__ زیاتر لە 17 هەزار كەلوپەلی پەیوەنیدار بە ماهوارە لە ئیلام زەوت كراوە__ تەقینەوەی مین گیانلەدەستدانی هاوڵاتییەكی دیكەی كوردی لێكەوتەوە__ هونەرمەندێكی كورد، خەڵاتی سێیەمی باشترین وێنەگری بە مۆبایلی بەدەست هێنا__ ووتووێژە ئەتۆمیەكانی بۆ دووهەم جار درێژ كرایەوە__ لێبوردنی نێودەوڵەتی: ئێران پێشڕەوی جێبەجێكردنی سزای ئێعدامە__ بان كی‌ مۆن هۆشداری‌ دەداتە ئێران __ مارك زۆكربێرگ بۆ 10%ـی جیهان ئینتەرنێت دابین دەكات__ حوسییەكان پایتەختە نوێیەیەكی یەمەنیشیان گرت__ شوتی بۆ ئەم نەخۆشییانە باشە

زیاتر لە 17 هەزار كەلوپەلی پەیوەنیدار بە ماهوارە لە ئیلام زەوت كراوە
جێگری فەرماندەیی هێزە ئینتزامییەكانی پارێزگای ئیلام رایگەیاندووە، كە لە ساڵی رابردووی هەتاوی زیاتر لە 17 هەزار كەلوپەلی پەیوەندیدار بە ماهوارە لە لایەن پۆلیسی ئەمنیەتی گشتیی ئەو پارێزگایەوە، دەستی بەسەردا گراوە. پۆلیسی ئەمنیەتیی گشتی ئیلام رایگەیاندووە، فەرماندەیی هێزە ئینتزامیەكانی ئەو پارێزگایە رایانگەیاندوە، هێزە ئیتلاعاتی و ئەمنیەتی گشتیی پارێزگای ئیلام لە درێژەی رەوتی جێگیركردنی ئەمنیەتی كۆمەڵایەتی و هەروەها خەبات دژی كەلوپەلی پەیوەندیدار بە ماهوارە، لەسەرەتای ساڵی 1393ی هەتاویەوە تا كۆتایی ئەو ساڵە، 17 هەزار و 129 كەلوپەلی پەیوەندیدار بە ماهوارەیان لە ئاستی ئەو پارێزگایە كۆكردووتەوە.هەروەها پۆلیسی ئەو پارێزگایە لە دریژەی عەمەلیاتە جیاجیاكان لەئاستی پارێزگاكەدا، 21 هەزار و 200 عاڵقە سی دی فیلمی رووتیان دۆزیوەتەوە و دەستیان بەسەردا گرتووە.پۆلیسی ئیلام هەروەها لەو ماوەیەدا، بە پەرەپێدانی گەشتەكانی ئەمنیەتی ئەخلاقی هوشداریان داوەتە 9 هەزار كەس كە بەدحجاب بوونە و 2 هەزار و 290 كەسیش بەڵێنیان لێ وەرگیراوە و 103 كەسیش بانگهێشتی ناوەندە دادوەرییەكانی كۆماری ئیسلامی كراون.




تەقینەوەی مین گیانلەدەستدانی هاوڵاتییەكی دیكەی كوردی لێكەوتەوە

بە هۆی تەقینەوەی مین لە ناوچە سنوورییەكانی پارێزگای ورمێ هاوڵاتیەكی خەڵكی باكووری كوردستان گیانی دا.بە پێی راپۆرتی “زاگرۆس پۆست”،  شەوی سێشەممە لەسەر چوارشەممە 12ی مانگی خاكەلێوە، هاووڵاتیەكی كوردی خەڵكی ناوچەی “ماردین”ی باكووری كوردستان لە ناوچە سنوورییەكانی پارێزگای ورمێ كەوتۆتە سەر مینی چێنراو و بەو هۆیەوە گیانی داوە.شوناسی ئەو هاوڵاتیە كوردە “بەیرەم ئاكداش” تەمەن 42 ساڵ بووە و دەوترێت ماوەیەك لەمەوبەر بە مەبەستی سەردانی خزم و كەسەكانی سەردانی ورمێ‌ كردبوو و كاتی گەڕانەوەی لە چیای “شەهیدان” تووشی ئەو ڕووداوە بووە.شایەتحاڵەكان باس لەوە دەكەن، “بەیرەم” پاش ئەوەی دەكەوێتە سەر مینە چێنراوەكان دوای چەندین كاتژمێر خەڵكی خۆجێی ناوچەی ورمێ‌ ئاگاداری ئەو ڕووداوە دەبن بە مەبەستی یارمەتی دان سەردانی شوێنی رووداوەكە دەكەن، بەڵام بەهۆی خوێنڕێژیی زۆرە گیانی داوە.هەروەها رۆژی دووشەممە 10ی مانگی خاكەلێوە 5 كەس لە هێزە سنوورپارێزگانی كۆماری ئیسلامی جێگیر كراو لە پاسگای “سێ تەپان” لە بەشی سەر سنووری سوومار سەر بەو شارە، بە هۆی تەقینەوەی مین كوژراون.لەم دواییانەشدا لە كاتی راودووانی كۆڵبەران لە سەر سنووری نێوان شارەكانی سەقز و بانە، كەس لە ئەندامانی سپای كەوتنە سەر مین و بەو بۆنەوە هەر دووكیان بریندار بوون.ئەمەش لەحاڵێكدایە، كە  لە یەكەم رۆژەكانی جەژنی نەورۆزدا ٤ هاووڵاتیی كوردی خەڵكی ناوچەی سەلاسی باوەجانی، كە یەكێكیان منداڵ بوو، لە ئەنجامی تەقینەوەی مین بریندار بوون.





هونەرمەندێكی كورد، خەڵاتی سێیەمی باشترین وێنەگری بە مۆبایلی بەدەست هێنا
هونەرمەندیكی وێنەگرێكی كوردی خەڵكی شاری بۆكان، خەڵاتی پلەی سێیەمی ركابەریی وێنەگریی (سۆنی موبایل)ی ٢٠١٥ی پێشكەش كرا.بەپێی راپۆرتی هەواڵدەریی كوردپا، ئاكۆ سالمی وێنەگری كورد لە بەشی وێنەگری بە مۆبایلی سۆنیدا خەڵاتی پلەی سییەمی مسۆگەر كرد.ئەو هونەرمەندە كوردە، وێنەیەكی بە ئیسمارت فۆنی سۆنی گرتووە، كە لەو وێنە رەش و سپییەدا، بزنێك و منداڵێك پێكەوە خەریكی كایە كردنن.هەروەها لەو ركابەرییەی ئەمساڵدا ساڵح رووزاتی وێنەگرێكی دیكەی ئێرانی، پلەی یەكەم و یانووش ئیشمیت خەڵكی وڵاتی مەجارستان پلەی دووەمی بەدەست هێناوە.ئاكۆ سالمی وێنەگری كورد لە بەشی وێنەگری بە مۆبایلی سۆنیدا خەڵاتی پلەی سییەمی مسۆگەر كردئەو ركابەرییە هەموو ساڵێك بەڕێوە دەچێت و ئەمساڵیش زیاتر لە ١٠ هەزار وێنە رەوانەی بەڕێوەبەرایەتیی ركابەرییەكە كرابوو، كە سەرئەنجام سێ وینە وەكوو باشترین وێنەكان دەست نیشان كران.هەروەها دەگوتری كە زیاتر لە ٦٧٠٠ كەس بۆ هەڵبژێرانی ئەو وێنانە، بە شێوەی ئانلاین دەنگیان داوە.ئاكۆ سالمی لەدایكبووی ساڵی ١٣٦٠ی شاری بۆكانە و بڕوانامەی كارناسیی شانۆی هەیە و ماوەی ١٠ ساڵ پێشینەی وێنەگریی لە میدیاكانی وەكوو رۆژنامەی ئیعتمادی میللی، بانی فیلم، سەرمایە، ئاییندەی نوی و دنیای ئابووریدا هەیە و هەتا ئیستا چەندین خەڵاتی جۆراوجۆری وێنەگریی بەدەست هێناوە.




ووتووێژە ئەتۆمیەكانی بۆ دووهەم جار درێژ كرایەوە
بە پێی هەواڵدەری ئاسۆ شێتدپرێس  ووتوێە ناوكەییەكانی رۆژی چوارشەەمە و بەیانی پێنج شەەمە بو جارێكی تر درێژ كرایەو و تا كۆتایی مانگی ژووئەن دیاریی كراوە بۆ گەیشتن بە رێكەوتن. واڵتێر شتاین مایر وەزیری دەرەوەی ئاڵمان دەڵێ: ووتووێژەكان هەر وا لەگەڵاَ خاڵی دژوار رووبەروون.  لە لاێكی دیكەوە ووتەبێژی كۆشكی سپیش دەڵێ ووتووێەكانی سوئیس بەرەوپێش كەوتنی بینیوە ئەلام ئەمریكا هەموو بژاردەكان و یەك لەوان بژاردەی نیزامی لەسەر مێز هەڵنەگرتووە. 
گرنگترین ئەو خاڵانە كە دەشێت ئێران و  وڵاتانی 5+1 لەسەری كۆكبن، بریتین لە:   
1- رێككەوتنێكی گشتگیر كە رێگا لە ئێران بگرێت بۆ بەدەستهێنانی چەكی ئەتۆمی، بەپێی راپۆرتە هەواڵگرییەكان، ئەگەر تاران دەستبكات بە كاراكردنی كوورە ئەتۆمییەكان بە بەكارهێنانی ئاوی قورس، ئەوە دەتوانێت چەكی ئەتۆمی دروستبكات، بۆیە دەبێت رێگری لێبكرێت. 
2- پیتاندی یۆرانیۆم (كە دەزگا هەواڵگرییەكان بە كێكی زەرد ناوی دەبەن) بە بەردەوامی: ئێران لە ساڵی 2006 دەستی بە پیتاندنی یۆرانیۆم كردووە، سەرەتا بە ئاستی 3.5%  دەستیپێكرد، لە ساڵی 2010 توانی ئاستی پیتاندنی یۆرانیۆم بەرزبكاتەوە بۆ 20% ، بەڵام بەهۆی رێككەوتنی كاتی نێوان ئێران و وڵاتانی پێنج كۆ یەك كە لە كۆتای ساڵی 2013 واژۆكرا، تاران رەزامەندی نیشاندا بۆ ئەوەی ئاستی پیتاندنی یۆرانیوم كەمبكاتەوە بۆ 5 % . 
3- سزاكان:  لە ساڵی 1979 تاوەكو ئێستا ئەنجوومەنی ئاسایشی نەتەوە یەكگرتووەكان چەندین بڕیاری جیاوازی بۆ سەپاندنی سزا بەسەر ئێراندا دەركردوون،  پێنچ لە بڕیارەكان پەیوەندییان بە دۆسیەی ئەتۆمییەوە هەیە.بڕیاری ژمارە 1737 لە ساڵی 2006 دەرچووە. بریاڕی ژمارە1747 ساڵی 2007 دەرچووە. بڕیاری ژمارە1803  ساڵی 2008 دەرچووە. بڕیاری ژمارە 1929 ساڵی 2010 دەرچووە.بڕیاری ژمارە 2040  ساڵی 2012 دەرچووە.ئێران داوای هەڵگرتنی راستەوخۆی سزاكانی یەكێتی ئەوروپا و ئەمریكا و نەتەوە یەكگرتووەكان دەكات. بەڵام  لایەنی بەرامبەر پێداگری لەسەر ئەوە دەكات كە دەبێت سزاكان قۆناغ بە قۆناغ هەڵبگرێن.  4- توێژینەوەی پەرەپێدانی توانای ناوەكی:  ئێران پێداگری لەسەر ئەوە دەكات كە مافی ئەوەی هەیە توێژینەوەی نوێ لە بواری ناوەكی ئەنجامبدات و برەو بە توانای زانستی ناوەكی بدات، بەڵام رۆژئاواییەكان لەو باوەڕەدان كە بەبێ سنوورداركردنی توانای زانستی ناوەكی ئێران، ناتوانرێت بە تەواوی  رێگە لەو وڵاتە بگیرێت بۆ بەدەستهێنانی چەكی ئەتۆمی.5- كوورە ئەتۆمییەكان:  هەر رێككەوتنێك واژۆبكرێت، دەبێت ئەو كوورە ئەتۆمییانە دیاریبكرێن كە ئێران دەتوانێت بەكاریانبهێنێت. ئەمریكا دەیەوێت تاران برەو بە ماددی بۆلۆتۆنیوم نەدات كە زۆر گرنگە بۆ دروستكردنی چەكی ناوەكی.  كوورەی ناوەكی ئاڕاك ئاوی قورس و ماددەی پلۆتۆنیۆمی تێدا بەكاردەهێنرێت و توێژینەوەی لەسەردەكرێت .6- چاودێریكردن:  وڵاتانی رۆژئاوا داوادەكەن چاودێریكردنی كانەكانی یۆرانیۆم بەشێوەیەكی رێكخراو  و دروست لە سەر بنەمای زانستی ئەنجامبدرێت. 7- پێشێلكردنی رێككەوتن:  وڵاتانی رۆژئاوا ئاماژە بەوە دەكەن، ئەگەر هاتوو ئێران رێككەوتنەكەی پێشێلكرد، ئەوە دەبێت راستەوخۆ  بە بێ گەڕانەوە بۆ ئەنجوومەنی ئاسایش و دەركردنی بڕیارێكی نوێ، ئەنجوومەنی ئاسایش سزا بەسەر ئێراندا بسەپێنێت، بەڵام ئێران و چین و رووسیا داوادەكەن   ئەنجوومەنی ئاسایش بڕیارێكی نوێ بۆ سزادانی ئێران دەربكات، رۆژئاواش لەوە دەترسێت كە رووسیا یاخود چین بڕیارەكە ڤیتۆ بكەن.





لێبوردنی نێودەوڵەتی: ئێران پێشڕەوی جێبەجێكردنی سزای ئێعدامە
رێكخراوی مافپارێزی لێبوردنی نێودەوڵەتی لە نوێترین راپۆرتی خۆی كە رۆژی چوارشەممە 12ی مانگی خاكەلێوە بڵاوی كردەوە، تیشكی خستوەتە سەر سزای مەرگ و دەركردن و جێبەجێ كردنی حوكمی ئێعدام لە ساڵی 2014ی زایینی لە جیهاندا. بە پێی ئەم راپۆرتە، حاڵەتەكانی تۆماركراوی حوكمی ئێعدام لە جیهاندا لە ساڵی رابردوو زاینی بە بەراوەرد لەگەڵ ساڵێك پێشتر بە ئاستی 541 حاڵەت زیادی كردووە و گەیشتووەتە 2 هەزار و 466 حاڵەت.بە وتەی كارناسانی ئەو رێكخراوەیە ژمارەیەك لە وڵاتان بە بیانووكردنی شەڕ دژی تیرۆریسم دەستیان داوەتە جێبەجێ كردنی حوكمی ئێعدام. ئەمەش لە ساڵی 2014ی زایینی بەتایبەتی لە میسر و نیجریە بە شێوەیەكی راشكاوانە بەرچاو دەكەوێ.“ئێلیوێر هێندریش” وتەبێژی سەرۆكی ئەو رێكخراوەیە لە ئاڵمان لەوبارەوە وتوویەتی رێك لە ساڵێكدا كە ئێمە بینەری ئێعدامی دڵتەزێن لە ئاستی جیهان لە لایەن گرووپە چەكدارەكانی وەكوو دەوڵەتی ئیسلامین، ئەمە جێگای شەرمەزاریە كە هەندێ لە وڵاتان بە دەركردنی حوكمی ئێعدام ئەو بابەتە بە شەڕی دژە تیرۆریسم پاساو دەكەن.بەرپرسیانی رێكخراوی لێبوردنی نێودەوڵەتی لەسەرە ئەو بڕوایەدان، كە دەركردن و بەڕێوەبردنی حوكمی ئێعدام بۆ ترساندن و سازدانی كەشی ترس و دڵەڕاوكێ كاریگەر نیە و هیچ نیشانەیەك بۆ پشتڕاست كردنەوەی ئەو جۆرە بۆچوونە بوونی نیە.جێگای سەرنج ئەوەیە، كە ئەگەر ژمارەی دەركردنی حوكمی ئێعدامەكان زۆرتر بێت، بەڵام جێبەجێ كردنی حوكمی ئێعدامەكان كەم بووەتەوە و بە دابەزینێكی 22%ی لە 778 حاڵەتەوە ل ساڵی 2013 گەیشتووەتە 607 حاڵەت لە ساڵی رابردوو.لە بەشێكی دیكەی راپۆرتەكەدا كە تەرخان كراوە بە سزای ئێعدام لە ئێران. رێژەی ئێعدامە فەرمیەكان لە ساڵی 2014ی زایینی 289 حاڵەت بووە. بە وتەی كارناسانی ئەو رێكخراوەیە 454 حاڵەتی دیكەی حوكمی ئێعدام دەبێ بەو ئامارە زیاد بكرێ، كە لە لایەن كاربەدەستانەوە بە شێوەی فەرمی پشتڕاست نەكراوەتەوە.بە پێی راپۆرتی رێكخراوی لێبوردنی نێودەوڵەتی هەروەها هاتووە، كە لە ساڵی 2014ی زایینی لە عەرەبستانی سعودی 90 حاڵەت، لە عێراق 61 حاڵەت و لە ولایەتە یەكگرتووەكانی ئەمریكا 35 حاڵەت حوكمی ئێعدامی جێبەجێ كراوە.یەكێك لە خاڵە پۆزۆتیڤەكانی لە راپۆرتەكەی رێكخراوی لێبوردنی نێودەوڵەتی ئەوەی، كە رێژەی ئەو وڵاتانەی لە ئاستی جیهاندا حوكمی ئێعدام بەڕێوەدەبەن، لە ماوەی 20 ساڵی رابردوو لە 41 وڵاتەوە دابەزیوە بۆ 21 وڵات. یەكێكی دیكە لە دوایین نموونەكان لەوبارەوە وڵاتی ماداگاسكارە، كە ساڵی 2014ی زایینی حوكمی ئێعدام تێیدا هەڵوەشایەوە.







بان كی‌ مۆن هۆشداری‌ دەداتە ئێران 
سكرتێری‌ گشتیی‌ نەتەوەیەكگرتوەكان هۆشداری‌ دەداتە ئێران و وڵاتانی‌ ناوچەكە لە هەڵگیرسانی‌ شەڕی‌ مەزهەبی‌ لە عێراق. وتەبێژی‌ بان كی‌ مۆن، سكرتێری‌ گشتیی‌ نەتەوەیەكگرتوەكان لە رونكردنەوەیەكدا ئاماژەی‌ بەوە كردوە، لە میانی‌ كۆبونەوەیەكی‌ بان كی‌ مۆن و جێگری‌ وەزیری‌ دەرەوەی‌ ئێران لە كوەیت، باس لە بارودۆخی‌ شەڕی‌ ناوچەكە و ئاڵۆزییەكان كراوە. وتیشی: لە كۆبونەوەكەدا، بان كی‌ مۆن هۆشداری‌ داوەتە بەرپرسانی‌ ئێران لە رێگریكردن لە هەڵگیرساندنی‌ شەڕی‌ مەزهەبی‌ و تائیفی‌ لە عێراق، بەتایبەت كە لەئێستادا ملیشیاكانی‌ شیعە لە ناوچەكانی‌ سونە شەڕی‌ داعش دەكەن و وتویەتی، ئێران و وڵاتانی‌ ناوچەكە بەرپرسیارن لە دروستبونی‌ شەڕێكی‌ لەو شێوەیە. لای‌ خۆشیەوە، بان كی‌ مۆن ئاماژەی‌ بەوە كردوە، بەهۆی‌ ئاڵۆزییەكانی‌ یەمەن لەئێستادا گەیاندنی‌ هاوكارییە مرۆییەكان بەو وڵاتە قورس بوە.





مارك زۆكربێرگ بۆ 10%ـی جیهان ئینتەرنێت دابین دەكات
مارك زۆكربێرگ دامەزرێنەری تۆری كۆمەڵایەتی فەیسبووك یەكەمین سەركەوتنی دابینكردنی ئینتەرنێت لە رێگەی فرۆكەی بێ فرۆكەوانەوە راگەیاند، كە لە وڵاتی بەریتانیا تاقیكردنەوەكە ئەنجامدراو تایبەتە بۆ ئەو وڵاتانەی دوورو تازە پێگەیشتوون. زۆكەربێرگ لە هەژماری تایبەتی خۆی لە پێگەی فەیسبووك رایدەگەیەنێت كە دیزاینی كۆتایی فركەكە تەواو كراوە و هیچ كێشەیەكی نییە تەنها زیادكردنی چەند تایبەتمەندیەكی وەك دابینكردنی جێگەیەك بۆ گواستنەوەی فرۆكەوانێك و چەند شتێكی دیكە، ئەو فرۆكەیە بە ووزەی خۆر كاردەكات و كێشەكەی لە كێشی ئۆتۆمبێڵێكی ئاسایی كەمترە، بە چەند هەستەوەرێكی تایبەت بە وەرگرتنی وزەی خۆر دەورە دراوە، دەتوانێت بۆ ماوەی یەك مانگ بەردەوام بفرێت دوای ئەوەی پڕ شەحن دەبێتەوە، و تا بەرزی 60 هەزار پێ بڵند دەبێت. زیاتر دەڵێت، ئەو فرۆكە بێ فركەوانانە دەتوانن بۆ زیاتر لە 10% ـی دانیشتوانی سەر زەوی ئینتەرنێت بێ كێشە دابین بكات، ئەوەش بۆ ئەو ناوچانەی كە دوورن و كێشەی ئینتەرنێتیان هەیە یان ئینتەرنێتیان خێرا نییە، فرۆكەكە ناونراوە Aquila بە زمانی ئیتاڵیە و واتاكەی هەڵۆیە.







حوسییەكان پایتەختە نوێیەیەكی یەمەنیشیان گرت
حوسییەكان كۆنترۆڵكردنی كۆشكی سەرۆكایەتی یەمەن لە شاری عەدەن رادەگەیەنن، ئەوەش دوای ئەوەی لە ڕێی ئاوەوە خۆیان گەیاندوەتە ئەو شارە.كەناڵی (مەسیرە)ی سەر بە حوسییەكان لە هەواڵێكی بە پەلەدا بڵاویكردەوە: هێزێكی سەر بە گروپەكەیان كۆنترۆڵی تەواوەتی كۆشكی سەرۆكایەتی (مەعاشیق)یان كردوە لە شاری عەدەن و چەكدارەكانی سەر بە هادی مەنسوری سەرۆكی ئەو وڵاتەیان لە ناوچەكە دەرپەڕاندوە. هاوكات سەرچاوەیەكی هەواڵگری سەربازی سعودیە ئاشكرایكرد: لەڕێی چەند بەلەمێكی بچوكەوە چەكدارانی حوسی و لایەنگرانی عەلی عەبدوڵا ساڵحی سەرۆكی پێشوی یەمەن، خۆیان گەیاندوەتە شاری عەدەن و دەستیان بەسەر بەشێكی زۆریدا گرتوە. ئەوە لەكاتێكدایە كە دو هەفتە پێش ئێستا و دوای دەستبەسەراگرتنی شاری سەنعای پایتەخت، هادی عەبد رەبە مەنسوری سەرۆكی یەمەن شاری عەدەنی وەك پایتەختی وڵات دیاریكرد و دوای بەشداریكردنیشی لە كۆنگرەیەكی وڵاتانی هاوپەیمانی دژ بە حوسیەكان كە لە میسر بەڕێوەچوە، هادی نەگەڕایەوە وڵاتەكەی و رویكردە عەرەبستانی سعودیە. ماوەی هەفتەیەك ژمارەیەك وڵاتی هاوپەیمانی كەنداو بە سەرۆكایەتی سعودیە پرۆسەیەكی سەربازیان بەناوی (گەردەلولی پێداگری) دژی چەكدارانی حوسی دەستپێكردوە و چەندین هێرشی ئاسمانیان بۆ سەر ئەو گروپە ئەنجامداوە، بەڵام نەیانتوانیوە بەر بە پێشڕەوییەكانیان بگرن و لە دواین هێرشیاندا گەیشتنە شاری عەدەنی پایتەختی نوێی یەمەن. لە لایێكی دیكەە وێڕای دابەزینی نرخی نەوت لەسەر ئاستی جیهان، بەڵام راپۆرتە رۆژنامەوانییەكان باس لەوە دەكەن، سعودیە توانای لە ئەستۆگرتنی تێچوی (گەردەلو‌لی پێداگری) هەیە دژ بە حوسییەكان. ئاژانسەكانی هەواڵ بڵاویانكردەوە، سعودیە مانگانە بڕی (175) ملیۆن دۆلار لەگورزە ئاسمانییەكانی دژ بە حوسییەكان خەرج دەكات، ئەوەش لەرێگەی (100) فڕۆكەی جەنگییەوە.





شوتی بۆ ئەم نەخۆشییانە باشە

1-    تەنگە نەفەسی: دژە ئۆكسێنەكانی ناو شوتی دەورێكی باڵایان لە كەم كردنەوەی‌ توندی تەنگە نەفەسی وە هەروەها كەم كردنەوەی‌ مەترسیەكانی شێرپەنجەی كۆلۆن, نەخۆشیەكانی دڵ و رۆماتیزمی جومگە.
2-    شێرپەنجەی پرۆستات: شوتی سەرچاەیەكی گرنگی دژە ئۆكسێنەكانە كە لە سروشتدا وەكو دژە ئۆكسینی كاروتینی بۆنموونە لایكۆپین. لایكۆپین ئەو رەنگە سورە سەرنج راكێشەیە كە لە هەندی میوە دا هەیە كە دەبێتە هۆی كەم كردنەوەی‌ مەترسیەكانی شێر پەنجەی پرۆستات. جێگای ئاماژە پێكرنە كە شوتی لە هەموو جۆرەكانی تری‌ میوە لایكۆپینی زیاتر تێدایە.
3-    كێشەی گورچیلە ئاوی شوتی هۆیەكی گرنگە بۆ خاوێن كردنەوی‌ گورچیلەكان و زەرداو.
4-    چاك بوونەوەی‌ خانەكان: سەرچاوەیەكی زۆرباشی ڤیتامین C  و A بە تایبەتی بە هۆی بوونی بیتا كارۆتین. كە دەبێتە هۆی سە لامەتی خانەكان و زوو چاك بوونەوەی برین.
5-    نەخۆشیەكانی چاو: شوتی دەتوانێت چاو بپارێزێت لەو نەخۆشیانەی كە دەبنە هۆی لێڵ بینین 
6-     پارێزكاری‌ پێست: شوتی پێست لە زوو پیر بوون دەپارێزێت .
7-    شوتی سەرچاوەیەكی گرنگی كۆمەلەی ڤیتامین Bكە گرنگن بۆ بۆبەرهەم هێنانی ووزەو گەشەی تەندروست. پسپۆرانی بواری‌ خۆراك ئامۆژگاری‌ خەلك دەكەن بە خواردنی وەكو سەرچاوەیەكی گرنگی B6 و B1 و مەگنسیۆم. بە هۆی هەبوونی رێژەیەكی زۆرئاو  لە شوتی كە دەگاتە 92% و هەبوونی ووزە , شوتی بە میوەیەكی بە نرخ دادەندرێت بۆتەندروستیەكی باش.

8-    بەرگی لەش: بە هۆی بوونی ڤیتامینات و دژە ئۆكسین, شوتی توانای زیاد كردنی بەرگری لەشی هەیە.
9-    بۆفێنك كردنەوە:  شوتی گرنگیەكی تایبەتی هەیە. هەروەها شوتی بە تایبەتی دەوڵەمەندە بە سایترولین كە پرۆتینێكە لەش بەكاری‌ دەهێنێ بۆدروست كردنی پرۆتینی ئارجنین كە بە كاردیًت بۆ دەركردنی ئەمۆنیا لە لەش وە هەروەها گرنگن بۆ رۆیشتنی خوێن بۆ لەش و تەندروستی دڵ.
10-    هەروەها شوتی گرنگە بۆ ئەوانەی توشی دا‌و الملوك بوون بە هۆی كۆبوونەوەی‌ ترشی یوریك لە جومگەكان چونكە شوتی ترشی یوریك كەم دەكاتەوەو یارمەتی چاك بوونەوە دەدات لەم نەخۆشیە.
11- شوتی سەرچاوەیەكی گرنگی ڤیتامین B1 و پۆتاسیۆم و مگنسیۆم كە لەش لە چەندەها نەخۆشی دەپارێزن.


ڕێکه‌وت: 2015-04-02 17:22:23
به‌شی ( هەواڵەكانی كوردستان و ئێران و جیهان (13ی خاكەلێوەی 1394) )