ئاشكرابوونی ناسنامەی ئەو دوو لاوەی كە لەسنوری نەوسود كوژران

خه‌باتمیدیا: ڕۆژی شەممە5ی خەزەڵوەر، هێزەکانی سپای پاسداران لە سەیرانگەی ”ئاویسەر“ لە قوڵایی یەک کیلۆمتری خاکی باشووری کوردستان نزیک شاری تەوێڵە، دەستڕێژیان لە دوو هاووڵاتیی کوردی خەڵكی سەرپێلی زەهاوی سەربە پارێزگای كرماشان کردووە و کوشتوویانن و هەروەها جەنازەكانیشیان  لەگەڵ خۆیان بردووە. سەرچاوەیەكی ئاگادار لەو بارەوە دەڵێ‌: کە ئەو دوو کەسە کۆڵبەر نەبوون و جلی ئاساییان لەبەر بووە و هەتا ئێستا نازانرێ کە سپای پاسداران لەبەرچی تەقەی لێ کردوون.

بەپێی راپۆرتی هەواڵدەری هەنگاو: ئەو دوو لاوە تەمەنیان ١٨ و ١٩ ساڵ بووەو بەناوەكاِنی ”ئەیووب  پاڵانی“ و ”بیلال تەهامی“ خەڵکی گوندی بومەلەرزە لێدراوی ”تەپەماران بون.

تەرمی ئەو دوو لاوە کوردە هەتا کاتی ئامادە کردنی ئەم ڕاپۆرتە ڕادەستی بنەماڵەکانیان نەکراوەتەوە.

ڕێکه‌وت: 2018-10-31 22:04:48
به‌شی: ( هه‌وال )
به‌شی هه‌واڵ