شیركەتی تۆتاڵ رژیمی ئاخوندی گەمارۆ دا

خەباتمێدیا: شیركەتی نەوتی تۆتاڵی فەرەنسی رایگەیاند كە پێبەندە بە جێ‌ بە جێ‌ كردنی گەمارۆكانی ئامریكا دژی رژیمی ئاخوندی.
بەپێی راپۆرتی میزان، رۆژی چوارشەممە بە سكای نیوزی عەرەبی راگەیاندووە كە شیركەتە نەوتیەكانی گوێزەرەوەی سووتەمەنی لە فرۆکەخانەی رەفیق حەریری، پێبەندن بە خاڵەكانی گەمارۆكانی رێکخراوی نەتەوەیەکگرتووەکان، یەكێتی ئوروپا و ئامریكا.
تۆتاڵ لەو راگەیەندراوەدا ئاماژەی بەوە داوە كە لەچوارچێوەی گەمارۆكاندا پێبەندی نەگەیاندنی سووتەمەنیە بۆ فرۆكەكانی رژیمی ئاخوندی لە فرۆکەخانەی بەیروت.
شیركەتی تۆتاڵی فەرەنسی مانگی ئاگۆستی رابردوو و لەدوای هەرەشەكانی ئامریكا بۆ گەمارۆ خستنە سەر ئەو شیركەتانەی كە لەگەڵ رژیم هاوكاری بازرگانی دەكەن، بازاری ئێرانی بەجێ‌ هێشت.
پێشتریش بەرپرسێكی لوبنانی بە دەیلی ستاری وتووە كە لە پێوەند بە هەرەشەكانی ئامریكا بۆسەر ئەو وڵاتانەی هاوكاری بازرگانی لەگەڵ رژیمدا دەكەن پێگەیشتووە.
هەروەها وتی كە هیچكام لە دابینكەرانی سوتەمەنی، رێیان پێنەدراوە سوتەمەنی بدات بە فرۆكەكانی رژیمی ئاخوندی.

ڕێکه‌وت: 2018-11-15 07:51:44
به‌شی: ( هه‌وال )