__ ١٧ ژنی کورد بە بێ سەرمایەی دەوڵەتی بژیوی ژیانیان دابین دەکەن__ وەرزشوانێکی کورد لە فینلاند پلەی یەکەمی لەش جوانی بە دەست هێنا__ سنووری نێوده‌وڵه‌تی قه‌ڵادزێ له‌ نێوان ئێران و هه‌رێم ده‌کرێته‌وه‌ __ داعش تاکتیکی شه‌ڕکردنی له‌ کوردستانی سووریا گۆڕیوه‌ __ لە سێدارەدانی چوار زیندانی لە ورمێ و نارەزایەتی بنەماڵەكانیان__  حوسیەكان بە پشتیوانی رژێمی ئاخوندی یەمەنیان وێران كردووە__ به‌م رێگایه‌ خۆتان له‌ بۆنی سیر رزگار بكه‌ن__ خۆلی نوێی وتووێژە ناوكەییەكان ئەمرۆ لە وییەن دەست پێدەكات

١٧ ژنی کورد بە بێ سەرمایەی دەوڵەتی بژیوی ژیانیان دابین دەکەن
خاوەنکارێکی ئابدانانی هەلی کار کردنی بۆ ١٦ ژنی کورد لەو شارەدا رەخساندووە. بەپێی هەواڵی هەواڵدەریی کوردپا، لە یەکێک لەشارەکانی هەژارنشینی ئوستانی ئیلام، ژنێک بەسەرمایەی خۆی توانیویەتی هەلی کار بۆ ١٦ ژنی دیکە لە کارگەیەکی فەرش چنیندا برەخسێنێ. خانمی منیژە محەممەدی بە سەرچاوە ناوچەییەکانی وتووە، بە بێ یارمەتی بەرپرسان توانیویەتی ١٦ داربەستی فەرش چنین بکڕێ. ئەو هاووڵاتییە باسی لەوەش کردووە، ئەگەر ناوەندە پێوەندیدارەکان لەو بوارەدا یارمەتیدەر بن، دەکرێ ٥٠ کەسی دیکەش لەو کارگەیەدا کار بکەن. ئەو هەوڵە لەحاڵێکدایە کە نوێنەری شاری ئیلام لەمەجلیسی شۆرای رژێم باسی لە پەیوەست بوونی ٧ هەزار بێکار بە رێژەی بێکارانی ئوستان کردبوو.








وەرزشوانێکی کورد لە فینلاند پلەی یەکەمی لەش جوانی بە دەست هێنا
کوردێکی خەڵکی شاری سەرپێڵ زەهاو لە پارێزگای کرماشان لە رەکابەریەکانی لەش جوانی کە لەوڵاتی فینلاند بەڕێوە چوو پلەی یەکەمی بۆ خۆی مسۆگەر کردووە. بەپێی هەواڵی هەواڵدەری کوردپا، شێرکۆ ئەلیاسی وەرزشوانی کورد توانیویەتی لەبواری وەرزشی لەش جوانیدا( فیگۆڕ) لەسەر ئاستی وڵاتی فینلاند بەسەر بەرامبەرەکانیدا سەربکەوێ. ئەم هاووڵاتییە لەدوو قۆناغی جیاجیادا ئەو سەرکەوتنەی بەدەست هێناوە. ئەو رەکابەرییانە رۆژی هەینی ٢٨ی خاکەلێوە لە شاری هێلنسکی پێتەختی وڵاتی فیلاند بەڕێوە چوو.ئەلیاسی پاش ئەو سەرکەوتنەی بەشداریی لە پاڵەوانییەتییەکانی لەش جوانی جیهانی کە رێکەوتی ٢٢ هەتا ٢٨ی بانەمەڕ لە ئیسپانیا بەڕێوە دەچێت، دەکات.








سنووری نێوده‌وڵه‌تی قه‌ڵادزێ له‌ نێوان ئێران و هه‌رێم ده‌کرێته‌وه‌ 
وه‌زاره‌تی ناوخۆی عێراق ڕه‌زامه‌ندی له‌سه‌ر گۆڕاندنی ڕێڕه‌وی "کێلێ"ی قه‌ڵادزێ له‌ هه‌رێمی کوردستان، به‌ سنوورێکی فه‌رمی نێوده‌وڵه‌تی ده‌ربڕی. به‌پێی راپۆرتی هەواڵدەرییەكان، وه‌زاره‌تی ناوخۆی عێراق له‌ به‌یاننامه‌یه‌کدا نووسی: محه‌مه‌د سالم غه‌بان، وه‌زیری ناوخۆی ئه‌م وڵاته‌ له‌ دیدار له‌گه‌ڵ وه‌فدێک له‌ ئه‌نجومه‌نی نوێنه‌رانی عێراق و په‌رله‌مانی هه‌رێمی کوردستان، ڕه‌زامه‌ندی ده‌ربڕیوه‌ له‌سه‌ر گۆڕاندنی ڕێڕه‌وی "قه‌ڵادزێ" له‌ هه‌رێمی کوردستان به‌ ڕێڕه‌وێکی فه‌رمی. له‌و به‌یاننامه‌یه‌دا هاتووه‌: ئه‌م وه‌فده‌ له‌ دیدار له‌گه‌ڵ وه‌زیری ناوخۆی عێراق ڕاپۆرتێکیان له‌سه‌ر بارودۆخ و مێژووی خه‌باتی خه‌ڵکی شاری "قه‌ڵادزێ" خستۆته‌ ڕوو و داوایان له‌ ده‌وڵه‌تی فیدڕاڵ و وه‌زاره‌تی ناوخۆی عێراق کردبوو که‌ بۆ پێشکه‌وتنی ڕه‌وتی ئابووری له‌ ناوچه‌که‌ و به‌ره‌نگاربوونه‌وه‌ له‌گه‌ڵ قاچاخی کاڵا و گواستنه‌وه‌ی یاسایی کاڵا بۆ هه‌رێمی کوردستان، ڕێڕه‌وی "قه‌ڵادزێ" به‌ ڕێڕه‌وێکی فه‌رمی بگۆردرێت. به‌پێی ئه‌م به‌یاننامه‌یه‌، محه‌مه‌د سالم غه‌بان له‌م دیداره‌دا ڕایگه‌یاندووه‌: هیچ له‌مپه‌ڕێک له‌ به‌رده‌م ئه‌م گۆڕاندنه‌دا نییه‌، به‌ڵام ده‌بێ داخوازییه‌کی فه‌رمی و به‌پێی ڕێسا و یاساکان له‌ ڕێگای وه‌زاره‌تی ناوخۆ ئاراسته‌ی ده‌وڵه‌تی ناوه‌ندی بکرێت بۆ ئه‌وه‌ی کاری‌ پێویست له‌مباره‌وه‌ بکرێت.









داعش تاکتیکی شه‌ڕکردنی له‌ کوردستانی سووریا گۆڕیوه‌ 
به‌ وته‌ی به‌رپرسانی کوردی سووریا چه‌کدارانی گرووپی تیرۆریستی داعش پاش شکسته‌ دوا له‌ دوای یه‌که‌کانی خۆیان له‌ به‌رانبه‌ر کورده‌کانی سووریا، تێده‌کۆشن له‌ ناوچه‌ پڕحه‌شیمه‌ته کوردنشینه‌کان کرده‌وه‌ی تیرۆریستی ئه‌نجام بده‌ن. به‌پێی راپۆرتی هەواڵدەرییەكان، به‌رپرسانی کوردی سووریا ده‌ڵێن: چه‌کدارانی داعش پاش له ‌ده‌سته‌وه‌بوونی شاری کۆبانێ و دوو شارۆچکه‌ی دیکه‌ و سه‌دان گوند، وره‌ی خۆیان له‌ ده‌ست داوه‌ و له‌ ئێستادا فوکووسیان کردووه‌ته‌ سه‌ر ئه‌نجامدانی کرده‌وه‌ی خۆکوژی له‌ ناوچه‌ پڕحه‌شیمه‌ته‌ کوردنشینه‌کان. ڕێدوور خه‌لیل، وته‌بێژی هێزه‌ سه‌ربازییه‌کانی کوردی سووریا به‌ ڕۆژنامه‌ی "تێلێگراف"ی ڕایگه‌یاندووه‌: کورده‌کان 2800 کیلۆمه‌تری چوار گۆشیان له‌ چه‌کدارانی داعش پاک کردووه‌ته‌وه‌. ئه‌وان هه‌روه‌ها کۆنتڕۆڵی 398 گوند و دوو شاری گرینگیان له‌ مانگی ڕێبه‌ندانی ساڵی ڕابردوو به‌ده‌سته‌وه‌ گرتووه‌. ئه‌م مه‌سه‌له‌ گورزێکی کوشنده‌ی له‌ چه‌کدارانی داعش داوه‌. وتیشی: داعش بۆ به‌رزکردنه‌وه‌ی وره‌ی ئه‌ندامانی خۆی تاکتیکه‌کانی له‌ شه‌ڕدا گۆڕیوه‌ و له‌ ئێستادا هێرش ده‌کاته‌ سه‌ر ناوچه‌ پڕحه‌شیمه‌ته‌کان. 








لە سێدارەدانی چوار زیندانی لە ورمێ و نارەزایەتی بنەماڵەكانیان
رژێمی دژە مرۆڤی ئاخوندی سەر لە بەیانی رۆژی دووشەممە 31ی خاكەلێوە چوار زیندانی لە زیندانی ورمێ لە سێدارە داوە. بە پێی راپۆرتی هەواڵدەرییەكان،بنەماڵەی ئەو چوار زیندانییە دوانیوەرۆی رۆژی یەكشەممە 30ی خاكەلێوە دوای ئەوەیكە ئاگادار كران كە بریارە رۆڵەكانیان لە سێدارە بدرێت لە بەرانبەر زیندانی ورمێ كۆبوونەوەێكی نارەزایەتییان وەرێخست. بە پێی ئەم راپۆرتە هێزە ئەمنییەتییەكانی رژێمی ئاخوندی هەوڵیان دا كە لە رێگا لە كۆبوونەوەی ئەو بنەماڵانە بگرن كە بوو بە هۆی تێكهەڵچوونی نێوان بنەماڵەی زیندانیان و هێزە بەكرێگیراوەكانی رژێم و لە ئاكامدا شوشەی دەرگای  زیندان لە لایەن نارازیانەوە شكێندرا.








 حوسیەكان بە پشتیوانی رژێمی ئاخوندی یەمەنیان وێران كردووە
عبد رەبە مەنسوور هادی سەرۆك كۆماری یەمەن رایگەیاند، حوسیەكان بە پاڵپشتی رژێمی ئاخوندی یەمەنیان بەرەو وێرانی پەلكێش كردووە. بە پێی راپۆرتی هەواڵدەرییەكان، سەرۆك كۆماری یەمەن لە پەیامێكی تەلەفزیۆنی بۆ خەڵكی یەمەن رایگەیاندووە كە، لە ئاكامی دوژمنایەتی حوسیەكان كە پاڵپشتی رژێمی ئاخوندی ئێرانیان لە پشتە، بارودۆخی یەمەن بەرەورووی مەترسیێكی گەورە بووەتەوە. ناوبراوو وتی، باوەر ناكەم كە ئەم چەكدارانە تا ئەو ئەندازەیە بیانەوێت یەمەن لە وێرانی نزیك بكەنەوە. جێگەی باسە كە عبد رەبە مەنسوور هادی لە پیلانێكی دە خاڵی دابەش كردنی هێزی ئاشكرا كرد كە لە نێوان حوسیەكان و دەست و پەیوەندەكانی عەلی عەبدۆڵا ساڵح بە ئەزموون وەرگرتن لە رژێمی ئاخوندی یەمەنیان بەرەو شكست پاڵ پێوە ناوە.








به‌م رێگایه‌ خۆتان له‌ بۆنی سیر رزگار بكه‌ن
سووده‌كانی سیر زۆر و پڕ بایه‌خ و گرنگن بۆ جه‌سته‌ و ته‌ندروستی مرۆڤ، به‌ڵام بۆنه‌ ناخۆشه‌كه‌ی سیر زۆرجار وا ده‌كات مرۆڤ لێی دوور بكه‌وێته‌وه‌ و ئه‌و هه‌موو سووده‌ باشانه‌ی سیری له‌ ده‌ست بچێت. سیر جگە لەوەی خواردن بە تام دەکات, بۆ تەندروستی لەش یەکجار سوودمەندە ودژە شێرپەنجەیە، تایبه‌تمه‌ندییه‌كی تری ئه‌وه‌یه‌ كێشی له‌ش داده‌به‌زێنێت، چونكه‌ هۆكارێكه‌ بۆ سووتانی كالۆرییه‌كانی جه‌سته‌ و كۆلیسترۆلی زیانبه‌خش له‌ خوێن ناهێڵێت. پزیشکان دەڵێن بۆ سوود وەرگرتن لەم مادە سرووشتییە دەبێ رۆژانە یەکجار بە شێوازی خاو سیر بیخۆن ، بەڵام لە بەرئەوە سیر بۆنێکی تایبەت و تیژی هەیە و بە درێژایی 24 کاتژمێر بۆنەکەی دەمێنێتەوە، بێگومان دەبێتە هۆکاریی دروستبوونی بێزاری لە بەرامبەرەکەتاندا هەر بۆیە خەڵک خۆیان دەپارێزن لە خواردنی سیر. بۆ رزگاربوون له‌مه‌ رێگه‌چاره‌ هه‌یه‌ و مه‌حاڵ نییه‌، پسپۆران 6 خواردنی تریان دیاریی كردووه‌ كاتێك له‌ دوای سیر خواردن، ئه‌وانه‌ بخۆین، ئیتر له‌ ده‌ست بۆنی سیر رزگارمان ده‌بێت و ئه‌وانه‌ش بریتین له‌ "سێو، سپێناخ، ره‌یحان، مه‌عده‌نووس، شیری پڕ چه‌وری، چای سه‌وز.








خۆلی نوێی وتووێژە ناوكەییەكان ئەمرۆ لە وییەن دەست پێدەكات
خۆلی نوێی وتووێژە ناوكەییەكانی نێوان رژێمی ئاخوندی و گرووپی 5 + 1 ئەمرۆ لە وییەن دەست پێدەكاتەوە. بە پێی راپۆرتی هەواڵدەریەكان، خولێكیتری دانوستانەكانی نێوان وڵاتانی رۆژئاوایی و رژێمی ئاخوندی بە مەبەستی گەیشتن بە رێكەوتنی ناوكەیی ئەمرۆ چوارشەممە 2ی بانەمەر لە وییەن دەست پێدەكات. بە پێی ئەم راپۆرتە، ئەم خۆلە لە وتووێژەكان لە نێوان جێگرانی وەزارەتی دەرەوە دەبێت كە وندی شرمەن جێگری وەزیری دەرەوەی ئەمریكا و هلگا ئشمیت جێگری بەرپرسی سیاسەتی دەرەكی یەكیەتی ئۆروپا بەشدار دەبن. جێگەی باسە كە جەواد زەریف وەزیری دەرەوەی رژێمی ئاخوندی رۆژی سێشەممە 1ی بانەمەر رایگەیاندبوو كە لەم خۆلە لە وتووێژەكان نوسینی رێكەوتنی ناوكەیی دەست پێدەكات.

ڕێکه‌وت: 2015-04-22 13:16:27
به‌شی ( هەواڵەكانی كوردستان، ئێران و جیهان 2ی بانەمەری 1394 )