__ مانگرتنی دووبارەی مامۆستایان بەهۆی چارەسەرنەکردنی کێشەکانیان__ دۆخی گۆلی ورمێ لەهاوینی ٩٤دا قەیراناوی‌تر دەبێت__ مانگرتنی زیندانی سیاسی كورد رۆیشتە ناو 119هەمین رۆژی خۆی__ كوژرانی 16 پاسدار و هێزی ئینتزامی لە ماوەی 17 رۆژدا__ جان بینر: رێكەوتنی ناوكەیی هەرەشەیە بۆ ئاشتی و ئارامی جیهان__ باڵوێزی عەرەبستان لە ئەمریكا: رژێمی ئاخوندی لە پاڵ حوسیەكانی یەمەنە__ پێشنووسی بریارنامەی یەمەن درا بە شۆرای ئەمنییەت__ نەواز شەریف: رژێمی ئاخوندی دەبێت پێداچوونەوە بە سیاسەتەكانی لە یەەندا بكات__ بن رۆدرز: پشتیوانی وڵاتانی عەرەبی لە بەرانبەر هەرەشەی رژێمی ئاخوندیدا دەكەین__ گه‌رده‌لولی‌ حه‌زم: ئێران ڕاهێنان به‌ چه‌كداره‌ حوسیه‌كان ده‌كات

مانگرتنی دووبارەی مامۆستایان بەهۆی چارەسەرنەکردنی کێشەکانیان
مامۆستایان و فەرهەنگییەکانی ئێران سەبارەت بە بەدووادانەچوون و پشتگوێ خرانی کێشەکانیان جارێکی دیکە دەست دەدەنەوە مانگرتن. بەپێی هەواڵی هەواڵدەریی کوردپا، مامۆستایان و فەرهەنگییەکانی سەرانسەری ئێران لەمەڕ دۆخی خراپیی گوزەران و کەش و هەوای قەیراناوی وەزارەتی پەروەردە وڵامدەر نەبوونی دەوڵەتی روحانی و مەجلیس لەهەمبەر کێشەکاندا، لەبەردەم مەجلیس و وەزارەتی پەروەردە و بارهێنان خۆپیشاندان دەکەن. ئەو کۆبوونەوەیە رۆژی پێنجشەممە رێکەوتی ٢٧ی خاکەلێوە بەڕێوە دەچێت. بەڕێوەبەرانی خۆپیشاندانەکە لەبەیاننامەیەکدا رایانگەیاندووە، ئەو کۆبوونەوانە تەنیا بەمەبەستی داخوازیی سینفی بەڕێوەدەچێت و فەرهەنگییەکان ناهێڵن کە ئەو کۆبوونەوانە بۆن و بەرامەی سیاسیی بە خۆیەوە بگرێت. هەر لەو پێوەندییەدا ژمارەیەک لەمامۆستایانی کورد لەئوستانەکانی ئازەربایجانی رۆژئاوا و کوردستان بە ناردنی نامەیەک بۆ مەجلیس خوازیاری بایەخدانی زیاتر بە " روتبەبەندیی مامۆستایان" بوون.







دۆخی گۆلی ورمێ لەهاوینی ٩٤دا قەیراناوی‌تر دەبێت
دۆخی گۆلی ورمێ لەهاوینی ئەمساڵدا، بە بەراورد لەگەڵ هاوینی ساڵی رابردوو، قەیراناویتر دەبێت. بەپێی راپۆرتی هەواڵدەریی کوردپا و بە گوتەی نوێنەری رێکخراوی زەوی‌ناسی لەئوستانی ئازەربایجانی رۆژئاوا، سەرەڕای باران بارینی بەرچاو، دۆخی ئەو گۆلە بۆ ساڵی داهاتوو خراپتر پێشبینی دەکرێت. رازییە لەک لە دووەمین دانیشتنی تایبەتیی سەبارەت بە گۆلی ورمێ، رایگەیاند: بەپێی ئەو لێکۆڵینەوانەی کە ئەنجام دراون، کۆمەڵێک فاکتۆری وەکوو رەوشی کەشوهەوای ناوچەکە، پردی نێو گۆلی ورمێ و بەکارهێنانی نادروستی ئاوی گۆلی ورمێ، کاریگەریی نەرێنییان لەسەر وشکبوونی ئاوی ئەو گۆلەدا هەبووە. ناوبراو راشیگەیاندووە: لەهەموو دنیادا بەکارهێنانی لەسەدا ٤٠ی ئاوەکانی ژێر زەوی، مەترسیدار راگەیاندراوە، لە کاتێکدا لەسەدا ٧٠ی ئاوی دەوروبەری گۆلی ورمێ بەکار هێنراوە. پێشتریش تیمێکی نێونەتەوەیی چالاک لە بیاڤی سەرچاوە ئاوییەکاندا، وتارێکی لەژێر ناوی "قەیرانیش رووی لە گۆلی ورمێ کرد"، چاپ و بڵاو کردبوویەوە.گۆلی ورمێ بە پانتایی ٥٧٠ هەزار هێکتار، وەکوو سەدان دوورگەی گەورەو و بچووک، کە لەماوەی ساڵانی رابردوودا بەهۆی چەندین بەنداوی دەورووبەری، لەگەڵ مەترسیی لەناوچوونی ئێجگاری بەرەوڕوویە و لەماوەی ساڵانی رابردوودا ئاستی ئاوی گۆلی ورمێ ١٤ میتر نیشتووە.








مانگرتنی زیندانی سیاسی كورد رۆیشتە ناو 119هەمین رۆژی خۆی
لە كاتێكدا كە مانگرتنی زیندانیسیاسی كورد رۆیشتە ناو 19هەمین رۆژی خۆی هەواڵەكان باس لە خراپی بارودۆخی جەستەیی دەكەن. بە پێی راپۆرتی هەواڵدەرییەكان، بە تێپەربوونی 19 رۆژ لە مانگرتنی زیندانی سیاسی كورد، كەریم مووسازادە لە زیندانی بەندەرعەباس،تاكوو ئێستا بەرپرسانی قەزایی لەمەر داواكارییەكانی ناوبراوو هیچ وڵامێكیان نەداوەتەوە. بە پێی ئەم راپۆرتە، كەریم مووسازادە ئەمرۆ چوارشەممە بە هۆی خراپبوونی رەوشی تەندرۆستی بۆ نەخۆشخانەی ناو زیندان گوازرایەوە. جێگەی باسە كە كەریم مووسازادە بە نیشانەی نارەزایەتی بە ئازاد نەكردنی دوای كۆتایی هاتنی ماوەی زیندانەكەی مانی لە خواردن گرتووە.








كوژرانی 16 پاسدار و هێزی ئینتزامی لە ماوەی 17 رۆژدا
لە ماوەی 17 رۆژی رابردوو 16 كەس لە هێزەكانی سوپای پاسداران و هێزی ئینتزامی لە شوێنە جیاجیاكانی ئێراندا كوژراون. بە پێی راپۆرتی هەواڵدەرییەكان، پاسدار مۆنتەزرلمێهدی جێگری هێزی ئینتزامی رایگەیاند، لە ماوەی 17 رۆژی رابردوو لە پارێزگاكانی سیستان و بەلووچستان، كرماشان و خوزستان 16 پاسدار و مەئموری ئینتزامی كوژراون. بە پێی ئەم راپۆرتە، بە وتەی ئەم بەرپرسەی رژێمی ئاخوندی 8 پاسدار لە ناوچەی نگۆری سیستان  بەلووچستان، پێنج كەس لە ناوچەی سوماری كرماشان و سێ كەسیتر لە ناوچەی حەمیدیەی خوزستان لە ماوەی 17 رۆژی رابردوودا كوژراون. جێگەی باسە كە ئەم وتانە لە هەواڵدەری هێزەكانی تیرۆریستی قۆدس، تەنسیم بڵاو كراوەتەوە و لە هێرشبەران بە ناوی ئەشرار ناوی هێناون.








جان بینر: رێكەوتنی ناوكەیی هەرەشەیە بۆ ئاشتی و ئارامی جیهان
جان بینر سەرۆكی مەجلیسی نوێنەرانی ئەمریكا لە بەیاننامەێكدا رایگەیاندووە كە، رێكەوتنی ناوكەیی لەگەڵ رژێمی ئاخوندی هەرەشەیە بۆ سەر ئاشتی و ئارامی جیهان. بە پێی راپۆرتی هەواڵدەرییەكان، لەو بەیاننامەیەدا هاتووە، رژێمی ئاخوندی بە بەردەوامی چاوەروانیێكی بەرژەوەندی خوازانەی لە ناوچەكە و جیهان هەبووە بۆ هەناردەكردنی شۆرشی خۆی. دوای ئەم هەموو دواخستنەی وڵامدانەوە بە لێكۆڵەوەرانی ئاژانسی ئێنرژی ئەتۆمی كەسێك نابێت دڵنیا بێت كە لێكۆلینەوەكان و پشتراستكردنەوەی لێكۆلەوەرانی نێونەتەوەیی بێ كێشەیە. جێگەی باسە كە جان بینر ل كۆتایی بەیاننامەكەیدا نووسیویە كە رێكەوتن لەگەڵ رژێمی ئاخوندی هەرەشەێكی راستەوخۆیە بۆ سەر ئاشتی و ئاسایشی ناوچەی رۆژهەڵاتی ناوەراست و جیهان.








باڵوێزی عەرەبستان لە ئەمریكا: رژێمی ئاخوندی لە پاڵ حوسیەكانی یەمەنە
عادل جبیر باڵوێزی عەرەبستان لە ئەمریكا رایگەیاند، هیچ جیاوازیێك لە نێوان ئەمریكا  عەرەبستان لەمەر ئەوەیكە رژێمی ئاخوندی لە حسیەكانی یەمەن پاڵپشتی دەكات بوونی نییە. بە پێی راپۆرتی هەواڵدەرییەكان، باڵوێزی عەرەبستان وتی، رژێمی ئاخوندی یارمەتی ماڵی حوسیەكان دەدات و نە تەنیا لە درووستكردنی كارخانەی چەك و چۆڵ پشتیوانییان لێ دەكات بەڵكوو چەك و چۆلیشیان بۆ دەنێرێت. بە پێی ئەم راپۆرتە، باڵوێزی عەرەبستان لە واشەنگتۆن وتی، دەست و پەیوەندەكانی رژێمی ئاخوندی لە پاڵ حوسیەكانی یەمەن بوونیان هەیە و لەگەڵیان چالاكی دەكەن. راپۆرتێكمان لە بەردەستدایە كە لە رابردوودا ئەمریكا لە كەشتیێكی هەڵگری چەك و چۆڵ بۆ حوسیەكان ئاگادار بووە و لێكۆلینەوەشی لێ كردووە.








پێشنووسی بریارنامەی یەمەن درا بە شۆرای ئەمنییەت
ئۆردۆن وەك سەرۆكی دەورەیی شۆرای ئەمنییەتی نەتەوەیكگرتووەكان پێشنووسی بریارنامەێكی لەمەر یەمەن پێشكەش بە شۆرای ئەمنییەتی نەتەوەیەكگرتووەكان كرد. بە پێی راۆرتی هەواڵدەرییەكان، لە پێشنووسی ئەو بەیاننامەیەدا هێرشی داگیركەرانەی گرووپی چەكداری حوسی مەحكوم كراوە. بە پێی ئەم راپۆرتە، پێشنووسی بریارنامە لەمەڕ یەمەن لە لایەن وڵاتانی عەرەبی شۆرای هاوكاری كەنداوی فارسەوە ئامادە كراوە. جێگەی باسە كە لەو بەیاننامەیەدا لە دەوڵەتی یاسایی یەمەن عەبدر بن منسوور هادی پشتیوانی كراوە. ئەم پێشنووسە بە پێی فەسڵی حەوتم لە مەنشووری نەتەوەیەكگرتووەكانە.








نەواز شەریف: رژێمی ئاخوندی دەبێت پێداچوونەوە بە سیاسەتەكانی لە یەەندا بكات
سەرۆك وەزیرانی پاكستان رایگەیاند كە دەبێت رژێمی ئاخوندی ئێران پێداچوونەوە بە سیاسەتەكانی خۆی لە یەمەندا بكات. بە پێی راپۆرتی هەواڵدەرییەكان، نەواز شەریف، سەرۆك وەزیرانی پاكستان، رۆژی سێشەممە 18ی خاكەلێوە لە پارلەمانی وڵاتەكەی رایگەیاند، رژێمی ئاخوندی دەبێت بیر لەوە بكاتەوە كە ئایا سیاسەتەكانی لەمەڕ وڵاتی یەمەن درووستە یان نە؟ بە پێی ئەم راپۆرتە، سەرۆك وەزیرانی پاكستان بە ئاماژە بە سەفەری سەرۆك كۆماری تركیە بۆ تاران و وتووێژەكانی لەگەڵ بەرپرسانی رژێمی ئاخوندی لە مەر یەمەن وتی، سبەینێ چوارشەممە لەگەڵ رەجەب تەیب ئەردۆغان لەو بارەیەوە قسە دەكەم. جێگەی باسە كە پارلەمانی پاكستان سەرقالی تاوتوێ كردنی داواكاری عەرەبستانە بۆ بەشداریكردنی لە هاوپەیمانی دژ بە حوسیەكانی یەمەن. پاكستان هاوپەیمانی ناوچەیی عەرەبستانە.








بن رۆدرز: پشتیوانی وڵاتانی عەرەبی لە بەرانبەر هەرەشەی رژێمی ئاخوندیدا دەكەین
بن رۆدرز جێگری راوێژكاری ئەمنییەتی كۆشكی سپی رایگەیاند، ئۆباما هەوڵ دەدات كە وڵاتانی عەرەبی لەوە دڵنیا بكاتەوە كە لە بەرانبەر هەرەشەی رژێمی ئاخوندیدا دەیانپارێزێت. بە پێی راپۆرتی هەواڵدەرییەكان، بن رۆدرز وتی، ئامانج لە چاوپێكەوتنی سەرۆكانی وڵاتانی عەرەبی لەگەڵ سەرۆك كۆماری ئەمریكا لە كەمپی دەیوید ئەوەیە كە لەگەڵیان رێگەكانی زیادكردنی ئەمنییەتی كەنداوی فارس تاوتوێ بكەن. بە پێی ئەم راپۆرتە، بن رۆدرز لەمەر رێكەوتنی ئەمریكا لەگەڵ رژێمی ئاخوندی وتی، گەمارۆكان تا ئەو كاتەی كە رژێمی ئاخوندی بە بەلێنەكانی خۆی پابەند نەبێت لانابردرێت. گەمارۆكان بە هۆی چالاكی پەیوەست بە تیرۆریزم و پێشێلكاری مافی مرۆڤ و هەوڵەكانی بۆ پێشكەوتنی مووشەكە بالستیكەكان درێژەی دەبێت.








گه‌رده‌لولی‌ حه‌زم: ئێران ڕاهێنان به‌ چه‌كداره‌ حوسیه‌كان ده‌كات
 وته‌بێژی‌ (گه‌رده‌لولی‌ حه‌زم) ئه‌وه‌ ئاشكراده‌كات، كه‌ به‌ڵگه‌یان له‌به‌رده‌ستدایه‌  رژێمی ئاخوندی و چه‌كدارانی‌ حیزبوڵا راهێنانیان به‌ چه‌كداره‌ حوسیه‌كان كردوه‌. بە پێی راپۆرتی هەواڵدەرییەكان، ئه‌حمه‌د عسیری‌، وه‌ته‌بێژی‌ (گه‌رده‌لولی‌ حه‌زم) له‌ كۆنگره‌یه‌كی‌ رۆژنامه‌وایدا كه‌ ئێواره‌ی‌ دوێنێ‌ له‌سه‌ر دوا پێشهاته‌كانی‌ وڵاتی‌ یه‌مه‌ن ئه‌نجامیدا، ئاشكرایكرد، له‌ ئێستادا فڕۆكه‌ جه‌نگیه‌كانی‌ هاوپه‌یمانان هه‌وڵده‌ده‌ن چه‌كداره‌ حوسیه‌كان له‌ پارێزگای‌ عه‌ده‌ن گه‌ماڕۆ بده‌ن. وتیشی‌ "به‌ڵگه‌مان ده‌ستكه‌وتوه‌ كه‌ رژێمی ئاخوندی ئێران و چه‌كدارانی‌ حیزبوڵای‌ لوبنانی‌ مه‌شقیان به‌ چه‌كداره‌ حوسیه‌كان كردوه‌و به‌ رێژه‌یه‌كی‌ زۆریش چه‌كیان پێداون".داواشی له‌و هۆزو لایه‌نانه‌ كرد كه‌ پشتگیری‌ عه‌لی‌ عه‌بدوڵا ساڵح سه‌رۆكی‌ پێشوی‌ یه‌مه‌ن و حوسیه‌كان ده‌كه‌ن بگه‌ڕێنه‌وه‌ و پاڵپشتی‌ سه‌رۆكی‌ شه‌رعی‌ وڵات بكه‌ن. 

ڕێکه‌وت: 2015-04-08 13:16:59
به‌شی ( هەواڵەكانی كوردستان، ئێران و جیهان 19ی خاكەلێوەی 1394 )