_ بەڕێوەچوونی چالاکیی ژینگەیی لە شارەکانی نەغەدە، سنە و پیرانشار_ مێژوونووسێکی کورد، بەرنامەکانی زاگرۆسی کرماشانی بێ‌ناوەرۆک وەسف کرد_ ناردنی عەلی مۆرادی بۆ مەرەخەسی دەرمانی دوای 11 ساڵ_ نوێنەرانی پارلەمانی ئۆرووپا ئێعدامی 6 چالاكی سیاسی كوردیان مەحكوم كرد_ پشتیوانی 9 سەناتۆری سەربەخۆ لە لایەحەی گەمارۆی دژبە رژێمی ئاخوندی_ ئەمریكا: هیچ رێكەوتنێكی خراب قبووڵ ناكەین_ یۆنسكۆ وێرانكردنی شاری نمروودی مەحكوم كرد

بەڕێوەچوونی چالاکیی ژینگەیی لە شارەکانی نەغەدە، سنە و پیرانشار
ژمارەیەک لە چالاکانی ژینگەپارێزیی کوردستان بە بۆنەی رۆژی "دار چەقاندن"، لە داوێنی (چیای بایەقووب)، چالاکییەکی نەمام چاندنیان بەڕێوە برد. بەپێی راپۆرتی هەواڵدەریی کوردپا، رۆژی هەینی رێکەوتی ١٥ی رەشەمە، ژمارەیەکی بەرچاو لە هاووڵاتییان و چالاکانی ژینگەپارێزیی کورد بە شێوەی خۆڕسک لە سروشت و داوێنی چیای بایەقووبی شاری نەغەدە، چالاکییەکیان ئەنجام دا. لەماوەی چەند ساڵی رابردوودا، دەیان جۆری روەک و گژوگیای چیای بایەقووب بەهۆی سووتمان، گۆڕانی ئاو و هەوا لەنێو چوون و ئەو هەوڵەی چالاکانی ژینگەپارێزیی کوردیش لە راستای بووژانەوەی سروشت و ژینگەی ئەو ناوچەیەدا بووە. لەلایەکی دیکەشەوە، ئەندامانی ژینگەپارێزیی کوردستانی سەوز، ئەنومەنی شاخەوانان، ئەنجومەنی خێرخوازیی رۆجیار و ژمارەیەک لە چالاکانی ژینگەپارێزیی کوردیش بەبۆنەی رۆژی دار چەقاندن دەیان نەمایان لە داوێنی چیای ئاویەری سنەدا چاندووە. هەروەها لە پارکی سروشتیی پیرانشاریشدا و لە رۆژی دار چەقاندندا، بە بەشداریی ژمارەیەک لە هاووڵاتییان و ئەندامانی شۆرای ئەو شارە، چالاکییەکی دار چاندن بەڕێوەچوو.








مێژوونووسێکی کورد، بەرنامەکانی زاگرۆسی کرماشانی بێ‌ناوەرۆک وەسف کرد
 لێکۆڵەر و مێژوونووسێکی کورد لە نامەیەکدا ناڕەزایەتیی بە بارودۆخی فەرهەنگی لە کرماشان دەربڕیوەو بەرنامەکانی کەناڵی ئوستانیی زاگرۆسی بە جێگەی ناهومێدی، کۆپی رەش و سپی و لاسایی کردنەوەو بێ ناوەرۆک وەسف کردووە. بەپێی راپۆرتی هەواڵدەریی کوردپا، ئەردەشیر کشاوەرز، لێکۆڵەر و مێژوونووسی کوردی خەڵکی کرماشان، لە نامەیەکی ناڕەزایەتیدا، رەخنەی لە داخراوبوونی دۆخی فەرهەنگیی لەو ئوستانەدا دەربڕیوە. لەو نامەیەدا هاتووە: کاراکتێرانی فەرهەنگیی ئێمە لەم ئوستانەدا نە بەدوای کرانەوەی دۆخی فەرهەنگی و نە بەدوای تواندنەوەی سەهۆڵەکاندان. بەڵام رەنگە لە گوتاردا کە ئەویش هیچی لەسەر نییە و بەگشتی ئەو کاراکتێرانە دەبێ بیر لە رەخساندنی هەلێک بکەنەوە. لە بەشیکی دیکەی ئەو نامەیەدا هاتووە کەوابوو بەم روانگەیەوە هیچکات چەمکی فەرهەنگ نایاتە ئاراوەوو لەلایەکی دیکەشەوە ئەوەیکە ئەوەشی کە بەربەست و کەلێنەکانی بیاڤی فەرهەنگیی زیاتر کردووە، کەمتەرخەمیی بەرپرسانی پەیونەدیدارە کە فەرهەنگ تەوەری لە بەستێنی کار و ئەرکەکانیاندا نییە.ئەردەشیر کشاوەرز لەو نامەیەدا باسی لەوە کردووە: باس کردن لە رەوشی فەرهەنگی لەم ئوستانە، ورەی مرۆڤی تێگەیشتوو بەرەوڕووی شکان بوونەتەوەو لە هەموو ئەمانەش گرینگتر بێ پلانییەکانی سیمای زاگرۆسە کە ئەو ناوە دێرینە و هەم ناوی کەناڵی فەرهەنگ و شارستانییەتی بۆ خۆی دیاری کردووە. ئەو بەرنامانە کە لەژێر ناوی تەوسدا کۆپی هەڵگیراوی رەش و سپین، فەرهەنگ و هزر و ئەندێشەی مەزنی خەڵکی فەرهەنگیی ئێمەی کردۆتە گاڵتە.








ناردنی عەلی مۆرادی بۆ مەرەخەسی دەرمانی دوای 11 ساڵ
عەلی مۆرادی زیندانی سیاسی دورخراوە بۆ زیندانی میناب دوای 11 ساڵ بۆ یەكەمین جار بۆ ماوەی 7 رۆژ هاتووەتە مەرەخەسی دەرمانی. بە پێی راپۆرتی هەواڵدەریەكان، عەلی مۆرادی زیندانی سیاسی كورد ئەمرۆ شەممە 16ی رەشەمە بە دانانی بارمتەی 300 میلیۆن تمەنی لە زیندانی مینابەوە هاتووەتە مەرەخەسی دەرمانی. ئەم زیندانیە سیاسیە بە هۆی نەخۆشی دڵ لە بارودۆخێكی نالەباردایە و هاتنی دوای 11 ساڵ بۆ مەرەخەسی بە مەبەستی دەرمانكردن بووە. دەگوترێت كە ئەم زیندانیە سیاسیە تاكوو ئێستا چەندین جار بە هۆی كێشەی دڵەوە گواستراوەتەوە بۆ بێهداری زیندانی میناب بەڵام ئەو بێهدارییە بە هۆی نەبوونی پێداویستی پزشكیەوە ناتوانێت زیندانیان دەرمان بكات.








نوێنەرانی پارلەمانی ئۆرووپا ئێعدامی 6 چالاكی سیاسی كوردیان مەحكوم كرد
ژرارد دپرە، نوێنەری پارلەمانی ئۆرووپا لە بلژیك و سەرۆكی گرووپی دۆستانی ئێرانی ئازاد لە پارلەمانی ئۆرووپا رایگەیاند، زۆر نارەحەتم و بە توندترین شێوە جینایەوتی رژێمی ئاخوندی مەحكوم دەكەم. بە پێی راپۆرتی هەواڵدەریەكان، ناوبراو وتی، ئەوان شەش لاوی سیاسی بوون كە بە هۆی كوردبوونیانەوە لە سێدارە دران. من پرسە و سەرەخۆشی خۆم ئاراستەی بنەماڵەكانیان دەكەم و هەروەها بێدەنگی زلهێزەكانی رۆژئاوا كە وا بیر دەكەنەوە كە دەبێت لە بەرانبەر جینایەتەكانی رژێمی ئاخوندی بێدەنگ بن مەحكوم دەكەم. ئەوان بیر دەكەنەوە كە بەم شتانە نابێت بەختی گەیشتن بە رێكەوتنی ناوكەیی بخەنە مەترسیەوە. جێگەی باسە كە ژرارد دپرە وتی، بە هیچ شێوەێك نابێت بە پەردەپۆش كردنی جینایەتەكانی رژێمی ئاخوندی لەمەڕ مافی مرۆڤ بمانەوێت بە رێكەوتنی ناوكەیی بگەین. هەروەها جود كرتۆن دارلینگ نوێنەری بریتانیا و ئانا زاپۆرسكا نوێنەری ئسلواكی لە پارلەمانی ئۆرووپا لە سێدارە درانی شەش چالاكی سیاسی كوردسان مەحكوم كرد.








پشتیوانی 9 سەناتۆری سەربەخۆ لە لایەحەی گەمارۆی دژبە رژێمی ئاخوندی
سەناتۆر باب كوركر سەرۆكی كومیتەی پەیوەندی دەرەكی سەنای ئەمریكا بە دەركردنی بەیاننامەێك رایگەیاند، پەسەندكردنی لایەحەێك كە رێكەوتنی ناوكەیی لەگەڵ رژێمی ئاخوندی پێویستی بە لێكوڵینەوەی كۆنگرەیە گرنگە. بە پێی راپۆرتی هەواڵدەریەكان، ناوبراوو وتی، بە مەبەستی بەدەست هێنانی پشتیوانی 67 نوێنەر دژ بە وتۆی ئۆباما 9 سەناتۆری دموكرات و سەربەخۆ لە نامەێكدا پێبەندی خۆیان بە پاڵپشتیكردن لە پەسەندی لایەحەی گەمارۆی نوێ دژ بە رژێمی ئاخوندی راگەیاندووە. جێگەی باسە كە ئەو لایەحەیە بە هاوكاری سەناتۆری دیموكرات رابرت مندز ئامادە كراوە.








ئەمریكا: هیچ رێكەوتنێكی خراب قبووڵ ناكەین
ماری هافمەن وتەبێژی وەزارەتی دەرەوەی ئەمریكا لەمەڕ وتووێژە ناوكەییەكانی رژێمی ئاخوندی و وڵاتانی 5 + 1 رایگەیاند، ئێمە هیچ رێكەوتنێكی خراب قبووڵ ناكەین. بە پێی راپۆرتی هەواڵدەریەكان، وتەبێژی وەزارەتی دەرەوەی ئەمریكا وتی، لە ئێستادا بەربەستگەلێك لە بەردەم رەوەندی وتووێژەكان بوونیان هەیە. هافمەن زیادی كرد كە، سەرۆك كۆمار و وەزیری دەرەوەی ئەمریكا وتویانە كە وتووێژەكان بۆ هەمیشە درێژە ناكێشێت و رژێمی ئاخوندی دەبێت بریاری بۆنیادی بدات ئێمە چاوەروانین كە بزانین ئایا رژێمی ئاخوندی وەها بریارێك دەدات یان نە؟








یۆنسكۆ وێرانكردنی شاری نمروودی مەحكوم كرد
یۆنسكۆ سازمانی عیلمی و كەلتوری سازمانی نەتەوەیەكگرتووەكان وێرانكردنی شاری مێژوویی نمرودی مەحكوم كرد. بە پێی راپۆرتی هەواڵدەریەكان، سازمانی یۆنسكۆی سەر بە نەتەوەیەكگرتووەكان، وێرانكردنی شاری مێژوویی نمرودی لە لایەن گرووپی تیرۆریستی داعشەوە بە جینایەتی شەڕ ناو لێ برد و مەحكومی كرد. بە پێی ئەم راپۆرتە، گروپی تیرۆریستی داعش رۆژی پێنجشەممە 14ی رەشەمە دەستیان كردووە بە وێرانكردنی شاری مێژوویی نمرود. جێگەی باسە كە ئەو گرووپە لە كردەوەێكی جینایەتكارانەیتردا هەموو ئاسەوارە مێژوویەكانی مۆزەخانەی موسڵیان وێران كرد.

ڕێکه‌وت: 2015-03-07 13:48:43
به‌شی ( هەواڵەكانی كوردستان، ئێران و جیهان 16ی رەشەمەی 1393 )