دیداری نێوان پەیوەندیەکانی حیزبی دیموکراتی کوردستان و سازمانی خەبات  



خەباتمێدیا: سەرلەبەیانی رۆژی دووشەممە رێكەوتی 9ی بانەمەری 1398، شاندێکی پەیوەندیەکانی حیزبی دیموکرات لە سلێمانی بە سەرپەرەستی کاک سۆران نووری بەرپرسی پەیوەندیەکانی حدک لە سلێمانی، سەردانی پەیوەندی سازمانی خەباتیان کرد و لە لایەن كاك فواد جەعفەری بەرپرسی پەیوەندی سازمانی خەبات لە سلێمانی پێشوازییان لێ کرا.
هەردوو لایەن وێرای هەڵسەنگاندنی بارودۆخی جیهان و رۆژهەڵاتی ناوەراست بە گشتی و قەیرانەكان و گەمارۆئابوریەكانی ئەمریكا بۆ سەر ڕژیمی ئێرانیان بە هەنگاوێکی کاریگەر دژ بەو رژێمە زانی و هاوڕابوون لە سەر ئەوەی کە دەرفەتەکان گونجاو خێران و پێویستە حیزبەکانی کوردستانی ٸێران لە رابردوو زیاتر بیر لە تەبایی و یەکریزی نێوانیان بکەنەوە .
جێگەی باسە لەو دانیشتنەدا وێرای ٸاماژە بە دۆستایەتی نێوان هەر دوو لایەن، پێداگری لەسەر بەردەوامی پێوەندیەكان كرایەوەو هەوڵەكان بو لێک نزیک بوونەوەی هەرچی زیاتری حیزبەکانی کوردستانی بۆ ئەم قۆناغە بە تایبەت بە گرینگ وپێویست زاندرا..

ڕێکه‌وت: 2019-04-29 21:12:36
به‌شی: ( کاروتێکۆشان )