__ پەردە لەسەر پەیکەری هونەرمەندی گەورەی کورد ''حەسەن زیرەک'' لا درا__ چارەنووسی چالاكێكی كرێكاری كورد دوای دەستبەسەر كردنی روون نییە__ ئازادی چالاكێكی مەدەنی كورد بە دانانی بارمتە لە زیندان__ دوو برای كورد زیندانی سیاسی و براێكیتریان سەربازە__ فرۆشتنی منداڵان لە تاران و باقی شارەكانیتری ئێران__ مامۆستایان جارێكیتر نارەزایەتییان نیشان دا__ بۆ له‌سێداره‌دانی‌ مورسی‌، میسر چاوه‌ڕوانی‌ رای‌ موفتی‌ ده‌كات__ ئەم ویتامینە ڕێگری دەكات لە توشبوون بەشێرپەنجەی پێست

پەردە لەسەر پەیکەری هونەرمەندی گەورەی کورد ''حەسەن زیرەک'' لا درا
 پەیکەری هونەرمەندی گەورەی مۆسیقای فولکلۆریکی کوردی لەسەر گڵکۆی ناوبراو دانرا. بەپێی راپۆرتی هەواڵدەریی کوردپا، پەیکەرێکی سێ میتریی حەسەن زیرەک ئاوازدانەر و گۆرانی‌بێژی ناوداری کورد، رۆژی رابردوو لە تەپەی ''ناڵەشکێنە'' هەڵکەوتوو لە شاری بۆکان، دانرا. ئەو پەیکەرە لەلایەن ''رێبین حەیدەری'' ئافرێنەری ئەو بەرهەمە پێشکەش بە خەڵکی بۆکان و رۆحی هەنەرمەند حەسەن زیرەک کراوە. رێبین حەیدەری، پەیکەرتاشی کورد، پەیکەری حەسەن زیرەک ئاوازدانەر و گۆرانی‌بێژی ناوداری کورد تاشیوە و لەسەر گڵکۆکەی دایناوە ناوبراو خاوەن بڕوانامەی کارناسیی باڵای پەیکەرتاشی لە زانینگەی ''فیلادلفیا''ی ئەمریکایە و بۆ دروستکردنی ئەم پەیکەرە ماوەی شەش مانگ کاری لەسەر کردووە و لە بواری کۆاڵێتی و گەورەیی‌یەوە، بێ وێنەیە. رێبین پێشتر بە رەخنە لە بەرپرسانی حکوومەتی لە بۆکان، ئەو شارەی لە بواری پێکهاتەی شاری و پیکەرەکانەوە، بە ''زۆر لاواز'' وەسف کردبوو.








چارەنووسی چالاكێكی كرێكاری كورد دوای دەستبەسەر كردنی روون نییە
پدرام نەسرۆڵڵاهی، چالاكی كرێكاری و ئەندامی كومیتەی هاوئاهەنگی بۆ یارمەتی بە دامەزراندنی  رێكخراوە كرێكارییەكان لە بارودۆخێكی خرابدا بەسەر دەبات. بە پێی راپۆرتی هەواڵدەریەكان، بنەماڵەی پدرام نەسرۆڵڵاهی دوای رۆیشتنیان بۆ ئیدارەی ئیتلاعاتی شاری سنە پێیان راگەیاندوون كە قەراری دەستبەسەری كۆرەكەتان درێژ كراوەتەوە. بە پێی ئەم راپۆرتە، پدرام نەسرۆڵڵاهی رۆژی 19ی بانەمەری 1394، لە سەرەتای رۆژی جیهانی كرێكار بە هێرشی هێزە ئەمنییەتی و ئیتلاعاتییەكان لە ماڵ یەكێك لە ناسیاوەكانیدا كە میوان بوو دوای سوكایەتی و لێدانێكی زۆر دەستبەسەر كرا. جێگەی باسە كە پدرام نەسرۆڵڵاهی چالاكی كرێكاری و ئەندامی كومیتەی هاوئاهەنگی بۆ یارمەتی دامەزراندنی رێكخراوە كرێكارییەكانە كە لەم چەند ساڵەی دواییدا كەوتووەتە ژێر فشاری ناوەندی ئەمنییەتی و ئیتلاعاتییەكانی رژێمی ئاخوندی.








ئازادی چالاكێكی مەدەنی كورد بە دانانی بارمتە لە زیندان
بەدیع حسین پەناهی چالاكی مەدەنی كورد كە ماوەی مانگێك لەمەوبەر دەستبەسەر كرابوو بە دانانی بارمتەی قۆرس لە زیندان ئازاد كرا. بە پێی راپۆرتی هەواڵدەرییەكان، ئەم چالاكە مەدەنیە كوردە رۆژی هەینی 28ی خاكەلێوەی 1394، لە لایەن هێزە ئەمنییەتیەكانەوە لە ماڵەی باوكی لە گۆندی قرۆچای شاری دێگۆلان دەستبەسەر كرا. بە پێی ئەم راپۆرتە، بەدیع حسین پەناهی ئەمرۆ شەممە 26ی بانەمەری 1394، بە دانانی بارمتەی 100 میلیۆن تمەنی و بە شێوەی كاتی و تاكوو رۆژی دادگاییكردنی لە زیندانی قۆروە ئازاد كرا. جێگەی باسە كە حسین پەناهی بۆ یەكەمین جار لە ساڵی 1388 لە لایەن هێزەكانی وەزارەتی ئیتلاعاتەوە دەستبەسەر كرا و یەك ساڵ لە زیندانی قۆروە زیندانی كرا، هەروەها لە ساڵی 1392 بۆ جارێكیتر لە لایەن ئیتلاعاتەوە لە بەندەری كیش دەستبەسەر كرا.








دوو برای كورد زیندانی سیاسی و براێكیتریان سەربازە
محەمەد ئەمین عەبدۆڵاهی و براێكی بە ناوی محەمەد لە زینداندایە و براێكیتریان براوە بۆ سەربازی. بە پێی راپۆرتی هەواڵدەرییەكان، محەمەد ئەمین عەبدۆڵاهی زیندانی سیاسی كوردی خەڵكی بۆكان ماوەی دوو ساڵە بۆ زیندانی تەبەس دوورخراوەتەوە و لەم ماوەیەدا نەیتوانیوە چاوی بە بنەماڵەكەی بكەوێت. بە پێی وتەی یەكێك لە نزیكانی عەبدۆڵاهی مەودای نێوان بۆكان و تەبەس 1500 كیلۆمەترە و بنەماڵەكەی كە تەنیا نان ئاوەرەكەیان لە زیندانە بە هۆی دەست كۆرتییەوە ناتوانن بۆ چاوپێكەوتنێكی یەك كاتژمێری ئەو مەودایە ببرن. ئەم زیندانییە سیاسیە بەم تازەگییانە بە نووسینی نامەێك بۆ بەرپرسانی قەزایی زیندان داوای كردووە كە بۆ شوێنێكی نزیكتر بە شوێنی نیشتەجێ بوونیەوە بگوازرێتەوە ئەگینا هیچ چارەێكی نامێنێت جگە لەوەی مان لە خواردن بگرێت. هەروەها یەكێك لە براكانی ئەم زیندانییە سیاسیە بە ناوی محەمەد لە زیندانی ورمێ لە ژێر حۆكنی ئێعدامدایە و براێكیتریان براوە بۆ سەربازی. جێگەی بتاسە كە محەمەد ئەمین عەبدۆڵاهی لە ساڵی 1384 كاتێكە تەنیا 19 ساڵ تەمەنی بوو بە تۆمەتی مۆحاربە و تێكهەڵچوون لەگەڵ هێزە ئەمنییەتییەكان لە لایەن دادگای شۆرشی مەهابادەوە بە 18 ساڵ زیندان مەحكوم كرا.








فرۆشتنی منداڵان لە تاران و باقی شارەكانیتری ئێران
فرۆشتنی منداڵان لە تاران و شارەكانیتری ئێران بووە بە قەیرانێكی شوم و دژە مرۆیی، لە سەرەتای هاتنە سەركاری رژێمی ئاخوندی ئێران. بە پێی راپۆرتی هەواڵدەرییەكان، منداڵان بە نرخی 400 هەزار تمەن لە باشووری تاران، لە بنەماڵە هەژار و كەم دەرامەدەكان دەكردرێن و لە بازاری تاران و شارەكاندا بە 9 میلیۆن تمەن بازرگانیان پێوە دەكرێت. بە پێی ئەم راپۆرتە، فرۆشی منداڵان جگە لە تاران لە شارەكانیتر وەك، ساری، و ئامۆڵ بەر چاو دەكەوێت. ئەم قەیرانە شوم و دژە مرۆییانە كاریگەری حاكمیەتی رژێمی ئاخوندی لە ئێرانە. جێگەی باسە كە رۆژنامەی حكومەتی ئێعتماد لە راپۆرتێكدا لە ساڵی 1392 نووسی، لە سەد هەزار تمەن تاكوو 5 ملیۆن تمەن نرخی ئەو منداڵانەیە كە لە دەروازە غاردا كرین و فرۆشتنیان پێوە دەكرێت، بەڵام رژێمی دژە مرۆڤی ئاخوندی لەمەر ئەم قەیرانە دژە مرۆییە هیچ كردەوەێكی نەبوو تاكوو ئەمرۆ تەشەنەی كردووە بۆ شارەكانیتری ئێران.








مامۆستایان جارێكیتر نارەزایەتییان نیشان دا
مامۆستایانی ئێران بۆ جارێكیتر نارەزایەتی خۆیان بە وڵام نەدانەوەی بەرپرسانی ئیدارەی پەروەردە و اهێنان دەر بری. بە پێی راپۆرتی هەواڵدەرییەكان، لە رێكەوتی 25ی بانەمەری 1394 زیاتر لە دوو هەزار مامۆستا لە شارەكانی ئێران لە سندوقی پاشەكەوتی فەرهەنگیان هاتنە دەرەوە و رایانگەیاند، لە رۆیشتن بۆ سەر كلاسەكانی تاقیكردنەوە خۆیاندەبوێرن. بە پێی  ئەم راپۆرتە مامۆستایان ئەم داوایەی خۆیان بە نووسراو بە ئیدارەی پەروەردە و راهێنانی شارەكانی خۆیان راگەیاندووە. جێگەی باسە كە مەوجی نارەزایەتی دەربرین بە وڵام نەدانەوەی بەرپرسان بە داواكاری مامۆستایان تا دێت بەر بڵاوتر دەبێتەوە.








بۆ له‌سێداره‌دانی‌ مورسی‌، میسر چاوه‌ڕوانی‌ رای‌ موفتی‌ ده‌كات
دادگایه‌كی‌ میسری‌ بڕیاری‌ دا دۆسێیەی‌ ژماره‌یه‌ك سه‌ركرده‌ی‌ گروپی‌ ئیخوان موسلمین له‌نێویاندا محه‌مه‌د مورسی‌ سه‌رۆكی‌ پێشوو و یوسف قه‌رزاوی‌ سه‌رۆكی‌ یه‌كێتی‌ زانایانی‌ ئاینی‌ ئیسلامی‌ جیهان ره‌وانه‌ی‌ موفتی‌ ئه‌و وڵاته‌ بكات به‌مه‌به‌ستی‌ له‌سێداره‌دانیان. بە پێی راپۆرتی هەواڵدەرییەكان، ئه‌مڕۆ شه‌ممه‌ دادگایه‌كی‌ میسر له‌ هه‌ردوو دۆسێیەی‌ "جاسوسیكردن و شكاندنی زیندانەكان، دۆسێی‌ ژماره‌یه‌ك سه‌ركرده‌ی‌ گروپی‌ ئیخوان موسلمینی‌ ره‌وانه‌ی‌ موفتی‌ ئه‌و وڵاته‌ كرد به‌مه‌به‌ستی‌ بڕیاردان له‌سه‌ر له‌سێداره‌دانیان. دادگای میسر سزای لە سێدارەدانی بە سەر 110 ئەندامی ئەو رێكخراوەدا سەپاندووە و بۆ پشتراستكردنەوە ناردویەتی بۆ موفتی ئەو ,لاتە تاكوو دوای رەزامەندی ئەو كەسانە لە سێدارە بدرێن. بەپێی یاساكانی میسر، لەكاتی دەركردنی بڕیاری لەسێدارەدان بۆ هەر تاوانبارێك، بڕیارەكەی رەوانەی موفتی دەكرێت و دوای وەرگرتنی بیروبۆچوونیان لەسەر بڕیارەكە، دادگا بڕیاری كۆتایی خۆی دەدات. 








ئەم ویتامینە ڕێگری دەكات لە توشبوون بەشێرپەنجەی پێست
ئەنجامەكانی توێژینەوەیكی  نوێ ئەوەی سەلماندوە كە ویتامین B3 ئەگەری توشبوون بە شێرپەنجەی پێست كەمدەكاتەوە لەكاتێكدا ئەم نەخۆشیە لەناو ئەو كەسانەدا زۆر بڵاوە كە ڕەنگی  پێستیان كاڵە. ئەم جۆرەی ویتامین لەكۆمەڵەی ویتامین  Bیەوهۆكاردەبێت بۆ پاراستنی مرۆڤ لەتوشبون بەشێرپەنجەی پێست ، ویتامین B3 (نیكۆتینامید)لەپێكهاتەیدا هەیە ئەمەش دەبێتە هۆی كەمكردنەوەی ئەگەری توشبونی مرۆڤ بەشێرپەنجەی پێست بەڕێژەی %23 . ئەو كەسانەی پێستیان كاڵە ئەگەری توشبونیان بەم جۆرەی شێرپەنجە زۆرە ،و بەركەوتنی ڕاستەوخۆ بەتیشكی خۆر بەیەكێك لە هۆكارە سەرەكیەكانی توشبون بەم جۆرەی شێرپەنجە دادەنرێت .بۆ ئەوەی پارێزراوبن لەم جۆرە نەخۆشیە ئەوە دەتوانن ئەو خۆراكانەی بخۆن كە ئەم ویتامینە لەپێكهاتەیاندا هەیە لەوانەش (گوێزەر و سپێناغ و برۆكلی و قارچك و تەماتە و پەتاتەی شیرین و خورما).

ڕێکه‌وت: 2015-05-16 12:56:36
به‌شی ( هەواڵەكانی كوردستان، ئێران و جیهان 26ی بانەمەری 1394 )