__ کۆڵبەرێکی کورد بەتەقەی هێزە نیزامییەکان بوو بە قوربانی__ هەواڵی مردنی بریندارێکی ناڕەزایەتییەکانی مەهاباد راست نییە__ ناردنی بەكرێگیراوانی حیزبی شەیتان بۆ شارەكانی كوردستانی ئێران__ خۆپیشاندانی كوردەكانی دانیشتووی سۆئێد و ئاڵمان بۆ پشتگیری خەڵكی مەهاباد__ بڵاوبوونەوەی مامەڵەێكی قاچاخی ناوكەیی رژێم لە كۆماری چك__ هۆشداری وەزیری دەرەوەی یەمەن بە رژێمی ئاخوندی__ دانپێدانانی واتیكان بە دەوڵەتی سەربەخۆی فلستیندا__ داعش له‌ داگیركردنی ناوچه‌یه‌كی مێژوویی نزیك ده‌بێته‌وه‌

کۆڵبەرێکی کورد بەتەقەی هێزە نیزامییەکان بوو بە قوربانی
کۆڵبەرێکی دیکەی کورد بە تەقەی هێزە نیزامییەکانی رژێمی ئاخوندی ئێران لە یەکیک لەناوچەکانی ورمێ بریندار کرا. بەپێی هەواڵی هەواڵدەریی کوردپا، سەر لەبەیانی ئەمڕۆ پێنجشەممە رێکەوتی ٢٤ی بانەمەڕ کۆڵبەرێکی کورد بەناوی " موهاجر" خەڵکی ئاوایی " کوڵە بهی" ی سەر بە ناوچەی مڕگەوەری ورمێ لەئەنجامی تەقەی هێزە نیزامییەکانی رژێمی ئاخوندی ئێرانەوە بریندار بوو. بە پێی ئەم راپۆرتە، موهاجر بە توندی بریندار بووە و رەوانەی یەکێک لەنەخۆشخانەکانی شاری ورمێ کراوە.یەکێک لەهۆکارە سەرەکییەکانی پەرەسەندنی دیاردەی کۆڵبەری، نەبوونی هەلی کار، نەبوونی سەرمایە و سەرمایەگوزاری لە کوردستان و کەڵک وەرگرتنی خراب لە ئابووریی کوردستان و ناوچەسنوورییەکانە.






هەواڵی مردنی بریندارێکی ناڕەزایەتییەکانی مەهاباد راست نییە
یەکێک لە بریندارانی ناڕەزایەتییەکانی ئەم دوایی‌یانەی مەهاباد بە دەستی هێزە نیزامییەکانی حکوومەتی ئێران، بەهۆی قووڵیی برینەکەی لە دۆخێکی نالەبار دایە، بەڵام هەتا کاتی بڵاوبوونەوەی ئەم هەواڵە زیندووە. بەپێی راپۆرتی هەواڵدەریی کوردپا، ئاکام تەلاج خەڵکی نەغەدە، یەکێک لە بریندارانی ناڕەزایەتییەکانی مەهابادە کە بەهۆی قووڵیی برینەکەی لە بەشی تایبەتیی نەخۆشخانەدا لەژێ چاودێریی پزیشکی دایە، نالەبار راگەیەنراوە. سەرچاوەیەکی ئاگاداری نزیک لە بنەماڵەی تەلاج راگەیاند: هەتا ئێستاش ئاکام زیندووە، بەڵام دۆخی تەندروستیی ناوبراو نالەبەرە. ئەم سەرچاوە ئاشکرای کرد: سەرەڕای نالەباریی دۆخی تەندروستیی ئاکام تەلاج، رێوشوێنی توندی ئەمنیەتی بۆ ئەو ژوورە کە ئاکامی تیدا دەمێنێتەوە گیراوەتە بەر. ئاکام تەلاج، خوێندکاری زانستگای ئازادی مەهاباد، بەهۆی قووڵیی برینەکەی لە بەشی تایبەتیی نەخۆشخانەدا لەژێ چاودێریی پزیشکی دایە، نالەبار راگەیەنراوە بڵاوبوونەوەی دۆخی نالەباری تەندروستیی ئەو هاووڵاتییە لاوە کوردە لە کاتێک دایە کە پێشتر بەرپرسانی حکوومەتی، هەر چەشنە بەرەنگاری و تەقەکردنێکیان لە ناڕازییان رەت کردبووەوە و هێزە نیزامییەکانیان بە ''خیشتەندار'' وەسف کردبوو.








ناردنی بەكرێگیراوانی حیزبی شەیتان بۆ شارەكانی كوردستانی ئێران
رژێمی دژە مرۆڤی ئاخوندی بە مەبەستی سەركوتی نارەزایەتییەكانی خەڵكی كوردستان بەكرێگیراوانی حیزبی شەیتانی رەانەی كوردستان كردووە. بە پێی راپۆرتی هەواڵدەرییەكان، بە پێی ئەو زانیارییانەی كە لە سەرچاوەكانی ئاگادار لە كوردستان بڵاو كراونەتەوە، رژێمی ئاخوندی ئێران بە مەبەستی سەركوتی خەڵكی نارازی كوردستان، ئەندامانی حیزبی شەیتانی رەوانەی شارەكانی كوردستان كردووە. بە پێی ئەم راپۆرتە، زۆرینەی ئەو بەكرێگیراوانە بۆ شارەكانی سنە و سەقز رەوانە كراون، ئەوانە لیباسی رەشیان لەبەرە و دەم و چاوی خۆیان داپۆشیوە. جێگەی باسە كە ئەم بەكرێگیراوانە لە لایەن رژێمی ئاخوندییەوە لە ژێر فەرمانی راستەوخۆی خامنەیی راهێنانیان پێ كراوە. رژێمی ئاخوندی جارێكیتر لە كاتی خۆپیشاندانەكانی ساڵی 1388 لەو بەكرێگیراوانە كەڵكی وەرگرتووە.








خۆپیشاندانی كوردەكانی دانیشتووی سۆئێد و ئاڵمان بۆ پشتگیری خەڵكی مەهاباد
كوردانی دانیشتووی وڵاتانی سۆئێد و ئاڵمان خۆپیشاندانێكیان بە مەبەستی مەحكوم كردنی جینایەتەكانی رژێمی ئاخوندی لە شاری مەهاباد وەرێخست. بە پێی راپۆرتی هەواڵدەرییەكان، لە وڵاتی سۆئێد كوردانی دانیشتووی شاری كارلستاد بە مەبەستی مەحكوم كردنی سیاسەتە سەركوتگەرانەكانی رژێمی ئاخوندی دژ بە خەڵكی كوردستان و هەروەها كوشتنی فەریناز خۆسرەوانی دەستیان دایە رێپێوانە نارەزایەتییانە. بە پێی ئەم راپۆرتە، لە شاری درسەدنی ئاڵمان كوردانی دانیشتووی ئەو شارە بۆ مەحكوم كردنی جینایەتەكانی رژێم لە كوردستان و جینایەتی ئەم دوواییانەیان لە شاری مەهاباد خۆپیشاندانێكی نارەزایەتییان ساز كرد. جێگەی باسە كە لە شاری هاسینكی فەنلاندیش بۆ ئەو مەبەستە كوردانی ئەو شارە خۆپیشاندانیان كرد.








بڵاوبوونەوەی مامەڵەێكی قاچاخی ناوكەیی رژێم لە كۆماری چك
كارناسانی سازمانی نەتەوەیەكگرتووەكان بڵاویان كردەوە كە، كۆماری چك لە دوای بینینی بەڵگەی مامەڵەێكی بازرگانی، لە فرۆشتن و گواستنەوەی بارێكی گەورەی گرنگ بۆ ئێران پێشگیری كرد. بە پێی راپۆرتی هەواڵدەرییەكان، رژێمی ئاخوندی بە بەستنی قەراردادێكی 61 میلیۆن دۆلاری لە سەرماوەزی رابردوو هەوڵی داوە تاكوو كۆمپرۆسرێكە لە سەنعەتی ناوكەیی و غەیرە ناوكەیی بەكار دێت لە شیركەتێكی ئەمریكایی جێگیر لە كۆماری چك بكرێت. بە پێی ئەم راپۆرتە، ئەم شیركەتە ئەمریاییە و شیركەتی گواستنەوەی كەل و پەل هەوڵیان دەدا تاكووو هۆكاری كرین و شوێنی كۆتایی بارەكە بشارنەوە كە ئەم كارە بوو بە هۆی لێكۆلینەوەی كارناسانی كۆماری چك. جێگەی باسە كە دۆزینەوەی ئەم بارە دەتوانێت نیگەرانی وڵاتانی رۆژئاوایی لە دڵنیاییان لە رژێمی ئاخوندی زیاتر بكات.








هۆشداری وەزیری دەرەوەی یەمەن بە رژێمی ئاخوندی
ریاز یاسین وەزیری دەرەوەی یەمەن لەمەر دەستێوەردانەكانی رژێمی ئاخوندی لەو وڵاتە و پشتیوانی لە گرووپە چەكدارەكانی حوسی هۆشداری دایە رژێمی ئاخوندی. بە پێی راپۆرتی هەواڵدەرییەكان، ریاز یاسین رایگەیاند، كەشتییەكانی رژێمی ئاخوندی كە بەرو بەندەری حەدیدە وەرێەوتوون لە دەوڵەتی یەمەن و هێزە هاوپەیمانەكان ئیجازەیان وەرنەگرتووە. ناوبراوو بەرپرسیارەتی هەموو پێشێلكاری یاسای لە لایەن ئەو كەشتییانەوە خستە ئەستۆی رژێمی ئاخوندی. وەزیری دەرەوەی یەمەن وتی، ئەم كەشتییانە ئەگەر هەڵگری یارمەتی مرۆڤ دۆستانەن پێش لە هەر شتێك دەبێت لە دەرەوەی ئاوەكانی یەكەن تەفتیش بكرێن، لە كاتێكدا ئەو رژێمە بییەوێت بەم جۆرە كارانەی خۆی درێژە بدات، دەوڵەتی یەەنیش دژكردەوەی پێویستی دەبێت. جێگەی باسە كە ریاز یاسین وتی، رژێمی ئاخوندی دەیەوێت ئەو شكستانەی كە لە وڵاتانیتر خواردوویە بەم جۆرە كارانە لە یەمەن بشارێتەوە.








دانپێدانانی واتیكان بە دەوڵەتی سەربەخۆی فلستیندا
بەرپرسانی واتیكان دانیان نا بە دەوڵەتی سەربەخۆی فلستیندا. بە پێی راپۆرتی هەواڵدەرییەكان، بەرپرسانی واتیكان رایانگەیاند، پەیمانی بە فەرمی ناسینی دەوڵەتی سەربەخۆی فلستین كۆتایی پێهاتووە و بەم زووانە لە لایەن پاپەوە رادەگەێندرێت. بە پێی ئەم راپۆرتە، حەنان عەشراوی لە كەسایەتییەكانی فلستین وتی، ئەم كارەی واتیكان ئێمە فلستینیەكانی دەڵگەرم كردووە. بە فەرمی ناسینی دەڵەتی سەربەخۆی فلستین لە لایەن واتیكانەوە نە تەنیا پێشكەوتنێكی سیاسی بەڵكوو پێشكەوتنە لە بەشەكانی ئەخلاقی، مرۆیی و یاساییدا، ئەك كارەی واتیكان  قۆناغێكی نوێی بۆ ناسینی دەوڵەتی فلستین لە لایەن هەموو وڵاتانی جیهانەوە دەست پێدەكات.








داعش له‌ داگیركردنی ناوچه‌یه‌كی مێژوویی نزیك ده‌بێته‌وه‌
دوای شه‌ڕٍ و پێكدادانێكی قورس، رێكخراوی تیرۆرستی داعش ته‌نیا دوو كیلۆمه‌تری ماوه‌ بگاته‌ ناوچه‌ی (ته‌دمر)ی مێژوویی سه‌ر به‌ شاری حمسی سوریا. بە پێی راپۆرتنی هەواڵدەرییەكان، رامی عه‌بدولره‌حمان، به‌ڕێوه‌به‌ری روانگه‌ی مافه‌كانی مرۆڤ له‌ سوریا  راگه‌یاند: "له‌ چه‌ند كاتژمێری رابردوودا هه‌زار و 800 خێزانی سوریا له‌ترسی گیانی خۆیان و ئه‌و شه‌ڕه‌ی له‌نێوان هێزه‌كانی به‌شار ئه‌سه‌د و رێكخراوی تیرۆرستی داعش ده‌گوزه‌رێت، روویان له‌ شاری (ته‌دمر) كردووه‌، به‌ڵام ئێستا ئه‌و شاره‌ كه‌وتووه‌ته‌ ژێر هه‌ڕه‌شه‌ و ته‌نیا دوو كیلۆمه‌تر له‌ چه‌نگی داعش دووره‌". به‌ڕێوه‌به‌ری روانگه‌ی مافه‌كانی مرۆڤ راشیگه‌یاند كه‌ شاری ته‌دمر، سه‌ر به‌ پارێزگای حمسه‌ و له‌و شه‌ڕ و پێكدادانه‌شدا داعش ده‌ستی به‌سه‌ر ناوچه‌ی (سخنه‌)دا گرتووه‌ كه‌ شاری دیرئه‌لزوری مۆڵگه‌ی داعش و ناوچه‌ی ته‌دمر پێكه‌وه‌ ده‌به‌ستێته‌وه‌. وتیشی: "110 كه‌س له‌ چه‌كدارانی داعش و سه‌ربازانی سوپای به‌شدار ئه‌سه‌د كوژراون و خێزانه‌ ئاواره‌كانیش ناچاربوون به‌ره‌و خۆرهه‌ڵاتی شاری ته‌دمر به‌ڕێكه‌ون و له‌ ناوه‌ندی شاره‌كه‌ دووربكه‌ونه‌وه‌".

ڕێکه‌وت: 2015-05-14 16:28:08
به‌شی ( هەواڵەكانی كوردستان، ئێران و جیهان 24ی بانەمەری 1394 )