راگه‌یه‌ندراوى كومیته‌ى ناوه‌ندى سه‌باره‌ت به‌ كۆتایی هاتنى پلینۆمى یه‌كه‌مى كونگره‌ى چواره‌م
كاره‌كانى پلینۆم به‌ده‌قیقه‌یێك وه‌ستان بۆ شادكردنى روحى شه‌هیدان ده‌ستى پێكرد. پاشان ئه‌ندامانى پلنیۆم له‌سه‌ر هه‌ڵبژاردنه‌وه‌ى كاك بابه‌شێخ حوسێنى بۆ پۆستى سكرتێرى گشتى بۆ ماوه‌ى ٤ ساڵى داهاتو پێیان داگرته‌وه‌. له‌دواى ئه‌وه‌ سكرتێرى گشتى له‌پێوه‌ند به‌ بارودۆخى ئێستا و داهاتووى سازمانى خه‌بات و كوردستان و ئێران و هه‌روه‌ها هه‌ل و مه‌رجى هه‌ستیارى ناوچه‌كه‌ و موعادلاتى جیهانى باسێكى تێر و ته‌سلى پێش كه‌ش كرد و به‌رنامه‌ى كار و چالاكى  رێبه‌رایه‌تى خسته‌ به‌رباس.
پاشان پلنیۆم له‌ژێر رۆشنایی ووته‌كانى سكرتێرى گشتیدا، لایه‌نه‌كانى كاریی و پرۆگرامى داهاتووى ئورووپا و ئه‌مریكاى هه‌ڵسه‌نگاند و برِیارى دا چه‌ند كومیته‌ى دیكه‌ دابمه‌زرێنێ و له‌و به‌شه‌دا هه‌وڵ و تێكۆشان چرِتر بكرێته‌وه‌ و هه‌موو كومیته‌كان له‌ژێر چاودێرى كومیته‌ى ئورووپاى سازمانى خه‌بات ى كوردستانى ئێران كه‌ پێك دێت له‌دوو ئه‌ندامى كومیته‌ى ناوه‌ندى و جێگرێك كار بكه‌ن.
كومیسیونه‌كانى ماڵى و كۆمه‌لایه‌تى و سیاسی نیزامى و راگه‌یاندن و كومیته‌ى ئافره‌تان و پێوه‌ندییه‌كان، به‌رپرسیان بۆ دیارى كرا. له‌پێوه‌ند به‌كارى كومیسیونه‌كان، به‌رنامه‌ و په‌یره‌وى نوێ خرایه‌ ده‌ستوورى كاره‌وه‌ و به‌ئه‌نجام گه‌یاندنى به‌رنامه‌كانى كونگره‌ى سێهه‌م، پێداگرى له‌سه‌ر كرده‌وه‌.
پلنێوم راسپارده‌ و پرۆگرامه‌كانى داهاتووى به‌ بایه‌خ وه‌سف كرد و له‌سه‌ر جێ به‌ جێ كردنى خاڵ به‌ خاڵى په‌سه‌ندكراوه‌كان پێداگرى كرد.
له‌كۆتایی پلنیۆمى یه‌كه‌مى كومیته‌ى ناوه‌ندى هه‌ڵبژێردراوى كونگره‌ى چواره‌مى سازمانى خه‌بات ى كوردستانى ئێران به‌ڵێن به‌ كه‌س وكارى شه‌هیدان درایه‌وه‌ كه‌ تاسه‌ركه‌وتنى یه‌كجاریی درێژه‌ده‌رى رِێگاى رِۆڵه‌كانیان بن وله‌ پێناو ئازادى و به‌خته‌وه‌رى خه‌ڵكى كوردستان دا هه‌موو هه‌وڵه‌كانیان سه‌ریه‌ك بخه‌ن.

كومیته‌ى ناوه‌ندى
سازمانى خه‌بات ى كوردستانى ئێران
٣٠/٩/١٣٨٨














ڕێکه‌وت: 2009-12-28 18:33:36
به‌شی ( )







تاگی ئه‌رشیڤی خه‌بات مێدیا
خوێنه‌ران له کاتی گه‌ران بۆ ئه‌مانه‌ی خواره‌وه‌ توانیویانه‌ ئه‌و نووسینه بدۆزنه‌وه‌