پرسەنامەی بەرێز كاك بابەشێخ بۆ خانەوادەی عەلی بەگی رەسووڵپوور

خەباتمیدیا: بەرێز سكرتێری گشتی سازمانی خەبات بەبۆنەی كۆچی دوایی عەلی بەگی رەسووڵپوور فەرماندە و پێشمەرگەی دێرینی سازمانی خەبات پرسەنامەیەكی بڵاو كردەوە.
بەرێز كاك بابەشێخ لە بروسكەكەیدا روو بە خانەوادەی عەلی بەگی رەسووڵی لە فەیسبووكی تایبەتی خۆی نووسیویەتی: بەبۆنەی كۆچی دوایی عەلی بەگی روسووڵپوور سەرەخۆشی و ماتەمی خۆم بە ئەندامانی خانەوادەی بەرێزی لە شاری بانە و ناوچەی مەیدانان بەتایبەت رادەگەیەنم.
بەرێزیان لەبارەی كەسایەتی عەلی دەنووسێ: كاك عەلی بەگ یەكێك لە تێكۆشەرانی سازمانی خەبات ی كوردستانی ئێران و پشتێوان و دڵسۆزی مامۆستا سەید جەلال حوسەینی دامەزرێنەری سازمانی خەبات بوو،هەروەها پشتیوان و دڵسۆزی بەندەو تێكڕای هۆگرانی رێبازی سازمانی خەبات بوو.

دەقی پرسەنامەی ماتەمینی كاك بابەشێخ سكرتێری گشتی بەم شێوەیە:

بە بۆنەی كۆچی دوایی كاك عەلی بەگی ڕسوڵپوور (سەرقوڵ) بەرپرسی كومیتەی مەیدانان و كادرو پێشمەرگەی دێرینی سازمانی خەبات ی كوردستانی ئێران سەرەخۆشی و ماتەمی خۆم بە ئەندامانی خانەوادەی بەرێزی لە شاری بانەو ناوچەی مەیدانان بە تایبەت ڕادەگەێنم.
كاك عەلی بەگ یەكێك لە تێكۆشەرانی سازمانی خەبات ی كوردستانی ئێران و پشتێوان و دڵسۆزی مامۆستا سەید جەلال حوسەینی دامەزرێنەری سازمانی خەبات بوو،هەروەها پشتیوان و دڵسۆزی بەندەو تێكڕای هۆگرانی رێبازی سازمانی خەبات بوو.
جارێكی دیكە بە ناوی خۆم و هاوباوەڕانم لە سازمانی خەبات ی كوردستانی ئێران سەرەخۆشی و هاوبەشی غەم و پەژارەم بە ئەندامانی خانەوادەی بەرێزیان ڕادەگەێنم.
دوامەنزڵی ئەو تێكۆشەرە دێرینەو ئەو ئەندامە دڵسۆزەی سازمانی خەبات ی كوردستانی ئێران بەهەشتی بەرین بێ‌.
سازمانی خەباتی كوردستانی ئێران
سكرتێری گشتی
بابەشێخ حوسەینی

ڕێکه‌وت: 2019-11-29 23:40:01
به‌شی: ( سکرتێری گشتی )