەوتن لە وتووێژەكاندا پەیوەندیمان لەگەڵ ئەو رژێمە باش دەبێت. ئێمە لەگەڵ سیاسەتی ئاژاوە نانەوەی رژێمی ئاخوندی بە توندی دژین و ئەگەریش رێكەوتنی ناوكەیی روو بدات، ئەو گەمارۆوانەی كە لەمەڕ مووشەكە بالستیكەكان و پێشێلكاری مافی مرۆڤ، پاڵپشتیكردن لە ترۆریسم و پشتیوانی لە حیزبۆڵا دژ بە رژێمی ئاخوندی پەسەند كراون وەك خۆیان دەمیننەوە.

ڕێکه‌وت: 2015-03-05 11:34:15
به‌شی ( هەواڵەكانی كوردستان، ئێران و جیهان 14ی رەشەمەی 1393 )