ئاشكراكردنی هەموو ناوەندەكانی شاردنەوەی موشەكە كروزەكانی رژیم

خەباتمێدیا: لە كۆنفرانسێكی چاپەمەنیدا لە واشنگتۆن سازمانی موجاهیدین، هەموو ناوەندەكانی شاردنەوەی موشەكی كروزی رژیم و هەروەها وردەكاری هێرشە موشەكیەكەی رژیم بۆسەر دامەزراوەی نەوتی ئارامكۆی عەرەبستانی سعودی، ئاشكراكرد.
لەو كۆنفرانسەدا ئاماژە بەوە كراوە كە بریاری ئەم هێرشە لەلایەن شۆرای عالی ئەمنیەتی نەتەوەیی رژیمەوە سەرۆكایەتی كراوە.
هەروەها خامنەیی رێبەری رژیم بریاری ئەو هێرشەی داوەو فەرماندە باڵاكانی سپاش خەریكی بەرنامەرێژی و نەخشەكێشانی بوون.
ئەو زانیاریانە لەلایەن كاناڵێكی دژبەری رژیمەوە بەناوی PMOI/MEKی سازمانی موجاهدینەوە لەناوخۆدا بەدەست هاتووە.
بریاری هێرشەكەی 14ی سێپتامبر بۆسەر دامەزراوەی نەوتی ئارامكۆ، لە كۆبونەوەی شۆرای عالی ئەمنیەتی نەتەوەیی نیزام، كۆتاییەكانی مانگی پوشپەر دراوە. وردەكاری ئەو هێرشە لە پایگای هەوايی چیتگر لە تاران ئەنجام دراوە. موشەكەكانی كروز لەلایەن گروپی موشەكی ثامن الائمە لە پارچین، كە پایگایەكی سەربازی گەورەیە لە نزیكی تاران و بە بوونی 12 بەشی جیاواز، خەریكی چالاكیە جیاوازەكانی رژیم و بەتایبەتی بەرنامەی چەك و چۆڵە ناوكەییەكانیان دەبێ‌، دروست كراون و ئەو موشەكە كروزانە لە بەشی (سكشن) 4 بەرهەم دەهێنرێن.
ئەو موشەكانەی كە بۆ هێرشەكەی سەر ناوەندی نەوتی ئارامكۆ بەكارهێنراون جۆری كروز و ناوی یا عەلیان لەسەر نوسرابوو كە لەلایەن شیركەتی ثامن الائمە جێگیر لە سایتی پارچین لە نزیكی تارانەوە دروست كراون.

ڕێکه‌وت: 2019-10-01 08:26:02
به‌شی: ( هه‌وال )