__ بەشی کوردی بە ماڵپەڕی جیهانی "نەشناڵ ژئۆگرافی" زیاد کرا__ گرتنی چالاکانی کرێکاری لە کوردستان و ئێران، هەڵوێستی جیهانی لێکەوتەوە__ به‌ڕێوه‌چوونی کۆنفرانسی بنیاتنانه‌وه‌ی کۆبانێ له‌ ئامه‌د __ سارا پیلین: وتووێژی ئۆباما لەگەڵ رژێمی ئاخوندی وتووێژە لەگەڵ شەیتان__ گەمارۆكانی پەیوەست بە مافی مرۆڤ و ترۆریسم وەك خۆیان دەمێننەوە__ تۆمار كردنی لانیكەم 19 جیابوونەوە لە هەر كاتژمێرێكدا__ دانپێدانانی سەركردەێكی سوپا بە دەستێوەردان لە رووداوەكانی یەمەن

بەشی کوردی بە ماڵپەڕی جیهانی "نەشناڵ ژئۆگرافی" زیاد کرا
 بەڕێوەبەرانی ‌ماڵپەڕی زانستی "نەشناڵ ژئۆگرافی " بەشی کوردییان بە ماڵپەڕەکە زیاد کردووە و بە فەرمی کاری پێدەکرێ. بەپێی راپۆرتی هەواڵدەریی کوردپا. بەشی کوردی ماڵپەڕی نەشناڵ ژئۆگرافی کە بە یەکێک لە ناسراوترین سایتەکانی جیهان لە بواری جوغرافیا، فەزا، کەش وهەوا ، ژینگە، تێکنۆلۆژی دێتە ئەژمار دەستی بە کارەکانی خۆی کرد.ئەو ماڵپەڕە سەر بە ئەنجومەنی جغرافیا ـ نەتەوەیی ئەمریکایە و لەبواری هونەر، وێنەی سەرنج راکێش، جوغرافیا، کەوناراناسی، زانستی سروشتی، پاراستنی ژینگە، مێژوو و فەرهەنگی نەتەوە جۆراوجۆرەکانی جیهاندا چالاکی دەکات.هەر لەم پەیوەندییەدا، ئەنجومەنی جغرافیا ـ نەتەوەیی ئەمریکا، گۆڤاری زانستی و تێکنۆلۆژی لەژێر ناوی "زانکۆ" دا بڵاو دەکاتەوە.ئەو بڵاوکراوەیە بە دوو زاراوەی کوردی کرمانجی و زازاکی چاپ و هەتا ئێستا ٣ ژمارەی لێ بڵاوکراوەتەوە. ئەنجومەنی جغرافیا ـ نەتەوەیی ئەمریکا، رێکخراوێکی ناحکوومییە و لە ساڵی ١٨٨٨لە ویلایەتە یەکگرتووەکان دامەزراوە کە یەکێکە لەگەورەترین ناوەندە مەدەنییەکانی جیهان و لە پێناو ناساندن و پاراستنی ئاسەوارە سروشتیی، مێژوویی، ژینگە ناسی، زانستی جوغرافیاییدا دامەزراوە.








گرتنی چالاکانی کرێکاری لە کوردستان و ئێران، هەڵوێستی جیهانی لێکەوتەوە
 دوو رێکخراوی نێو نەتەوەیی لە نامەیەکدا بۆ رێبەری رژێمی ئاخوندی ئێران داوای ئازادکردنی کرێکارانی زیندانیی‌کراو بوون. بەپێی راپۆرتی هەواڵدەریی کوردپا، سکرتێری کۆنفدراسیۆنی نێو نەتەوەیی و یەکیەتیی کریکاران و سکرتێری فدراسیۆنی نێو نەتەوەیی کرێکارانی هەڵگرتن وگواستنەوە لە نامەیەکدا بۆ عەلی خامنەیی، دەستبەسەر کردنی چالاکانی کرێکارییان بە "تەنافی درێژی شەرم، ئازار و ئەزیەتی کرێکاران لە پێناو پێشگرتن لە چالاکییەکانی یاسایی و پیشەیی"ان ناو برد. شارون‌بارو و ئەستفان کاتن بە گرتنی چالاکانی کرێکاری نارەزایەتی خۆیان دەربڕی و داوای پێداچوونەو بە بارودۆخی دەستبەسەر کراوەکانی ئەم دووایانە بوون. کۆنفدارسیۆن نێونەتەوەیی یەکیەتییەکانی کرێکاریی و فدراسیۆنی نێونەتەوەیی کرێکارانی هەڵگرتن و گۆاستنەوە، ئامانج لە نووسینی ئەم نامەیە پرسیار کردن لەمەڕ بارودۆخی دەستبەسەر کراوەکانی ئەم دووایانە لە بەرەبەری رۆژی جیهانی کڕێکاری وەکوو، مەحموود ساڵحی، عوسمان ئیسماعیلی، داوود رەزەوی و ئیبراهیم مەدەدی ناو بردووە.لە چەند رۆژی رابردوو داو لە بەرەبەری رۆژی جیهانی کڕێکاران، مەحموود ساڵحی و عوسمان ئیسماعیلی دوو چالاکی کرێکاریی کورد لەلایەن ناوەندەکانی ئەمنییەتیەوە دەستبەسەر و شیپ ئەمانی یەکێکی‌تر لە چالاکانی کرێکاری کورد بانگهێشتی ئیدارەی ئیتلاعاتی سنە کرا.








به‌ڕێوه‌چوونی کۆنفرانسی بنیاتنانه‌وه‌ی کۆبانێ له‌ ئامه‌د 
به‌ تێپه‌ڕبوونی سێ مانگ بەسەر‌ ئازادکردنی کۆبانێ، کۆنفڕانسێک بۆ هه‌ماهه‌نگی له‌ پێناو بنیاتنانه‌وه‌ی ئه‌م شاره‌ له‌ ئامه‌دی تورکیا به‌ڕێوه‌چوو.به‌پێی راپۆرتی هەوالدەرییەكان،"کۆنفڕانسی بنیاتنانه‌وه‌ی کۆبانێ" به‌ به‌شداریی 350 سیاسه‌توانی کورد له‌ ناوچه‌کانی ڕۆژهه‌ڵاتی ناڤین و ئه‌ورووپا له‌ شاری ئامه‌دی تورکیا به‌ڕێوه‌چوو. ئه‌نوه‌ر موسلێم، سه‌رۆک وه‌زیرانی کانتۆنی کۆبانێ له‌ لێدوانێکدا له‌م کۆنفڕانسه‌ ڕایگه‌یاند: کۆبانێ به‌رخۆدانێکی له‌ خۆییه‌وه‌ پیشان دا که‌ بۆ هه‌موو جیهان بۆته‌ سه‌مبۆل. ئه‌و هێرشانه‌ که‌ ده‌کرانه‌‌سه‌ر کۆبانێ، هێرش دژی هه‌موو کورده‌کان بوو‌. هه‌مووان له‌ به‌ساڵاچووانی خۆمان مێژووی تاڵی کورده‌کانمان بیستووه‌ و هێرش بۆ سه‌ر کۆبانێ درێژه‌ی ئه‌م مێژووه‌ تاڵه‌ی کورده‌کان بوو. ناوبراو له‌ درێژه‌ی وته‌کانیدا وتی: کۆنفڕانسی کورده‌کان و دۆستانی کورد له‌ ماوه‌ی دوو ڕۆژ له‌ ئامه‌دی تورکیا بۆ بنیاتنانه‌وه‌ی کۆبانێ درێژه‌ی ده‌بێت. سه‌رجه‌م ئه‌م هه‌وڵانه‌ هه‌نگاوێکن له‌ ڕێگای دروست کردنه‌وه‌ی دووباره‌ی کۆبانێ‌. بنیاتنانه‌وه‌ی کۆبانێ به‌ڵێنێکه‌ که‌ ئێمه داومانه‌‌ به‌ سه‌رجه‌م ئه‌و که‌سانه‌ که‌ له‌ ڕێگای به‌رخۆدان و پاراستنی کۆبانێ گیانی خۆیان له‌ده‌ست داوه‌.   هه‌روه‌ها خه‌تیب دیجله‌، هاوسه‌رۆکی کۆنگره‌ی جڤاکی دیموکراتیک و ئه‌ندامی وه‌فدی ئیمرالی له‌ ڕه‌وتی دانوستانی ئاشتیش له‌ وته‌دانێکدا له‌م کۆنفڕانسه‌ ڕایگه‌یاند: به‌رخۆدانی کۆبانێ به‌ شێوه‌یه‌ک بوو که‌ شەڕڤانان له‌ سه‌رانسه‌ر جیهانه‌وه‌ بۆ به‌شداریی له‌م به‌رخۆدانه‌ مێژووییه‌دا هاتوونه‌ته‌ کۆبانێ. ئێستا کاتی ئه‌وه‌ گه‌یشتووه‌ تاکوو بۆ دووباره‌ بنیاتنانه‌وه‌ی کۆبانێ هه‌ر به‌و شێوه‌یه‌ هەوڵ بدرێت. وتیشی: به‌ فه‌رمی ناساندنی کوردستانی سووریا له‌ لایه‌ن ده‌وڵه‌تی ناوه‌ندی سووریاش ده‌توانێت له‌م ڕێبازه‌دا به‌قازانج بێت. تورکیاش سه‌رجه‌م هه‌وڵه‌ پێویسته‌کان بۆ بنیاتنانه‌وه‌ی کۆبانێ دەدات.








سارا پیلین: وتووێژی ئۆباما لەگەڵ رژێمی ئاخوندی وتووێژە لەگەڵ شەیتان
سارا پیلین فەرمانداری پێشووی هەرێمی ئالاسكا و پالێوراوی پێشووی جێگری سەرۆك كۆماری ئەمریكا داوای لە كۆنگرە كردووە كە پێش بە وتووێژی ئۆباما لەگەڵ رژێمی ئاخوندی بگرێت. بە پێی راپۆرتی هەواڵدەرییەكان، ناوبراوو وتی، كۆنگرە نابێت لە كاتێكدا ئۆباما سەرقاڵی وتووێژ لەگەڵ شەیتانە لە لاێكەوە بوەستێت. سارا پیلین سیاسەتی دەرەكی ئۆبامای لەمەر رژێمی ئاخوندی بە پێچەوانەی ئاشتی و بەرژەوەندییەكانی ئەمریكا ناو لێ برد و بە مەترسی بۆ ئەمریكای زانی.









گەمارۆكانی پەیوەست بە مافی مرۆڤ و ترۆریسم وەك خۆیان دەمێننەوە
جاش ئێرنست وتەبێژی كۆكشكی سپی رایگەیاند كە گەمارۆكانی پەیوەست بە مافی مرۆڤ و تیرۆریزمی  سەر رژێمی ئاخوندی وەك خۆیان دەمێننەوە. بە پێی راپۆرتی هەواڵدەرییەكان، ئێرنست رۆژی یەكشەممە 12ی بانەمەری 1394 لە نێو هەواڵنێراندا رایگیاند، ئەو گەمارۆیانەی كە بە هۆی پاڵپشتیكردنی رژێمی ئاخوندی لە تیرۆریسم و پێشێلكاری مافی مرۆڤ لە ئێران دژ بەو رژێمە سەپاوە هیچ كاریگەریێك لە وتووێژە ناوكەییەكان وەرناگرێت و وەك خۆی دەێنێتەە. بە پێی ئەم راپۆرتە، ناوبراوو هەروەها وتی، ئەم بابەتە نیشانیدەدات كە ئێمە لیستێكمان لە نیگەرانییەكانمان  لە پیوەند بە رژێمی ئاخوندییەوە هەیە كە بابەتی ناوكەیی تەنیا حاڵەتێك لەو لیستەیە. كردەوەكانی ئەو رژێمی لە ناوچەكە زۆر مەترسیدارە. ئێرنست وتی، گەمارۆكان كارتێكی فشارە كە كۆمەڵگای نێونەتەوەیی لە پەیوەند بە كردەوە مەترسیدارەكانی رژێمی ئاخوندی هەیەتی.








تۆمار كردنی لانیكەم 19 جیابوونەوە لە هەر كاتژمێرێكدا
لە ئێرانی ژێر دەستی رژێمی ئاخوندی لە هەر كاتژمێرێكدا 19 حاڵەتی جیابوونەوە لە نێوان بنەماڵەكاندا تۆمار دەكرێت. بە پێی راپۆرتی هەواڵدەرییەكان، سید جسن مووسەوی سەرۆكی ئەنجۆمەنی مەدەدكاری لە ئێران رایگەیاند، بارودۆخی جیابوونەوە و پێكهێنانی ژیانی هاوسەرگیری لە ئێران لە بار نییە و لە هەر كاتژمێرێكدا 19 حاڵەتی جیابوونەوە تۆمار دەكرێت. بە پێی ئەم راپۆرتە مووسەوی زیادی كرد، سەرەرای بوونی شۆرای چارەسەری كێشەكان، ئاماری رۆیشتنە ناو زیندانەكان لە ئێران رێژەێكی بەرچاوە و توندوتێژی خێزانی كەمی نەكردووە. ناوبراوو هەروەها وتی تەمنی جیابوونەوە زیادی نەكردووە و رێژەی ژنانی سەرپەرستی بنەماڵە لە ئێران گەیشتووەتە دوو میلیۆن و 560 هەزار كەس.








دانپێدانانی سەركردەێكی سوپا بە دەستێوەردان لە رووداوەكانی یەمەن
سەركردەێكی سوپای پاسدارانی رژێمی ئاخوندی لە یەمەن و گۆرانكارییەكانی وەك ئاخرین دەستكەوتەكانی رژێمی ئاخوندی ناوی لێ برد. بە پێی راپۆرتی هەواڵدەرییەكان، پاسدار جەعفەری رایگەیاند، شێعەكانی یەمەن بە چاولێكردن لە راوەستانی شۆرشی ئیسلامی لە بەرانبەر نیزامی سۆڵتەدا خۆراگریان كرد. بە پێی ئەم راپۆرتە، ناوبراوو زیادی كرد كە، لایەنی دژە ئیستكبار گرنگترین و زیندووترین لایەنی شۆرشی ئیسلامییە و هێزی قۆدسی سوپا ئەركی زیندوو هێشتنەوە و پەرەپێدانی رۆحیەی خۆراگری و راوەستنانی لە ئەستۆیە. جەعفەری هەروەها وتی، كۆماری ئیسلامی سەرقاڵی تەمەندۆن سازی و رۆیشتن بەرەو رووی تەمەدۆنێكی گەورەی ئیسلامییە و كەسانێكە لە بەرانبەریدا بوەستنەوە شكست دەخۆن.

ڕێکه‌وت: 2015-05-04 15:02:21
به‌شی ( هەواڵەكانی كوردستان، ئێران و جیهان 14ی بانەمەری 1394 )