__ خوێندکارانی کورد لە مەریوان، پیشانگەی وێنەییان بۆ یادی هەڵەبجە بەڕێوە برد__ وەزارەتی ئیتلاعاتی سێ‌ هاووڵاتیی كوردی بانگهێشت و دەستبەسەر كرد__ گواستنەوەی شارۆمەندێكی سەردەشتی لە ئیتلاعاتەوە بۆ زیندانی ورمێ__ مەسمومیەتی خوێندكارانی سۆنقۆری بە هۆی خواردنی شیری ماوە بەسەر چوو__ حەشیمەتی وڵات دوو بەرانبەر زیادی كردووە حەشیمەتی زیندانەكان 7 بەرانبەر__ ئۆباما دەبێت بۆ لابردنی هەر گەمارۆێك بگەرێتەوە بۆ كۆنگرە__ جه‌لاده‌كه‌ی‌ داعش داوای‌ لێبوردن ده‌كات

خوێندکارانی کورد لە مەریوان، پیشانگەی وێنەییان بۆ یادی هەڵەبجە بەڕێوە برد
پێشانگەی وێنەیی و یادکردنەوەی هەڵەبجە لە زانکۆی پەیام نووری مەریوان و لەلایەن خوێندکارانی ئەو زانکۆیەوە بەڕێوەچوو. بەپێی راپۆرتی هەواڵدەریی کوردپا، ئەمڕۆ دووشەممە بە مەبەستی بەرز ڕاگرتنی ٢٧ەمین ساڵیدای کیمیابارنکردنی هەڵەبجە، خوێندکارانی زانکۆی پەیام‌نووری مەریوان پیشانگەیەکی وێنەییان لە دیمەنەکانی ئەو کارەساتە بەڕێوە برد. پیشانگەکە بە خولەکێک بێدەنگی بۆ رێزگرتن لە شەهیدانی کوردستان و دواتر بە داگرساندنی مۆم دەستی پێکرد.  دواتر خوێندکارانی ئەو زانکۆیە، بەیاننامە و نووسراوەیەکیش بڵاو کردەوە، و تیایدا چەندین داواکارییان روو لە کۆمەڵگەی نێونەتەوەیی، نێوخۆی کوردستان و حکوومەتی هەرێمی کوردستانی ئێراق خستۆتەڕوو:








وەزارەتی ئیتلاعاتی سێ‌ هاووڵاتیی كوردی بانگهێشت و دەستبەسەر كرد
لەدرێژەی زەخت و فشارەكان بۆ سەر چالاكانی كرێكاری، دوو چالاكی كرێكاریی كورد لەلایەن دەزگا ئەمنیەتیەكانی رژێمی ئاخوندی ئێرانەوە بانگهێشت و دەستبەسەر كراون. بەپێی راپۆرتی هەواڵدەریی كوردپا، رۆژی شەممە ١٧ی رەشەممە محەممەد عەبدی پوور چالاكی كرێكاریی كورد لە سەقز لەلایەن ئیدارەی ئیتلاعاتی ئەو شارەوە بانگهێشت و هەڕەشەی زیندانی كردنی لێكراوە. ئەو چالاكە كرێكارییە كوردە بە هۆی " بەڕێوەبردنی رێوڕەیمی ٨ی مارس لەسەقز" و " بڵاوكردنەوەی تراكت سەبارەت بە حەقدەست و سەردانی ئەفشین نەدیمی پاش ئازاد بوونی لەزیندان" بانگهێشتی ئیدارەی ئیتلاعاتی سەقز كرابوە. بانگهێشت و دەستبەسەر كردنی محەممەد عەبدی، کورووش بەخشەندە و پێشەوا ساڵح زادە هەر لەو پێوەندییەدا رۆژی ١٦ی رەشەمەش كورووش بەخشەندە چالاكی كرێكاریی كوردی خەڵكی سنە لەلایەن هێزە لیباس شەخسییەكانەوە دەستبەسەر و بۆ شوێنێكی نادیار راگوێزراوە.








گواستنەوەی شارۆمەندێكی سەردەشتی لە ئیتلاعاتەوە بۆ زیندانی ورمێ
پێشەوا سالحزادە شارۆمەندی خەڵكیسەردەشت كە ماوەی 11 رۆژە دەستبەسەر كراوە بۆ زیندانی ناوەندی ورمێ گوازرایەوە. بە پێی راپۆرتی هەواڵدەری كەمپەینی بەرگری لە زیندانیانی سیاسی و مەدەنی، پێشەوا سالحزادە شارۆمەندی خەڵكی سەردەشت كە 11 رۆژ پێش لە لایەن هێزەكانی ئیتلاعاتەوە دەستبەسەر كرابوو، رۆژی رابردوو بۆ زیندانی ورمێ گوازرایەوە. بە پێی ئەم راپۆرتە، لە كاتی دەستبەسەركردنی سالحزادە هێزەكانی ئیتلاعات رژابوونە ماڵی باوكی ناوبراو لە مەهاباد و وێرای پشكنینی ماڵەكەی كەول و پەلی شەخسی پێشەوایان لەگەڵ خۆیان بردووە. جێگەی بتاسە كە تاكوو ئێستا هیچ زانیاریێك لە مەر هۆكاری دەستبەسەر كردنی پێشەوا سالحزادە لە لایەن ئیتلاعاتەوە رانەگەێندراوە.








مەسمومیەتی خوێندكارانی سۆنقۆری بە هۆی خواردنی شیری ماوە بەسەر چوو
13 خوێندكاری شاری سۆتقۆر لە پارێزگای كرماشان بە هۆی خواردنەوەی شیری ماوە بەسەر چوو لە مەدرەسە تووشی مەسمومیەت بوون. بە پێی راپۆرتی هەواڵدەریەكان، سەرۆكی ناوەندی فریاكەوتنی پزشكی كرماشان رایگەیاند، بە داخەوە ئەمە بۆ جاری دووهەمە لە ماوەی یەك مانگی رابردوو كە خوێندكاران بە هۆی خواردنەوەی شیری ماوە بەسەر چوو كە لە لایەن مەدرەسەوە پێیان دەدرێت تووشی رووداو دەبن. بە پێی ئەم راپۆرتە، دكتۆر سائب مۆدەرسی وتی، خوێندكارانی مەدرەسەی مۆتەهری شاری سۆتقۆر ئەمرۆ دووشەممە 18ی رەشەمە بە دوای خواردنەوەی شیری ماوە بەسەر چوو كە لە مەدرەسەكەیاندا بڵاو كراوەتەوە تووشی مەسمومیەت هاتوون كە بە خۆشییەوە لە كاتی خۆیدا گەێندراونەتە ناوەندی فریاكەوتنی پزشكی و چارەسەر پێویستیان بۆ كراوە. جێگەی باسە كە مانگی رابردووش 7 خوێندكاری شاری سۆنقۆر بە هۆی خواردنەوەی شیری ماوە بەسەر چوو لە مەدرەسە تووشی رووداو هاتبوون.








حەشیمەتی وڵات دوو بەرانبەر زیادی كردووە حەشیمەتی زیندانەكان 7 بەرانبەر
سەرۆكی سازمانی زیندانەكانی رژێمی ئاخوندی لە كۆبوونەوەی قەزایی پارێزگای ئەردەبێڵ رایگەیاند، لە 36 ساڵی رابردوو حەشیمەتی وڵات دوو هێندە زیادی كردووە بەڵام حەشیمەتی زیندانەكان 7 بەرانبەر بووە. بە پێی راپۆرتی هەواڵدەریەكان، ئەسغەر جەهانگیری وتی، كاتێكە هەڵاوسان و بێكاری لە وڵات زیاد دەكات و كێشەی ئابووری لە هەموو بەشەكاندا دەبیندرێت، بارودۆخێك ئامادە دەبێت كە خەڵك بكەوێتە بیری تاوانكردن. بە پێی ئەم راپۆرتە، جەهانگیری زیادی كرد كە، بەشێك لە كێشەكانی وڵات لە گەمارۆكانەوە سەرچاوە دەگرن بەڵام بەشێكیتریان لە خراب هەڵسوكەوتی بەرێوەبەری سەرچاوەیان گرتووە. ناوبراوو هەروەها وتی رێگای رۆیشتنی مادەی هۆشبەر بۆ ناو زیندانەكان پێچەڵاو پێچ بووە و دۆزینەوەیان ئەستەمە.








ئۆباما دەبێت بۆ لابردنی هەر گەمارۆێك بگەرێتەوە بۆ كۆنگرە
سەناتۆر میچ مەك كانڵ رێبەری زۆرینەی كۆماریخوازان لە سەنای ئەمریكا رایگەیاند كە باراك ئۆباما بۆ لابردنی هەر گەمارۆێكی سەر رژێمی ئاخوندی دەبێت بگەرێتەوە بۆ كۆنگرە. بە پێی راپۆرتی هەواڵدەریەكان،  سەناتۆر میچ مەك كانڵ لە وتووێژێكدا لەگەڵ شەبەكەی تەلەفزیۆنی سی بی ئس وتی، دەیەوێت كە بابەتی وتووێژە ناوكەییەكەی رژێمی ئاخوندی لە مەجلیسی سەنا تاوتوێ بكات. بە پێی ئەم راپۆرتە، ناوبراوو وتی، سەرۆك كۆماری ئەمریكا نایەوێت ئێمە لەو بابەتەدا بەشدار بكات بەڵام ئەگەر ئەو خوازیاری لابردنی هەر كامە لە گەمارۆكانی سەر رژێمی ئاخوندی بێت پێویستی بە پەسەندكردنی كۆنگرەیە و ناتوانێت بە بێ كۆنگرە هیچ گەمارۆێك لابەرێت.








جه‌لاده‌كه‌ی‌ داعش داوای‌ لێبوردن ده‌كات
دوای‌ ئه‌وه‌ی‌ كه‌سێتی‌ (جه‌لاد و جۆنی‌ سه‌رپه‌ڕێن)، ئاشكرابوو، محه‌مه‌د ئیموازی‌ داوای‌ لێبوردنی‌ له‌ خێزانه‌كه‌ی‌ كرد له‌به‌رانبه‌ر ئه‌و كێشه‌ و گیروگرفتانه‌ی‌ بۆی‌ دروستكردوون.  به‌پێی‌ راپۆرتی هەواڵدەریەكان، ئیموازی‌ ته‌مه‌ن 26 ساڵ به‌ هیچ شێوه‌یه‌ك په‌شیمانی‌ خۆی‌ بۆ ئه‌و كار و كرده‌وه‌ وه‌حشگه‌راییانه‌ ده‌رنه‌بڕوه‌ كه‌ به‌رانبه‌ر به‌ ژماره‌یه‌ك به‌بارمته‌گیراوی‌ رۆژئاوایی‌ ئه‌نجامیدان و سه‌ری په‌ڕاندن. دوای‌ ئاشكرابوونی‌ ناسنامه‌ی‌ راسته‌قینه‌ی‌ (جۆنی‌ سه‌رپه‌ڕێن)، خێزانه‌كه‌ی‌ محه‌مه‌د ئیموازی‌ ناچاربوون ئه‌و خانووه‌ چۆڵ بكه‌ن كه‌ له‌ شاری‌ وستمینیستر به‌ بڕی‌ 900 دۆلاری‌ ئه‌مریكایی‌ تێیدا نیشته‌جێ بوون و له‌ئێستاشدا به‌پێی‌ زانیارییه‌كان، له‌ شوێنێكی‌ نهێنی‌ له‌نده‌نی‌ پایته‌ختی‌ به‌ریتانیا نیشته‌جێن وله‌ژێر چاودێری‌ و پارێزگاری‌ پۆلیسدان.  دایكی‌ ئیموازی‌ له‌گه‌ڵ 4 كوڕی‌ تریدا له‌ له‌نده‌ن نیشته‌جێن و خوشكێكیشی‌ كه‌ ته‌مه‌نی‌ 25 ساڵه‌، له‌گه‌ڵ باوكیدا له‌ كوه‌یت ده‌ژی‌. .

ڕێکه‌وت: 2015-03-09 14:05:02
به‌شی ( هەواڵەكانی كوردستان، ئێران و جیهان 18ی رەشەمەی 1393 )