__ كۆڵبەرێكی دیكەی كورد بە دەستی هێزەكانی رژیمی ئاخوندی كوژرا__ تەقینەوەی مین لەقەسری شیرین لاوێكی كردە قوربانی__ ئیتلاعاتی مەهاباد، كەسایەتییەكی سیاسیی كوردی دەستبەسەر كرد__ لە كرماشان مامۆستایانی ناڕازی جارێكی دیكە هاتنەوە سەرشەقام__ ئەحمەد شەهید: لە ماوەی دەسەلاتداریی رۆحانیدا دۆخی مافی مرۆڤ "بە گشتی خراپتر" بووە__ دەزگای هەواڵگریی ئەمریكا: ئێران مووشەكی ڕەوانەی عێراق كردووە__ نازناوی دایكی شەهیدان بەخشرایە دایكی سێ برای شەهید__ دەمیرتاش: گەر كێشەی كورد لە توركیا بوونی نیە، ئەی پرۆسەی ئاشتی بۆ چییە__  سودە سەرسورهێنەرەكانی كیوی

كۆڵبەرێكی دیكەی كورد بە دەستی هێزەكانی رژیمی ئاخوندی كوژرا
بەرەبەیانی یەكشەممە لەسەر دووشەممە 25ی مانگی رەشەممە، هێزەكانی رژیمی ئاخوندی بە شێوەی راستەوخۆ تەقە لە كاسبكاران و كۆڵبەرانی كورد لە ناوچەی سنووری مەریوان دەكەن و بەو بۆنەوە، یەكێك لە كۆڵبەرەكان گیان دەدات. بە پێی هەواڵی زاگرۆس پۆست هێزەكانی رژیمی ئاخوندی پۆلێك كۆڵبەر لە سنووری مەریوان و لە ئاوایی “كانی سپیلكە” دەدەنە بەر دەستڕێژی گوللە و بەو بۆنەوە كەسێك بە ناوی “سۆران خوسرەوی” 24 ساڵە گیان دەدات. هێزەكانی رژیمی ئاخوندی ئەو پۆلە كۆڵبەرە لە سنووری مەریوان و لە ئاوایی “كانی سپیلكە” دەدەنە بەر دەستڕێژی گوللە و بەو بۆنەوە كەسێك بە ناوی “سۆران خوسرەوی” 24 ساڵە گیانی دەدات. جێگای وەبیرهێنانەوەیە، یەكەم ساتەكانی بەرەبەیانی رۆژی هەینی 22ی مانگی رەشەممە، بۆ جارێكی دیكە هێزە چەكدارەكانی رژیمی ئاخوندی لە سەر سنوورەكانی كوردستان پۆلێكی كۆڵبەر و كاسبكاری كوردیان دایە بەر دەستڕێژی گوللە و بەو بۆنەوە كۆڵبەرێكی خەڵكی شاری سەردەشت بە ناوی “رەحمان ئیبراهیم زادە” گیانی لەدەستدا.





تەقینەوەی مین لەقەسری شیرین لاوێكی كردە قوربانی
پاش تەواوبوونی ٢٦ ساڵ لە شەڕی ئێران و عێراق، ئێستاكەش مێنە چێنراو و كەرەسە نەتەقیوە جەنگییەكان لەناوچە كوردنشینەكان هاووڵاتیانی كورد دەكاتە قوربانی. بەپێی راپۆرتی هەواڵدەریی كوردپا، لاوێكی تەمەن ٢٤ ساڵ بەناوی جەلال بەهرامزادە لەنزیك پاسگایەكی مەرزی لە ئوستانی كرماشان لەئەنجامی تەقینەوەی مینە چێنراوەكان، گیانی داوە. ئەو مینە لەناوچەی تەنگەحەمام لەئاوایی "دارخور"‌ی سەربە بەخشی ناوەندی قەسری شیرین تەقیوەتەوە. لەئەنجامی ئەو تەقینەوەیەدا ٧ سەر لە مەڕ و ماڵاتی ئەو هاووڵاتییە كوردەش لەناو چوون.جێگری سیاسیی ـ كۆمەڵایەتی فەرمانداریی قەسری شیرین وێڕای پشتراستكردنەوەی ئەو هەواڵە، بە هەواڵدەریی ئیرنای وتووە، لەسەرەتای ئەمساڵەوە هەتا ئێستا ١٩ كەس بە هۆی تەقینەوەی مین و كەرەسە جەنگییەكانەوە لەو شارستانە كوژراو و بریندار بوون.





ئیتلاعاتی مەهاباد، كەسایەتییەكی سیاسیی كوردی دەستبەسەر كرد
عومەر قازی كەسایەتیی سیاسیی كوردی شاری مەهاباد، لەلایەن هێزە ئەمنی و ئینتزامییەكانی رژیمی ئاخوندی ئێرانەوە دەستبەسەرو بۆ شوێنێكی نادیار راگوێزرا.رۆژی  دووشەممە رێكەوتی ٢٥ی رەشەمە، عومەر قازی یەكێك لە كەسایەتییە سیاسییە ناسراوەكانی شاری مەهاباد، لەلایەن هێزە لیباس شەخسی‌یەكانی وەزارەتی ئیتلاعاتەوە دەستبەسەر كرا.هێزە حكوومەتییەكان وێڕای دەستبەسەر كردنی ئەو هاووڵاتییە تەمەن ٨٠ ساڵەیە، خانووی ناوبراویشیان زەوت و داگیر كردووە.هێزە ئەمنییەكان بەهۆی هاوكاری نەكردنی عومەر قازی لەگەڵ ناوەندە ئەمنییەكانی ئێران، ناوبراویان دەستبەسەر كردووە.پێشتر عومەر قازی ئەندامی یەكێك لە حیزبە كوردییەكانی ئۆپۆزیسیۆنی حكوومەتی ئیسلامیی ئێران بووەو لە دەیەی ٦٠ی هەتاویدا دەستبەسەر كراوە.




لە كرماشان مامۆستایانی ناڕازی جارێكی دیكە هاتنەوە سەرشەقام
مامۆستایانی كورد بۆ جارێكی دیكە لەبەردەم ناوەندە حكوومەتیەكاندا كۆبوونەوەو خوازیاری پێراگەیشتنی خێرا بە كێشە و گرفتە سینفییەكانیان بوون. بەپێی راپۆرتی هەواڵدەریی كوردپا، رۆژی یەكشەممە، رێكەوتی ٢٤ی رەشەمە، لە كرماشان و چەند شارێكی دیكەی ئێران مامۆستایان و فەرهەنگیان، ناڕەزایەتییان بە دۆخی نالەباری پیشە و كاری خۆیان دەربڕی.مامۆستایانی كورد لە كرماشان، سەبارەت بە كەمتەرخەمیی رژیمی ئاخوندی و ئەو هەڵاواردنانەی كە لەگەڵ مامۆستایان كراوە، بە توندی ناڕەزایەتییان دەربڕیوە.مامۆستایان خوازیاری جێبەجێ كردنی یاسای خزمەتگوزارییەكانی وڵات و وەرگرتنی هاوئاهەنگی مووچەكانیان وەك مووچەی خانوو، دامەزراندنی بانكی تایبەتیی فەرهەنگیان بوون.كۆبوونەوەی بەردەم ئوستانداریی كرماشان، لەلایەن ئەنجومەنە سەربەخۆكانەوە بەڕێوەچووەو لە كۆتاییشدا بەیاننامەیەك خوێندرایەوە.پێشتریش مامۆستایان لە رێكەوتی ١٠ی رەشەمەدا، لە بەردەم ئیدارەی پەروەردەی شارەكانی كوردستان و ئێراندا كۆبوونەوەی ناڕەزایەتییان پێكهێنابوو.لە بەرەبەری ساڵی نوێدا، مامۆستایانی كوردستان ٣ مانگی مووچەی رابردوویان پێنەدراوە و بەرپرسانی وەزارەتی پەروەردەی وڵاتی ئیران رایانگەیاندووە كە لە ساڵی دااتوودا مووچەی ئەو چەند مانگەیان پێ ئەدرێت.بەپێی ئامارەكان، لە وڵاتی ئیراندا نزیك بە ١ ملوێن و نیو مامۆستا ئەركی وانە وتنەوە بە ١٤ ملوێن خوێندكاریان لە ئەستۆیە.





ئەحمەد شەهید: لە ماوەی دەسەلاتداریی رۆحانیدا دۆخی مافی مرۆڤ "بە گشتی خراپتر" بووە
راپۆرتیری تایبەتیی رێكخراوی نەتەوە یەكگرتووەكان بۆ كاروباری مافی مرۆڤ لە رژیمی ئاخوندی ئێراندا، رایەگەیاند كە پێكەوە هەڵكردن لە دانوستانە ناوكییەكاندا باشتربوونی دۆخی مافی مرۆڤی لەو وڵاتەدا لێدەكەوێتەوە.ئەحمەد شەهید رۆژی رابردوو لە شاری سویس لە كۆنفڕانسیكی رۆژنبامەوانیدا بەشداریی كرد و جارێكی دیكە پێداگریی لەسەر پێشێلكاریی مافی مرۆڤ لە رژیمی ئاخوندی ئیراندا كرد.ئەحمەد شەهید، دەوڵەتی حەسەن رۆحانیی بە پێشێلكاریی سیستماتیكی مافی مرۆڤ لە وڵاتی ئێراندا تۆمەتبار كرد.بە گوتەی راپۆرتیری تایبەتیی رێكخراوی نەتەوە یەكگرتووەكان، خەڵكی ئێران لە پەراوێز كەوتنی پرسی مافی مرۆڤ لە ئەنجامی دانوستانە ناوكییەكاندا نیگەرانن.دەنگی ئەمریكا لە زاری ئەحمەد شەهیدەوە سەبارەت بە دانوستانە ناوكییەكان ئێران لەگەڵ وڵاتانی ٥+١ و لە پەویەندی لەگەڵ مافی مرۆڤدا رایەگایند: هیوادارم واژۆی رێكەوتننامەی ناوكی لەگەل ئێران یارمەتی بە باشتربوونی دۆخی مافی مرۆڤ لەو وڵاتەدا بكات.وەزیری پێشووی دەرەوەی وڵاتی ماڵدیڤ لە درێژەدا باسی لەوە كردووە كە لێپرسراوانی ئیرانی لە سەرەتای ئەمساڵی زایینی‌یەوە هەتا ئێستا زیاتر لە ٢٥٢ كەسیان لەسێدارە داوە كە نیوەی ئەو كەسانە لەسەر تۆمەتەكانی پەیوەندیدار بە مافی مرۆڤەوە بووە.ئەحمەد شەهید هەڕەشە لە رێكخراوە ناحكوومییەكان، كۆمەڵگەی نێونەتەوەیی، حیزبە سیاسییەكان و داكۆكیكارانی مافی مرۆڤی بە نێشانەی خراپتر بوونی دۆخی مافی مرۆڤ لە سەردەمی دەسەڵاتدارییەتیی حەسەن رۆحانیدا لە قەڵەم داوە.ناوبراو لە دوایین راپۆرتی ساڵانەی خۆیدا كە پێشكەشی رێكخراوی نەتەوە یەكگرتووەكانی كردووە، رایگەیاندووە: " ٣٠ رۆژنامەنووس لە وڵاتی ئێران لە زیندانەكاندا و حكوموەتی ئیسلامی دەبێ دەبێ كۆتایی بە سانسۆر و بڵاوكردنەوەی پارازیت بێنێت".لێپرسراوانی حكوومەتی ئیسلامیی ئێران هەتا ئێستا بەردەوام رێگرییان لە سەردانی ئەحمەد شەهید بۆ ئەو وڵاتە كردووە.








دەزگای هەواڵگریی ئەمریكا: ئێران مووشەكی ڕەوانەی عێراق كردووە
دەزگای هەواڵگری ئەمریكا بڵاویكردەوە ئێران چەند مووشەكێكی سەربازی پێشكەوتووی ڕەوانەی عێراق كردووە، بۆ جەنگی دژی داعش و كۆنترۆڵكردنەوەی شاری تكریت. ڕۆژنامەی نیویۆرك تایمزی ئەمریكی لە زاری دەزگای هەواڵگریی ئەمریكاوە بڵاویكردەوە، ئێران هێشتا ئەو مووشەكانەی بەكارنەهێناوە كە ڕەوانەی عێراقی كردووە.ئاماژەی بەوەشكردووە ئەو مووشەكانە مەترسین بۆ سەر گیانی هاووڵاتیانی ئەو ناوچانەی كە شەڕی تێدا دەكرێت، چونكە وردنین لە پێكانی ئامانجەكانیاندا.هاوكات بەرپرسێكی سەربازی ئەمریكا ڕاگەیاندووە، ئەو مووشەكانەی ڕەوانەی عێراق دەكرێت لە جۆری فەجر-٥ و فەتح ١١٠ دەچن.بەپێی زانیارییەكان ئەو دوو جۆرە مووشەكە دەتوانن لە دووری ٧٥ بۆ ٨٠ كیلۆمەتر ئامانجەكانیان بپێكن.ئەمریكا چەند جارێك ئەوەی خستبووەڕوو لە ناكارایی ڕۆڵی سوپای عێراق لە ڕووبەڕوو بوونەوەی داعش و زاڵبوونی ڕۆڵی میلیشیا شیعەكانی هاوسۆزی ئێران لە زیاد بووندایە.ئەمریكا و هاوپەیمانان چەند جارێك ئەوەیان ئاشكرا كردووە كە بەشدار نەبوون لە پرۆسەی كۆنترۆڵكردنەوەی تكریتدا و ناشیانەوێت هیچ هەماهەنگییەكی سەربازی لەگەڵ ئێراندا بكەن لە عێراق.





نازناوی دایكی شەهیدان بەخشرایە دایكی سێ برای شەهید
بەبۆنەی ساڵیادی كیمیا بارانكردنی هەڵەبجەی شەهیدەوە، بەڕێوەبەرایەتی كاروباری شەهیدان سۆران خەڵاتی بەخشیە كەس و كاری شەهیدانی شەڕی داعش و پەرلەمانی كوردستانیش نازناوی دایكی شەهیدانی بەخشیە دایكی سێ برای شەهید. 
 عەشقی مەلا، بەڕێوەبەری كاروباری شەهیدانی سۆران رایدەگەیەنێ ئەمڕۆ بەبۆنەی 27مین ساڵیادی كیمیا بارانكردنی هەلەبجە، رێوڕەسمێك بۆ رێزگرتن لە قوربانیانی هەلەبجە بەڕێوەچوو تێیدا، كەس و كاری شەهیدانی شەڕی داعش لە سنوری بەڕێوەبەرایەتی شەهیدانی سۆران خەلاتكران.عەشقی مەلا،  گۆتیشی: هەر ئەمڕۆ پەرلەمانی  كوردستان نازناوی دایكی شەهیدانی بەخشیە عائیشەخان، دایكی سێ برای شەهید، ئەوەش وەك رێزگرتن بۆ شێرە ژنەی سێ كۆڕی بەیەكەوە كردە قوربانی خاكی كوردستان.






دەمیرتاش: گەر كێشەی كورد لە توركیا بوونی نیە، ئەی پرۆسەی ئاشتی بۆ چییە

هاوسەرۆكی پارتی دیموكراتی گەلان (هەدەپە) ڕەخنەی لە ئەردۆ‌‌غان گرت كە وتبووی لە توركیادا شتێك نیە بە ناوی كێشەی كوردەوە و ڕایگەیاند كە وتەكانی تەنها بانگەشەیەكی سیاسییە بۆ هەڵبژاردنی داهاتووی ئەو وڵاتە. دوێنی دووشەممە، سەڵاحەدین دەمیرتاش، هاوسەرۆكی پارتی دیموكراتی گەلان (هەدەپە) لە لێدوانێكیدا بۆ ڕۆژنامەنووسان  وتی "ئایە گەر شتێك نیە بە ناوی كێشەی كوردەوە لە توركیا، ئەی پرۆسەی ئاشتی بۆ چییە و بۆ بەردەوامە". لە چەند ڕۆژی ڕابردوودا، ئەردۆغان، سەرۆككۆماری توركیا، ڕایگەیاند كوردانی توركیا وەك هەموو هاووڵاتییانی توركیا  مافیان هەیە ئیتر چیتریان دەوێت، هەروەها وتیشی كە شتێك نیە بە ناوی كێشەی كوردەوە . دەمیرتاش ڕایگەیاند  وتەكانی ئەردۆغان لەگەڵ وتەكانی ئەحمەد داود ئۆغڵۆ سەرۆك وەزیرانی توركیا و بەرپرسانی تری ئەو وڵاتە جیاوازن، یەكێكیان بانگەشەی ئەوە دەكات شتێك نییە بە ناوی كێشەی كوردەوە، بەڵام ئەوەی تریان هەنگاو دەنێت بۆ چارەسەری ئاشتییانەی كێشەی كورد لەو وڵاتەدا. شاندی هەدەپە لە چواری شوبات چوبوونە ئیمڕاڵی، هەروەها ٢٨ی شوبات لێدوانی هاوبەشی حكومەت و هەدەپەیان لە ١٠ خاڵدا بڵاو كردەوە سەبارەت بە پڕۆسەی ئاشتی. پێشتریش شاندێكی هەدەپە سەردانی قەندیلیان كرد بۆ دیدار لەگەڵ كۆما جڤاكێن كوردستان(كەجەكە) لە چوار چێوەی پڕۆسەی ئاشتیدا لە توركیا. لە ماوەی دەستپێكردنی پرۆسەی ئاشتی تا ئێستا ٣١ جار نوێنەرانی كورد سەردانی ئۆجەلانیان لە زینداندا كردووە، ئۆجەلان چەند پرۆژەیەكی بۆ چۆنیەتی چارەسەری ئاشتیانەی كێشەی كورد ئامادە كردووە.





 سودە سەرسورهێنەرەكانی كیوی
 كیوی یەكێكە لە میوە گرنگەكان كە تامیكی خۆش و سودی زۆر گرنگی هەیە بۆتەندرۆستی مرۆڤ بەهۆی ئەو پێكهاتە كرنگانەی كە هەیەتی. ئەمەش بۆتە جێگای سەرنجی شارەزایانی خۆراك و چەندەها لێكۆلینەوەی لەسەر كراوە بۆدەرخستن و زانینی سودەكانی ئەم میوە گرنگە. بۆزیاتر ئاشنا بوون هەندیًك ئەمانەش هەندێك لە گرنگیەكانی ئەم میوە باس دەكەین:
1-شێرپەنجە: 2- نەخۆشی دڵ: 3- كۆلیسترۆل: 4- نەخۆشی شەكرە: 5-دڵ توندی: 5- بەرزی پەستانی خوێن: 6- چاو: 7- بەرگی لەش: 8- لاوازی سیكسی لە پیاوان: 


ڕێکه‌وت: 2015-03-17 14:59:09
به‌شی ( هەواڵەكانی كوردستان و ئێران و ناوچەكە (26ی رەشەممەی 1393) )