بەشداری كۆمیتەی سویسی سازمان لە گردبوونەوەیەكی جەماوەری لە شاری لۆزان

ئێواره‌ی رۆژی شەممە ٢٠ی ژولای ٢٠١٩ بەرامبەر بە ٢٩ی پووشپەڕی  ١٣٩٨ له‌ شاری لۆزان و به‌بۆنه‌ی یادی ٩٦ ساڵه‌ی په‌یمانه‌ شومه‌که‌ی لۆزان گردبونه‌وه‌یه‌کی جه‌ماوه‌ری له‌لایه‌ن نوێنه‌رایه‌تی به‌شێک له‌ ڕێکخراوه‌ سیاسیه‌کان و کوردانی سویسه‌‌وه‌  پێکهێنرا. کومیته‌ی سویسی سازمانی خه‌بات به‌شداری له‌و گردبونه‌وه‌یه‌دا کرد و ئه‌و په‌یمانه‌یان پرۆتێستۆ‌  و مه‌حکومکرد.

لەو گردبوونە جەماوەریەدا هەیئەتكی كومیتەی سویسی سازمان كە بریتی بوون لە بەرێزان كەیوان ئازەرپوور و محەمەد رەحمانی بە هەڵگرتنی ئاڵای سازمانی خەبات و كوردستان بەشدار بوون و بەبۆنەی نەوەد و شەشەمین ساڵرۆژی پەیمانی لۆزانەوە رق و بێزاری خۆیان بۆ واژۆكەرانی ئەو پەیمانە دربڕی كە بە هۆیەوە گەلی كورد بێ بەشكرا لەو مافانەی که‌ لە پەیمانی سێڤەردا بۆی لەبەر چاو گیرابوو.

لە ساڵی ١٩٢٣ ، كۆنفرانسێك لە لایەن وڵاتانی (بەریتانیا، فەرەنسا، ژاپۆن، یۆنان، ڕۆمانیا، سربیا، كرواتیا، سلوانیا و توركیا) لە شاری "لۆزان لە سویسرا" بەسترا، مەبەست لە بەستنی  كۆنفرانسەكە كە بە (پەیمانی لۆزان) ناوی دەركرد، داڕشتنەوەی سەرلەنوێی قەوارەی سیاسی و جوگرافی رۆژهەڵاتی ناوەڕاست بوو، پاش ئەوەی مستەفا كەمال ئەتا تورك، سەرۆك و دامەزرێنەری دەوڵەتی توركیا، بە هەوڵی دیبلۆماسی و پاڵپشتی یەكێتی سۆڤیەتی جاران توانی (پەیمانی سیڤەر) هەڵبوەشێنێتەوە.

پەیمانی لۆزان، ئەو پەیمانەیە كە كوردستانی گەورەی بۆ جاری دووەم لە دوای  شەڕی چاڵدێرانی ساڵی ١٥١٤ ی  نێوان هەردوو ئیمپراتۆریەتی سەفەوی و عوسمانی بە سەر چوار پارچە دابەشكردەوە و بوو بە ژێر دەستەی دەوڵەتە زلهێزەكانی جیهان.

لەو رۆژەدا بە بڕیارێك، خاكی كوردستان و تێكرای دانیشتوانەكەی لە نێوان هەر چوار وڵاتی ئێران، عێراق، توركیا و سووریا دابەشكرا. پارچەی پێنجەمی كوردستانیش كەبە كوردستانی سوور ناسراوە، كەوتە ژێر دەستی یەكێتی سۆڤێیەتی پێشوو كە ئێستا بە ئە‌رمەنستان ، ئازربایجان ، گورجستان و توركمەنستان ناسراون.

ڕێکه‌وت: 2019-07-21 23:10:24
به‌شی: ( کاروتێکۆشان )
هه‌واڵنێر ئارێز