__ کرێکارانی بەنداوی داریان مانیان لەکار کردن گرت__ کتێبی بیرەوەریی مامۆستای لەخۆبردووی کورد لە سنە، پەردەی لەسەر لادرا__ لە سێدارەدانی سێ زیندانی كورد لە زیندانی ورمێ__ وریایی مایكل هایدن لە مەڕ دەستێوەردانەكانی رژێمی ئاخوندی لە عێراق__ پاسدار جەعفەری: دەورانی هەناردەكردنی شۆرش گەیشتووەتە قۆناغێكی نوێَ__ پرسی‌ چه‌وساندنه‌وه‌ی‌ مه‌سیحییه‌كان ده‌برێته‌ ئه‌نجومه‌نی‌ ئاسایش

کرێکارانی بەنداوی داریان مانیان لەکار کردن گرت
 زیاتر لە ٥٠٠ کرێکار لە سەدی داریانی پاوە بە وەدواکەوتنی مووچە و هەقدەستی چوار مانگ کار کردنیان، مانیان گرت. بەپێی راپۆرتی هەواڵدەریی کوردپا، کرێکارانی شیرکەتی سانا لە بەنداوی داریان لە شاری پاوە، ماوەی پێنج رۆژە دەستیان داوەتە مانگرتن، لە چوون بۆ سەرکارەکانیان خۆیان بواردووە. کرێکارانی مانگرتوو رایانگەیاندووە: هەتا داخوازی و داواکارییەکانمان جیبەجێ نەکرێن، کۆتایی بەو مانگرتنە ناهێنین. هەروەها کرێکارەکان باسیان لەوەش کردووە؛ بە ئەژمار کردنی مووچەی ەئو جوار مانگە و پارەی جیژنانە، شیرکەتی ناوبراو ماوەی ٦ مانگە مووچەی پێنەداوین.  دەگوترێ، شێرکەتی سانا بە بیانووی کڕینی کەلوپەل و پرۆژەی نوێ، لە دانی پارە بە کرێکاران خۆی بواردوە.  نەدانی پارە بەو کرێکارانە لە کاتێکدایە کە زۆربەی ئەم کرێکارانە خێزاندارن و توێژی دەستکورتی ناوچەکەن و بەو هۆی وەدواکەوتنی مووچەکانیان لەگەڵ کێشە بەرەروو بوونەتەوە.








کتێبی بیرەوەریی مامۆستای لەخۆبردووی کورد لە سنە، پەردەی لەسەر لادرا
کتێبی "لەدایکبوونێکی‌تر" بیرەوەریی ئەدهەم موزەفەری، مامۆستای لەخۆبردووی کورد، پەردەی لەسەر لادرا. بەپێی راپۆرتی هەواڵدەریی کوردپا، رۆژی سێ‌شەممە رێکەوتی ١٩ی رەشەمە، چاپی سێیەمی کتێبی بیرەوەریی ئەدهەم موزەفەری بە بەشداریی کەسوکار و بنەماڵەی ئەو مامۆستایە و هەروەها ژمارەیەک لە مامۆستایانی زانکۆ و فەرهەنگیانی کورد لە شاری سنە، خرایە روو. لەو رێوڕەسمەدا، دوکتور موختار هاشمی مامۆستای زانکۆی کوردستان، پێشنیاری دامەزراندنی ناوەندێکی خێرخوازیی بەناوی ئەو مامۆستایەوە کرد و رایگەیاند: بە دامەزراندنی رێکخراوێکی خەڵکی، سەرەڕای زیندوو راگرتنی ناو و یادی ئەدهەم موزەفەری، لە راستای ئامانجەکانی ئەو مامۆستایەشدا هەنگاومان هەڵێناوە.محەمەد باقر پیری، نووسەری کتێبی "لەدایکبوونێکی‌تر" لە رێوڕەسمی پەردە لادان لەسەر ئەو کتێبە رایگەیاند: هیواخوازین کە هەموو توێژەکانی کۆمەڵ لە رێگەی کڕین و وەدەست خستنی ئەم کتێبەوە بتوانن تایبەتمەندییەکانی کەسایەتیی ئەدهەم موزەفەری بکەنە ئولگووی خۆیان".لە دوایین رۆژەکانی ساڵی ١٣٧٦ی هەتاویدا، مامۆستای قوتابخانەی گوندی ئەڵک بەناوی ئەدهەم موزەفەری، گیانی کچە قوتابییەکی خۆی لە مەرگ رزگار کرد، کە کەوتبوویە نێو لافاوی چۆمی (کام) لە گوندی ئەڵک و سەرئەنجام بۆخۆی لە لافاوەکەدا خنکا.








لە سێدارەدانی سێ زیندانی كورد لە زیندانی ورمێ
سەر لە بەیانی ئەمرۆ چوارشەممە 20ی رەشەمە سێ زیندانی لە زیندانی ورمێ لە لایەن بەرپرسانی رژێمی ئاخوندییەوە لە سێدارە دران. بە پێی راپۆرتی هەواڵدەریەكان، سەرلە بەیانی ئەمرۆ چوارشەممە 20ی رەشەمەی 1393 سێ زیندانی بە ناوەكانی سەلاحەدین شەرافەت خەڵكی شنۆ، سەمەد محمەدی خەڵكی نەغەدە و كەسێكیتر بە ناوی عەلی ناسراو بە عەلی پاسدار بە تۆمەتی قەساس لە زیندانی ناوەندی ورمێ لە سێدارە دران. جێگەی باسە كە تاكوو كاتی بڵاوبوونەوەی ئەم هەواڵە بەرپرسانی قەزتایی رژێمی ئاخوندی هیچ زانیاریێكیان لەمەر لە سێدارەدانی ئەو سێ زیندانیە رانەگەیاندووە.








وریایی مایكل هایدن لە مەڕ دەستێوەردانەكانی رژێمی ئاخوندی لە عێراق
مایكل هایدن سەرۆكی پێشووی سازمانی ناوەندی ئیتلاعاتی ئەمریكا لە مەر دەستێوەردانەكانی رژێمی ئاخوندی ئبَران لە عێراق وریایی دا. بە پێی راپۆرتی هەواڵدەریەكان، مایكل هایدن لە كۆنفەرانسێك لە واشەنگتۆن لە مەر گۆرینەوەی زانیاری نێونەتەوەیی لە پاشهاتەكانی دەستێوەردانی رژێمی ئاخوندی لە عێراق و ئەو چەكدارانەی كە لەو لایەن رژێمی ئاخوندییەوە پشتیوانی دەكرێن نیگەرانی دەر بری. بە پێی ئەم راپۆرتە، ناوبراو وتی، گۆرینەوەی زانیاری لەگەڵ رژێمی ئاخوندی كارێكی هەڵەیە.








پاسدار جەعفەری: دەورانی هەناردەكردنی شۆرش گەیشتووەتە قۆناغێكی نوێَ
پاسدار محمەد عەلی جەعفەری سەركردەی سوپای پاسدارانی رژێمی ئاخوندی لە كۆبوونەوەی مەجلیسی رژێم لە هەناردەكردنی و شەرئەنگێزیەكانی شۆرشی ئاخوندی بەرگری كرد. بە پێی راپۆرتی هەواڵدەریەكان، پاسدار جەعفەری وتی، شۆرش بە خێرایێكی باشەوە لە پێشكەوتندایە و نموونەیشی هەناردەكردنی هەر رۆژەی شۆرشە. دەورانی ناردنی شۆرش ئەمرۆكە گەیشتووەتە قۆناغێكی نوێ، ئەمرۆ نە تەنیا فلستین و لۆبنان بەڵكوو خەڵكی عێراق و سووریەش لە رۆڵی كاریگەری شۆرشی ئیسلامی ئاگادارن. بە پێی ئەم راپۆرتە، جەعفەری بە مەبەستی كەم كردنەوەی نیگەرانی ئاخوندەكان لە مەر گۆرانكارییەكانی ناوچەكە و بوونی هاوپەیمانی نێونەتەوەیی لە تەینیشت سنوورەكانی ئێران قسەی كرد و وتی، یەكێك لە نموونەكانی ئەم قۆناغە نوێیەە نامەی خامنەییە بۆ لاوانی رۆژئاوایی و ئەمریكا.








پرسی‌ چه‌وساندنه‌وه‌ی‌ مه‌سیحییه‌كان ده‌برێته‌ ئه‌نجومه‌نی‌ ئاسایش
لۆران فابیۆس، وه‌زیری‌ ده‌ره‌وه‌ی‌ فه‌ڕه‌نسا، داوا له‌ ئه‌نجومه‌نی‌ ئاسایش ده‌كات، كۆتایی‌ ئه‌م مانگه‌، كۆبوونه‌وه‌یه‌ك ئه‌نجامبدات به‌مه‌به‌ستی‌ دانانی‌ رێوشوێنێك بۆ پاراستی‌ مه‌سییحییه‌كانی‌ رۆژهه‌ڵات له‌ په‌لاماره‌كانی‌ داعش. بە پێی راپۆرتی هەواڵدەریەكان، فابیۆس ئاشكرایكردووه‌: رۆژی8ی گۆڵان كۆبوونه‌وه‌یه‌كی‌ ئه‌نجومه‌نی‌ ئاسایشی‌ سه‌ربه‌ نه‌ته‌وه‌یه‌كگرتووه‌كان به‌ڕێوه‌ده‌چێت بۆ تاووتوێكردنی‌ دۆخی‌ مه‌سیحییه‌كان و دانانی‌ رێوشوێن بۆ پاراستنیان له‌ په‌لاماره‌كانی‌ رێكخراوی تیرۆرستی داعش. فابیۆس له‌ كۆنرگره‌یه‌كی‌ رۆژنامه‌وانیدا، ئاماژه‌ی‌ به‌وه‌شكردووه‌، له‌و كۆبوونه‌وه‌یه‌دا، باس له‌ ته‌واوی‌ ئه‌و كه‌مایه‌تیانه‌ ده‌كرێت كه‌ كه‌وتوونه‌ته‌ به‌ر هه‌ڕه‌شه‌كانی‌ داعش، له‌ كۆبوونه‌وه‌كه‌دا ته‌ئكید له‌ سه‌ر خه‌مخۆری‌ فه‌ڕه‌نسا ده‌كه‌نه‌وه‌ له‌به‌رامبه‌ر كه‌مایه‌تییه‌كانی‌ خۆرهه‌ڵات.

ڕێکه‌وت: 2015-03-11 15:39:20
به‌شی ( هەواڵەكانی كوردستان، ئێران و جیهان 20ی رەشەمەی 1393 )