فریوخواردوەكان نابنە هۆی گۆڕینی ڕاستیەكان

سیامەند

حكومەت و دەسەڵاتە دیكتاتۆرەكان، هەموویان یەك شێوە سیاسەت و كاركردن پەیڕەو دەكەن، وە تەنیا جیاوازی نێوانیان، سنووری جوغرافیایی و دەسەڵاتەكەیانە كە بە سەر ئەو گەل و میللەتانەیە كە حكومەت و ستەمیان بەرانبەر دەكەن. دیارە جیاوازیه‌کی دیكەشیان تێدا بە دی دەكرێ‌، ئەویش شێوەی بیركردنەوە و ڕوانگەیانە. بۆ وێنە دەسەڵاتی دیكتاتۆری مەزهەبی، دەسەڵاتی دیكتاتۆری كومونیستی، وەك دەسەڵاتی ئیستالین لە كۆمارەكانی شۆرەوی (روسیە) و دەسەڵات و حكومەتی دیكتاتۆری ڕەگەزپەرەستی لە ژێر ناوی نەتەوەپەرەستی( نازیسم) هەروەك بیركردنەوەی هیتلێر لە ئاڵمان و هەروەها فاشیزم وەك حكومەتی موسولینی لە ئیتالیا. له‌ بنەڕەتدا ئامانجەكانی تێكڕای ئەو شێوە دەسەڵاتانە، لە چوارچێوه‌یه‌کی دیاریكراودا خۆ دەبینێتەوە كە ئەویش هەوڵدانه‌ بۆ  بەردەوام بوون لە حكومەت كردن بە هەر نرخێك و بە هەر شێوەێك بێ‌. ئه‌و حکومه‌تانه‌ هه‌وڵ ده‌ده‌ن لە ڕێگەی سەپاندنی قورس ترین و بێ‌ بەزییانەترین ستەم و بێدادیی، وە دروست كردنی بەندیخانەی گەورە بۆ بەند كردنی هاوڵاتیان و شكەنجەو ئیعدامی مرۆڤەكان، وە هەوڵ بۆ دوست كردنی بەكرێگیراو و كڕینی مرۆڤەكان و دروست كردنی جاسوس لە هەموو كون و قوژبنێكی ووڵاتدا، درێژه‌ به‌ حوكمڕانی خۆیان بده‌ن. هاوكات لەگەڵ ‌شكەنجەی جەستەیی ودەرونی و بەند كردنی تێكۆشەران و ئازادیخوازان و ئیعدامی شۆڕشگێڕان، هەوڵی دەسەڵاتە دیكتاتۆرەكان دروست كردنی جاسوس و بەكرێگیراو لە ناو میللەتدا، بێگومان لە قورسترین جۆری هەوڵەكانە هەم لە باری شكەنجەی دەرونی و شێواندنی كۆمەڵگەو هەروەها لە بەكەم گرتن و بێ‌ ڕێزی كردن بە دانیشتوانی ووڵات. بە داخەوە دەسەڵاتە ستەمگەرەكان هەر وەك لە كوشتنی هاووڵاتیان سنووریان تێ‌ پەڕاندوە، لە هەمانكاتدا لە هەوڵەكان بۆ دروست كردنی خۆفرۆشان و جاسووس، هەموو سنوورێكی ئەخلاقی و ئینسانی و ئایینیان بەزاندوەو بەو كردەوە نا دروست و قێزەونەیان، كۆمەڵگەیان شێواندوەو كارێكیان كردوە پێوەندیەكانی نێوان تاكەكانی كۆمەڵگە بشێوێ. ڕون و حاشاهەڵنەگرە که‌ ڕژیمی ئاخوندی و دیكتاتۆرو مەزهەبی لە ئێران، یەكێك لەو ڕژیم و دەسەڵاتانەیە كە هەموو ئەو و پێناسانەی لە خۆ گرتوون كە لە سەرەتادا باسم كردن. بە تایبەت هەوڵەكانی ئەو دەسەلاتە لە چل ساڵ حكومەت كردنیدا بۆ دروست كردنی جاسوس و بەكرێگیراو لە ژمار نایه‌ت. ئەو دەسەڵاتە دواكەوتوە بە هەوڵەكانی لە كڕینی دەرون و ناسنامەی ئینسانی هەر تاكێكی كۆمەڵگە، بە خەیاڵی دەتوانی ڕەوتی ڕاستیەكان لە سەر دەسەڵاتی دژی ئینسانی وەشارێ‌، وە هەروەها بەو كارە قێزەونەی هەوڵ دەدا تا بەڵكو بتوانێ‌ درێژە بە حاكمیەتی جینایەتكارانەی بدات. ئەوەی كە لە ئێستادا بەرچاودەكەوێ‌، دەسەلاتدارانی ڕژیمی ئێران زیاتر لە ڕابردوو پەرەیان بە كاری نەشیاوی جاسوس پەروەردە كردن و بەكرێگیراو پەروەردەكردن داوە. تەنانەت لەم هەلومەرجە حەستەمەدا كە نەخۆشی كڕۆنا هەڕەشێكی گەورەیە لە سەر خەڵكی ئێران بە تێكڕاو خەڵكی كوردستانی ئێران بە تایبەت، دەسەڵاتدارانی ڕژیمی ئێران لە جیات ئەوەی خزمەتی نەخۆش و دەردەداران بكەن و سەرمایەی خەڵكی ئێران بۆ هەژاران بە تایبەت و خەڵكی ئێران بە كار بێنن، بەڵام بەردەوامن لە گەندەڵكاری، وە بە تایبەت لە هەوڵی دروست كردنی جاسوس و بەكرێگیراو دان لە رێگەی خەرج كردنی پووڵ وسەرمایەی گشتی.  دیارە ئەو هەلومەرجە نالەبارەی لە ئێراندا هەیەو، بوونی هەژاری و بێكاری كە هەر خودی دەسەڵات بەرپرسیارو هۆكاری بوون، بۆتە دەرفەت و هەل بۆ ڕژیم بۆ سازدانی ڕایەڵەی بەكرێگیراوی لە ناوخۆی ئێران و لە دەرەوەی ئێراندا. دەسەڵاتدارانی ڕژیمی ئێران دەبێ‌  ئەو ڕاستیە بزانن كە ئەگەر توانیبتیان ژمارەێك كەس بكەنە بەكرێگیراو، بەڵام نەیانتوانیوە هیچ كام لەو ڕاستیە تاڵانەی لە ئێراندا هەیە بگۆڕن و هەروەها نەیانتوانیوە ڕەوایی بدەن بە دەسەڵاتی دیكتاتۆرەیان ڕقی جەماوەر كەم بكەنەوە. ڕەنگە دەسەلاتدارانی ڕژیم بتوانن چەند كەس بخەنە داوی خەیانەت و خۆفرۆشی، بەڵام تەنانەت زۆربەی ئەو كەسانەش كە بە هەر هۆێك فریوی ئەو دەسەڵاتە جینایەتكارو دیكتاتۆرەیان خواردوە،لەو سیستمە دواكەوتوو جینایەتكارە ڕازی نین و كات دەژمێرن بۆ ڕوخان و لەناوچوونی. ئیدارە بەدناو و ئەمنیەتی و جاسوسیەكانی ڕژیمی ئاخوندی لە هەوڵەكانیان بۆ پەرەپێدانی دیاردەی جاسوسی، مەبەستیانە شیرازەی كۆمەڵگەو پێوەندیەكانی نێوان هاونیشتمانیان بشێوێنن. ئەو هەوڵانەشیان بۆ دروست كردنی جاسوس لە ڕیزی هێزە شۆڕشگێركانی ئوپۆزیسیۆن بە گشتی و سازمانی خەبات دا بە تایبەت، نە تەنیا سەركەوتو نابێ‌ بەڵكو دەبێتە زیاتر قێزەون بوونی ئەو ڕژیمە ملهورو جینایەتكارە. ئیدارەو دامەزرازوە ناو زڕِاوەكانی ئیتلاعات و جاسوس پەروەردەكردن باش ده‌بێ ئه‌وه‌ بزانن كە سازمانی خەبات بە وردی ئاگاداری كردەوەكانیانەو هیچ كردەوەێكیان لە سازمانی خەبات شاراوە نیە. هەڵگرتنی فیلم و ویدیۆ لە بنكەكانی سازمانی خەبات، زانیاری كۆكردنەوە لە سەر چالاكیەكانی سازمانی خەبات  نەك ناتوانی هیچ كاریگەرێكی لە سەر ڕەوتی كارەكانی  هەبێ‌ و كاربكاتە سەر پیوەندی نێوان تێكۆشەرانی، بەڵكو زیاتر دەبێتە هۆی دۆڕاوی دەسەلاتی ئاخوندی و بە هێز كردنی ئەو بڕیارەی كە سازمانی خەبات هەمیشە پێداگری لە سەر كردۆتەوە، كە ئەویش یەكێك لە ئامانجە سەركیەكانمان تێكۆشانە بۆ روخانی ڕژیمی ئاخوندی. بێگومان هەموو كەسێكی خاوەن هەست و تێگەیشتوو دەزانێ‌ كە نابێ‌ خۆی بكاتە دەستەچیلەی حكومەت و دەسەڵاتی دیكتاتۆرو ملهوڕی ئاخوندی. ئاشكرایە  ئەو كەسانەی فریوی ئەو ڕژیمە دژی ئینسانیە دەخۆن، درەنگ یا زوو بیر دەكەنەوەو دەزانن كە ڕێگەی هەڵەیان گرتوەو حەتمەن بڕیاری شیاو دەدەن و پێناسەی ئینسانیان دەستێننەوەو خۆیان لە مەرگی شەخسیەتی ڕزگاردەكەن.

ڕێکه‌وت: 2020-04-02 20:27:41
به‌شی: ( ڕامیاری )



TAGS/ فریوخواردوەكان,نابنە,هۆی,گۆڕینی,ڕاستیەكان
TITLE/فریوخواردوەكان نابنە هۆی گۆڕینی ڕاستیەكان


خوێنه‌ران له کاتی گه‌ران بۆ ئه‌مانه‌ی خواره‌وه‌ توانیویانه‌ ئه‌و نووسینه بدۆزنه‌وه‌

فریوخواردوەكان ** نابنە ** فریوخواردوەكان نابنە ** هۆی ** فریوخواردوەكان هۆی ** نابنە هۆی ** فریوخواردوەكان نابنە هۆی ** گۆڕینی ** فریوخواردوەكان گۆڕینی ** نابنە گۆڕینی ** فریوخواردوەكان نابنە گۆڕینی ** هۆی گۆڕینی ** فریوخواردوەكان هۆی گۆڕینی ** نابنە هۆی گۆڕینی ** فریوخواردوەكان نابنە هۆی گۆڕینی ** ڕاستیەكان ** فریوخواردوەكان ڕاستیەكان ** نابنە ڕاستیەكان ** فریوخواردوەكان نابنە ڕاستیەكان ** هۆی ڕاستیەكان ** فریوخواردوەكان هۆی ڕاستیەكان ** نابنە هۆی ڕاستیەكان ** فریوخواردوەكان نابنە هۆی ڕاستیەكان ** گۆڕینی ڕاستیەكان ** فریوخواردوەكان گۆڕینی ڕاستیەكان ** نابنە گۆڕینی ڕاستیەكان ** فریوخواردوەكان نابنە گۆڕینی ڕاستیەكان ** هۆی گۆڕینی ڕاستیەكان ** فریوخواردوەكان هۆی گۆڕینی ڕاستیەكان ** نابنە هۆی گۆڕینی ڕاستیەكان ** فریوخواردوەكان نابنە هۆی گۆڕینی ڕاستیەكان **