__ رۆژنامەنووسێکی کورد لە پاوە، پاش ١ ساڵ زیندانی لە تۆمەتەکانی بێبەری کرا__ مێرمنداڵێکی وەرزشوانی کورد میداڵی زێڕی بەدەست هێنا__ ناروونی چارەنووسی چالاكێكی كرێكاری لە سنە__ كتێبی زێوه‌ری زمان له‌ سنه‌ ده‌كه‌وێته‌ بازاڕه‌وه‌__ ئاماژەی ئەشتۆن كارتر بە مانەوەی بژاردەی نیزامی دژ بە رژێمی ئاخوندی__ ئد رۆیس: خوازیاری لە ناوبردنی بەرنامە ناوكەییەكەی رژێم بوو__ ساڵانە 500 هەزار كەس دەكەونە زیندانەكانی رژێمی ئاخوندییەوە__ عەباس عێراقچی:چاودێریكردنی مووشەكەكان جێگای وتووێژ نییە__ هەرەشەی سەركردەی هێزی زەمینی ئەرتەشی رژێم لە عەرەبستان

رۆژنامەنووسێکی کورد لە پاوە، پاش ١ ساڵ زیندانی لە تۆمەتەکانی بێبەری کرا
رۆژنامەنووسێکی کوردی خەڵکی شاری پاوە، کە چەند رۆژ پێش ئێستا لەلایەن دەزگای قەزایی رژێمی ئاخوندی ئێرانەوە لەو شارە دادگەیی کرا، بەبێ تاوان ناسرا. بەپێی راپۆرتی هەواڵدەریی کوردپا، تەیفوور حاتەمی چالاکی فەرهەنگی و رۆژنامەنووسیی کوردی خەڵکی شاری پاوە، بە تۆمەتی بڵاوبوونەوەی هەواڵی کوژرانی لاوێکی کورد بەدەستی هیزە ئینتزامییەکان، ماوەی ١ ساڵ لە زینداندا بوو کە سەرئەنجام کۆتاییەکانی مانگی رەشەمەی سالی رابردوو بە دانانی بارمتەیەکی ٢٥٠ ملوێن تمەنی مەرەخەسیی پێدراو چەند رۆژ پێش ئێستا بەبێ تاوان ناسرا.ئێحسان پەیام تەمەن ٢٢ ساڵ و خەڵکی نەوسوود، رێکەوتی ١٧ی خەزەڵوەری ساڵی ٩٢ ، لە کاتێکدا لە خاڵی سنووریی "شۆشمێ" بەرەو ماڵەوە دەگەڕایەوە، له رێگەی پاوە بۆ نه‌وسود، بەدەستی هێزە چەکدارەکانی پاسگای مەلاندەر گیانی لێ ئەستێندرا. ئەو چالاکە فەرهەنگییە، بڕوانامەی لیسانسی لە زمان و ئەدەبیاتی فارسیدا هەیە و دەیان راپۆرت و هەواڵی وێنەیی لە ماڵپەڕەکانی شاری پاوەدا بڵاو کردۆتەوە.








مێرمنداڵێکی وەرزشوانی کورد میداڵی زێڕی بەدەست هێنا
کچە وەرزشوانێکی بواری گۆڕەپان و هەڵاتنی مەیدانی، توانی میداڵی زێڕی رەکابەرییەکانی مێرمنداڵانی ئێران بەدەست بێنێت. بەپێی هەواڵی هەواڵدەریی کوردپا، (بۆشرا رامووز) کچە وەرزشوانی گۆڕەپان و هەڵاتنی خەڵکی شاری مەریوان، توانی لە هەڵاتنی سێ هەزار میتردا ئەو میداڵە بەدست بێنێت. لەو خولە لەرەکابەرییانەدا کە لەسەر ئاستی مێرمنداڵانی کچ بەڕێوەچوو بەشداران لە ١٠٠، ٢٠٠، ٤٠٠، ٨٠٠، ١٥٠٠، ٣٠٠٠، بازدانی سی هەنگاو، بازدان بەسەر بەرزایدا، هاویشتنی قورسایی، هاویشتنی دیسک، هاویشتنی نەیزە و هاویشتنی چەکوش لەگەڵ یەکتر لەرەکابەریدا بوون. ئەو رەکابەریانە رێکەوتی ٢١ی خاکەلێوە بە بەشداریی وەرزشوانانی ٢٨ ئوستانی ئێران بەڕێوە چوو. پێشتریش بۆشرا رامووز لەرکابەرییەکانی پاڵەوانیەتی کچان لە زەنجان میداڵی زێوی بەدەست هێنابوو.








ناروونی چارەنووسی چالاكێكی كرێكاری لە سنە
لە چارەنووسی كوورش بەخشەندە، چالاكی كرێكاری كە زیاتر لە یەك مانگە دەستبەسەر كراوە هیچ زانیاریێك لە بەردەستدا نییە. بە پێی راپۆرتی هەواڵدەرییەكان، كوورش بەخشەندە ئەندامی كومیتەی هاوئاهەنگی بۆ یارمەتی بە دامەزراندنی ناوەندە كرێكارییەكان، لە رۆژی شەممە 16ی رەشەمەی 1393، لە لایەن هێزە لیباس شەخسیەكانی ئیتلاعاتەوە لە شاری سنە دەستبەسەر كرا و تاكوو ئێستا هیچ زانیاریێك لەمەر بارودۆخی ناوبراوو بڵاو نەبووەتەوە. جێگەی باسە كە بنەماڵەی ناوبراوو تاكوو ئێستا چەندین جار سەردانی ئیتلاعاتی سنەیان كردووە بە مەبەستی وەرگرتنی زانیاری لەمەر چارەنووسی رۆڵەكەیان بەڵام تاكوو ئێستا بەرپرسانی ئیتلاعات هیچ زانیاریێكیان لەمەر شوێنی دەستبەسەری و هۆكاری گیرانی كوورش رانەگەیاندووە.








كتێبی زێوه‌ری زمان له‌ سنه‌ ده‌كه‌وێته‌ بازاڕه‌وه‌
یه‌كه‌مین كتێبی ناوه‌ندی لێكۆڵینه‌وه‌ی كوردستان ‌ناسی زانكۆی ئازادی سنه‌ ده‌كه‌وێته‌ بازاڕه‌وه‌. بە پێی راپۆرتی هەواڵدەرییەكان، به‌ هه‌وڵ و كۆششی ناوه‌ندی لێكۆڵینه‌وه‌ی كوردستان ‌ناسی زانكۆی ئازادی سنه‌ كتێبی "زیوه‌ری زمان" كه‌ ژماره‌یه‌كی زۆر ده‌سته‌واژه‌ی كنایی زمانی كوردی له‌خۆ گرتووه‌ بڵاوده‌بێته‌وه‌. به‌رپرسی ئه‌م ناوه‌نده‌ رایده‌گه‌یه‌نێت: "ئه‌م كتێبه‌ یه‌كه‌مین به‌رهه‌می ناوه‌نده‌كه‌مانه‌ كه‌ له‌لایه‌ن ئیبراهیم ئه‌حمه‌دییه‌وه‌ ئاماده‌كراوه‌و رۆژی چوارشه‌ممه‌ 26ی خاكەلێوە، له‌ رێوره‌سمێكی تایبه‌ت له‌ شاری سنه‌ ده‌خرێته‌ بازاڕه‌وه‌. به‌ وته‌ی دكتۆر ئۆمید وه‌رزه‌نده‌ ئه‌م كتێبه‌ ژماره‌یه‌كی زۆر ده‌سته‌واژه‌ی كنایی زمانی كوردی له‌خۆ گرتووه‌و نوسه‌ر هه‌وڵێكی زۆری داوه‌ بۆ ئاماده‌كردنی.راشیگه‌یاند: ناوه‌نده‌كه‌مان به‌رنامه‌یه‌كی تۆكمه‌ی هه‌یه‌ بۆ پشتیوانیكردن له‌ زمان و ئه‌ده‌بی كوردی و به‌شێكی گرنگی ناوه‌نده‌كه‌ش له‌مبواره‌دا ئیش ده‌كات و هه‌وڵ ده‌ده‌ین كتێب گه‌لێكی پڕبایه‌خ له‌م بواره‌دا بڵاوبكه‌ینه‌وه‌. هه‌روه‌ها به‌ وته‌ی وه‌رزه‌نده‌، ئه‌م ناوه‌نده‌ دوو كتێبی دیكه‌شی ئاماده‌ی چاپ كردووه‌، هه‌روه‌ها له‌مساڵیشدا دوو كۆنگره‌ی گه‌وره‌ له‌سه‌ر سینه‌مای كوردی و هه‌ورامان ‌شوناسی به‌ڕێوه‌ده‌بات.








ئاماژەی ئەشتۆن كارتر بە مانەوەی بژاردەی نیزامی دژ بە رژێمی ئاخوندی
ئەشتۆن كارتر وەزیری بەرگری ئەمریكا رایگەیاند كە پێویستە بژاردەی نیزامی دژ بە رژێمی ئاخوندی هەم لە كاتی وتووێژەكان و هەمیش لە كاتی ملدانی رژێم بە پشكنینی دامەزراوە نیزامییەكانی بمێنێتەوە. بە پێی راپۆرتی هەواڵدەرییەكان، وەزیری بەرگری ئەمریكا وتی، ئێمە توانایی بە دوادا بردن و لە ناوبردنی بەرنامە ناوكەییەكەی رژێمی ئاخوندیمان هەیە و باوەریشم وایە كە رژێم خۆی ئەمە دەزانێت. كارتر وتی وەك ئەوەیكە سەرۆك كۆمار ئاماژەی پێ كرد، پێویستە بۆ خۆپاراستن لە بەرانبەر چەكی كۆمەڵكوژ بژاردەی نیزامی بوونی هەبێت.








ئد رۆیس: خوازیاری لە ناوبردنی بەرنامە ناوكەییەكەی رژێم بوو
ئد رۆیس سەرۆكی كومیتەی دەرەوەی كۆنگرەی ئەمریكا لە راپۆرتێكدا چوارچێوەی رێكەوتنی لۆزانی بە باش نەزانی و خوازیاری لە ناوبردنی بەرنامە ناوكەییەكەی رژێمی ئاخوندی بوو. بە پێی راپۆرتی هەواڵدەرییەكان، ئد رۆیس نووسیویە، رژێمی ئاخوندی ئێران گەورەترین پشتیوانی تیرۆریسمە لە جیهان و رەخنەی لەو ئیمتیازانە گرتووە كە دەوڵەتی ئۆباما بە رژێمی ئاخوندی داوە. بە پێی ئەم راپۆرتە، رۆیس ئاماژەی بەوە كردووە كە كۆنگرە ستراتژی باشتری هەیە، ئلیوت ئنگل نوێنەری دیموكرات لە كومیتەی دەرەكی كۆنگرە و خۆشم لایەحەێكمان بۆ سەپاندنی گەمارۆی تونتر دژ بە رژێمی ئاخوندی ئامادە كردووە و باشترین شێوە بۆ زانینی كرداری رژێم گەرانەوە بۆ كردارەكانی رژێمە لە رابردوو كە پرە لە فێلبازی و كەلەك.








ساڵانە 500 هەزار كەس دەكەونە زیندانەكانی رژێمی ئاخوندییەوە
سەرۆكی سازمانی زیندانەكانی رژێمی ئاخوندی رایگەیاند، ساڵانە 500 هەزار كەس دەكەونە زیندانەوە. بە پێی راپۆرتی هەواڵدەرییەكان، ئەزغەر جیهانگیری سەرۆكی سازمانی زیندانەكانی رژێمی ئاخوندی، وتی، ئێمە ئەمرۆ بە هەڵاوسانی سزای یاسایی بەرەوروو بووینەتەوە بە شێوەێكە زیاتر لە 1000 برگەی سزامان لە یاسادا هەیە كە نیشاندەری ئەوەیە كە هەر كەسێك كە مەیلمان هەبوو بە هۆكاری جۆراوجۆر بیخەینە زیندانەوە. جێگەی باسە كە بەرپرسانی رژێمی ئاخوندی پێشتر دانیان بەوەدا نابوو كە ساڵانە 600 هەزار كەس دەرۆنە ناو زیندانەكانی رژێمی ئاخوندییەوە.








عەباس عێراقچی:چاودێریكردنی مووشەكەكان جێگای وتووێژ نییە
عەباس عێراقچی جێگری وەزارەتی دەرەوەی رژێمی ئاخوندی رایگەیاند، بابەتی چاودێری مووشەكەكان جێگای وتووێژ نین. بە پێی راپۆرتی هەواڵدەریەكان، ئەندامی باڵای  تیمی وتووێژكەری ناوكەیی رژێمی ئاخوندی رۆژی رابردوو 22ی خاكەلێوە وتی، بە دڵنیاییەوە هیچ جۆرە چاودێریێكی لە بابەتی مووشەكەكان چ بالستیك و یان جگە لەو قبووڵ ناكەین و لە سەر ئەو بابەتە وتووێژ ناكەین. ناوبراو دووپاتی كردەوە كە، سامانەی بەرگری ئێمە بە هیچ شێوەێك لە ژێر كۆنترۆڵ یان 1اودێریدا نابێت. جێگەی باسە كە ناوبراوو لەمەر گەمارۆ نوێیەكانی یەكیەتی ئۆرووپا دژ بە چەندین شیركەتی ئێرانی وتی، ئەم گەمارۆیانە بە پێچەانەی نیازپاكییە بۆ درێژەدان بە وتووێژەكان، كردارێكی غەڵەتە لە كاتێكی غەڵەتدا.








هەرەشەی سەركردەی هێزی زەمینی ئەرتەشی رژێم لە عەرەبستان
ئەحمەد رەزا پووردەستان، سەركردەی هێزی زەمینی ئەرتەشی رژێمی ئاخوندی بە هۆشداردان بە عەرەبستان لەمەر هێرشی بۆ سەر حوسیەكانی یەمەن پێشبینی كرد كە عەرەبستان لەو شەرەدا شكست دەخوات. بە پێی راپۆرتی هەواڵدەرییەكان، سەرتیپ پووردەستان رۆژی یەكشەممە 23ی خاكەلێوە وتی، هێشتا فیشەكێك بەرەو رووی ئەرتەشی عەرەبستان نەتەقێندراوە بەڵام ئێمە ئاسەواری شكست لە ئەرتەشی كرێی عەرەبستاندا دەبینین. وای بەو رۆژەی كە چەند فیشەك بەرو عەرەبستان بتەقێندرێت. پووردەستان هەروەها وتی، بۆكۆ حەرام و داعش بە نوێنەرایەتی ئەمریكا جینایەت دەكەن ئێمەش خۆمان بۆ فەزای شەری نوێنەرایەتی ئامادە دەكەین، هەرەشەكان چاودێری دەكەین و ستراتژی شەری پێچەڵاوپێچ تەمرین دەكەین.

ڕێکه‌وت: 2015-04-12 12:15:07
به‌شی ( هەواڵەكانی كوردستان، ئێران و جیهان 23ی خاكەلێوەی 1394 )