بەردەوامی دیاردەی خۆكوژی لە شارەكانی كوردستان

خەباتمێدیا: لە ماوەی نزیك بە حەوتوویەكدا چەند دیاردەی خۆكوژی لە شارەكانی كوردستان روویانداوە.
ڕۆژی پێنج شەممە ١4ی خەرمانان، ژنێکی لاوی خەڵکی کامیاران بەناوی شەرارە باتمانی، دوای ئەوەی لە مێردەكەی جیابۆتەوە لە یەكێک لە پارکەکانی ئەو شارە لە ڕێگای خواردنی حەبەوە خۆی كوشتووە،و هەروەها ژنێكی دیكەش بەناوی چینی پەرویزی تەمەن 52 ساڵ، خەڵكی گوندی دەرئەسپی دیواندەرە، بەهۆی كێشەی خانەوادەییەوە خۆی هەڵواسیوە.
رۆژی هەینی 15ی خەرمانان، گەنجێكی تەمەن 22 ساڵە بەناوی سەعید تەهماسپی، بەهۆی كێشەی خانەوادەییەوە خۆی فرێداوەتە نێو بەنداوی سیا سەنگ و خۆی كوشتووە.
ڕۆژی شەممە ١٦ی خەرمانانی ٢٧١٩، ژنێکی لاوی خەڵکی کرماشان بە ناوی ”کوبرا سدیقی“ بە هۆی کێشەی خێزانییەوە ئاگری لە جەستەی خۆی بەرداوە.
هەواڵدەری هەنگاو: لە ماوەی ١٠ ڕۆژی ڕابردوودا لانیکەم ١٠ کەس لە کوردستان خۆیان كوشتووە کە ٥ کەسیان ژن بوون.

ڕێکه‌وت: 2019-09-09 08:44:28
به‌شی: ( هه‌وال )