خەباتمێدیا: رێكەوتی ٢٢ ی رەشەمەی ساڵی ١٣٩٣ كۆچی خۆری لە بنكەی پەیوەندییەكانی سازمانی خەبات ی كوردستان لە شاری سلێمانی بە بەشداری ژمارەیێك لە ئەندام و لایەنگران كۆبونەوەیەك بە مەبەستی رێكخستنەوەی كۆمیتەی لایەنگرانی سازمان بەشی سلێمانی و هەروەها بۆ باس لەسەر دوایین پێشهاتە سیاسیەكانی جیهان و ناوچەكە بە گشتی و كوردستان و رۆلی سازمانی خەبات لە ناوخۆ و دەرەوەی وڵات بە تایبەتی ساز درا.

سەرەتای كۆبوونەوەكە بە دەقیقەیێك وێستان بۆ رێزگرتن لە گیانی پاكی شەهیدان دەستی پێكرد. سەرەتا بەرێز كاك رەحمان پووركەریمی بەرپرسی پێوەندیی سلێمانی سازمانی خەبات ی كوردستان قسەی كرد و  بە گشتی وێنایێكی لەسەر سیاسەت و بەرنامەی سازمانی خەبات لە رابردوو و ئێستا پێش كەش بە ئامادە بووان كرد و یەكریزی و تەبایی ئەندامان و لایەنگرانی سازمان لەسەر بناغەی وەفاداریی بۆ رێبازی جەنابی مامۆستا سەیید جەلالی حوسێنی  بە زامنی بەرەو پێش چوونی زیاتر و خزمەتی زیاتر بە گەل و نیشتمان زانی. 
لە بڕگەی دووهەم بەرێ. كاك جەماڵ عەلیپور ئەندامی هەیئەتی بەرێوەبەری رێكخراوی لاوانی خەبات و ئەندامی دەستەی بەرێوەبەری رێكخستنی سلێمانی بابەتێكی سیاسی  لەسەر دوایین رووداو و ئاڵوگۆرە سیاسیەكانی جیهان و ناوچەكە و ئێران و كوردستان پێش كەش كرد و لە بەشێك لە ووتەكانیشی دا تیشكی خستە سەر كۆنگرەی دوەمی لاوانی خەبات و  لەسەر دوایین گۆرانكاری و بریارەكانی كۆنگرە بۆ بەشداربووان ئاخاوت و پییان راگەیەندرا.
لە بەشی سێهەمی كۆبوونەوەكە خاتوو فاتمە عەبدوڵلا زادە ئەندامی دەستەی بەرێوەبەری رێكخستنی سلێمانی و ئەندامی رێكخراوی ئافرەتانی خەبات لە سەر كار و چالاكیەكانی ئافرەتانی سازمان و دوایین پیشهاتەكانی پێوەندیدار بە خەباتی ئافرەتانی كورد لە كوردستانی ئێران بابەتێكی پیشكەش كرد و پیرۆزبایی ٨ی مارسی لە سەرجەم ژنانی جیهان و كوردستان و بە تایبات ژنانی ناو ریزەكانی سازمان كرد.
لەبەشی چوارەمی كۆبوونەوەكە بەرێز كاك محەممەد ئەمین عەبو بەرپرسی كۆمیتەی ئەندامان و لایەنگرانی سازمان وێرای پیرۆزبایی نەورۆز لە سەرجەم بەشداربوان راپۆرتی تەشكیلاتی كومیتەی لایەنگران و ئەندامانی سازمانی خەبات ی  پێش كەش كرد و لایەنە بە هێز و بێ هێزییەكانی كاری كومیتەی دەست نیشان كرد.  
لەدوای كۆتایی هاتن بە باسەكان  ئەندامان و لایەنگرانی سازمانی خەبات لە پارێزگای سلێمانی بە رەخنە و پێشنیار و رێگەكار بۆ هەڵسوورانی زیاتر بەشدارییان لە باسەكاندا كرد و هەر یەك لەو بەرێزانەی ووتاریان پێشكەش كردبوو  لە سەر رەخنە و پیشنیارەكانی بەشداربووان روونكردنەوەیان دا و بریاری درا هەوڵی زیاتر بۆ راپەراندنی ئەركە تەشكیلاتیەكان لە لایەن  هەموو ئەندامانی سازمانی لە ناوچەی سلێمانی بدرێ‌.
لە كۆتایی كۆبوونەوەكەش خەڵاتی رێز لینان پێشكەش بە دایە ئامینە نادری دایكی دوو شەهیدی سەربەرزی سازمان بەناوەكانی شەهید مەلاعەلی و شەهید ساڵح رەسوڵی كرا  و رێز لە هەوڵ و تێكۆشانی ئەو دایكە نیشتمانپەروەرە لەراست گەل و نیشتمان و سازمانی خەبات گیرا. 
لە ناو كەشێكی دۆستانە بە بریار و بەڵینی كاری زیاتر هیوا بۆ بەردەوامی ئەو جۆرە كۆبوونەوانە خوازرا و بە پەزیرایی لە بەشداربووان كۆتایی بە كۆبوونەوەكە هات.

ڕێکه‌وت: 2015-03-13 16:15:31
به‌شی ( كۆبونەوەی ئەندامان و لایەنگرانی سازمانی خەبات لە سلێمانی بەرێوە چوو )