په‌یامی پیرۆزبایی کاک بابه‌شێخ حسینی به‌بۆنه‌ی هاتنی جه‌ژنی ره‌مه‌زانی پیرۆز

هاونیشتمانیانی خۆشه‌ویست !

بە بۆنەی جێژنی ڕەمەزان پیرۆزبایی گەرم بە هاونیشتمانیانی موسڵمانی كوردستان، ئێران و تێكڕای موسڵمان پێشكەش دەكەم.

 لە گەڵ پیرۆزبایی گەرم بۆ كادرو پێشمەرگەو هۆگرانی ڕێبازی پیرۆزی سازمانی خەبات.

هومێدوارم ئەم جێژنە ببێتە مایەی خێرو ئاشتی و تەبایی لە كوردستاندا چونكە تەبایی و یەكدەنگی و سەداقەت و ڕاستی لە كردەوەو ئاخاوتندا هەلومەرج لە باردەكات بۆ گەیشتن بە دوا تروپكی ئازادیی، بەڵام ئەگەر سەداقەت و ڕاستی و یەكدەنگی و دێموكراسی پەیڕەو نەكرێ‌، بێگومان كۆمەڵگاێكی ئارام و سەقامگیرمان نابێ‌ وتەنانەت لە دوای ڕوخانی دەسەڵاتی ملهوڕی ئاخوندیش،بەشێكی ستەم و بێدادیەكان كۆتاییان پێ‌ نایە.

هێزە سیاسیەكانی كوردستان ئامانجیان چیە؟ ئەرێ‌ بەڕاستی بەو ڕۆحیەو بیركردنەوە نادروستانە دەتوانین گەلەكەمان بەرەو ڕزگاری و ئاشتی و سەقامگیری بەرین. خەڵكی كوردستانی ئێران خوازیاری یەكێتی و تەبایی و یەكدەنگی و هاوكاریی هەمەلایەنن لە نێوان هێزو لایەنە سیاسیەكان و دڵیان بەوە خۆشە لە دوای ڕوخانی ڕژیمی ئاخوندی دێموكڕاسی و تەبایی باڵ دەكێشێ‌ بە سەر ووڵاتدا، بەڵام بەو هەلومەرجە نالەبارەی جوڵانەوەی مافخوازانەی خەڵكی كوردستان ئێران هەیەتی، هەم دیموكراسی بوونی نابی و هەروەها سەقامگیری و ئازادی و بەختەوەری كومەلگای كوردەواریش ئاسۆكەی تاریك دەبێ‌.

 بەو هومێدەی هەموو لایەنەكان بە ڕەچاو كردنی بنەمای دێموكراسی و تێكۆشانی دڵسۆزانە لە پێناو گەل و نیشتمان هەنگاو هەڵگرین.

 لە گەڵ دڵنیا بوون بە گەیشتن بە ئازادیی و ڕوخانی ڕژیمی ئاخوندی.

دووباره‌ جه‌ژنتان پیرۆز بێت و خۆشی و شادی ھه‌میشه‌ میوانی ماڵه‌كانتان بێت.

بابه‌شێخ حسینی

سکرتێری گشتی سازمانی خه‌باتی کوردستانی ئێران

ڕێکه‌وت: 2019-06-04 17:26:43
به‌شی: ( کۆمه‌ڵایه‌تی )
هه‌واڵنێر ئارێز