مانگرتنی گشتی مامۆستایان پێی نایە دووەم رۆژ

خەباتمێدیا: مانگرتن و نارەزایەتی گشتی مامۆستایانی ئێران پێی نایە دووهەم رۆژی خۆی.
رۆژی سێشەممە رێكەوتی 22ی خەزەڵوەر، مامۆستایانی شەریفی ئێران دەستیان دایە مانگرتنێكی گشتی و نەچوونە سەر كلاسەكانیان و لەقوتابخانەكاندا دەستیان دایە مانگرتن، ئەم مانگرتنەش بۆ نارەزایەتی دەربرین لەپێوەند بە گرتن و دەست بەسەركردنی مامۆستایانی مانگرتنەكانی مانگی رابردوو و هەروەها گرتن و سەركووتی فەرهەنگیان و نالەباری دۆخی حەقدەست و بەرزبونەوەی نرخی كرین، دەستیان داوەتە ئەم مانگرتنانە.
ئەمرۆش چوارشەممە رێكەوتی 23ی خەزەڵوەر، مامۆستایان لە هەریەكە لە شارەكانی ئیسفەهان، تاران، نەجەف ئاباد، شیراز، یەزد، كەرەج، كرماشان، بوشەهر، ئیسلام شار، بابل، سەقز،دیواندەرە، سەردەشت، روانسەر، پیرانشارو دەیان شاری دیكە بەردەوامیان بەم مانگرتنانە داوە.

ڕێکه‌وت: 2018-11-14 08:37:22
به‌شی: ( هه‌وال )