كومیتەی ئافرەتانی سازمانی خەبات لە 7ی خەرمانانی 1381 دا دامەزرا. بیرۆكەی دامەزراندنی ناوەندێك بۆ ئافرەتانی سازمان بەر لە 14 ساڵ لەمەوبەر لە لایەن دەستەیێك لە ئافرەتانی پێشمەرگەی ناو ریزەكانی سازمان هاته ئاراوە.راستیەكی حاشا هەڵنەگرە كە هەر لەسەرەتای دوست بوونی سازمانی خەباتەوە ئافرەتان دەورێكی بەرچاویان هەبووە لە راپەراندنی ئەركە تەشكیلاتیەكان و لەهەموو بەشەكانی سازمان چ لە ناوخۆی كوردستان و چ لەناو بارەگا ئاشكراكانی سازمان لە هەرێمی كوردستان و چ لە دەورەی كوردستان بە پێی توانا هەڵسواون و جێ پەنجەیان دیارە. هەر چەند نابێ ئەوەش لەبیر بكەین كە تا كاتی دامەزراندنی كومیتەی ئافرەتان هەموو هەوڵەكان...

 بە تاكەكەسی و بە شێوەیێكی پەراوێز دراوە و بە هۆی نەبوونی ئورگانێك بۆ كۆكردنەوەی وزە و توانای ئافرەتان رەنگ بێ ئەو جۆرەی پێویستە تێكۆشان و زەحمەتی ئافرەتانی پێشمەرگە لە ریزەكانی سازمانی خەبات دیار نەبووبێ و لەگەڵ ئەوەش دا هەوڵەكان بۆ تێكۆشان لە پێناو مافی ژنان لە چوارچێوەی تەشكیلات زۆر وەدرەنگی كەوتبێ. 
ئەو كەم و كوریانە و هەروەها پێشكەوتن و بەرەوپێشەوە چوونی خەبات ی رزگاریخوازانەی نەتەوەیی و زەرورەتی هاتنە مەیدانی ئافرەتان بە فكر و ئامانجی تایبەت بە خۆیان  و بە مەبەستی داكۆكی كردن لە مافەكانی ئافرەتان و نەهێشتنی ئەو كلتوور و داب و نەریتە كۆن و باوانەی كە قورسایی دەكەن بەسەر ژنانی كۆمەڵگای كوردی و چەندین هۆكاری تر وایان كردكە بیرۆكەی دروست كردنی كومیتەیێك بۆ ئافرەتان لە ناو سازمانی خەبات لە 7ی خەرمانانی 1381 بچێتە باری جێبەجێكردن و كار پێكردنەوە. 
لەدوای پێكهاتنی كومیتەی ئافرەتان كاریگەرییە ئەرێنیەكان زۆر بە خێرایی خۆیان دەرخەست.  بە كۆكردنەوە هەموو وزە و تواناكانی ئافرەتان و بەكارهێنانی بە شێوەیێكی ئورگانێك لەخزمەت دۆزی نەتەوەیی و چینایەتی سازمانی خەبات توانی پێشكەوتنێكی بەرچاو بە دەست بهێنێ‌ و قۆناغێكی نوێ لەكار رێكخراوەیی دەست پێبكات.
بارهێنانی ئافرەتانی ریزەكانی سازمانی خەبات وەك یەكەمین ئەرك و كاری كومیتەی ئافرەتان لە رێگەی خولی پەروەردەیی و دانانی كەلاسی سیاسی و ووتنەوەی وانەی كۆمەڵایەتی تایبەت بە بواری ژنان و بردنە سەرەوەی ئاستی ووشیاری ژنان لە پێوەند بە ماف و ئەركەكانیان و  فێركردنی زمان و... هتد، لە یەكەمین لاپەرەكانی مێژووی هەڵسوورانی كومیتەی ئافرەتانی خەبات تۆمار كراون. 
لەگەڵ هەموو ئەو خاڵە ئەرێنیانە بێگومان كومیتە بێ كێشە نەبوو و گەورەترین كێشە كە زۆر جار دەبوویە لەمپەرێكی جیددی هاوكات بەرێوەبردنی كاری ماڵ و پەروەردەی منداڵ و هەڵسووران لە كومیتەی ئافرەتان و  وابەستە بوونی ژنان بە مێردەكانیانەوە و بەستنەوەی بریاری خۆیان بە بریاری ماڵەوە و كەسێكی ترەوە بوو و رەنگ بێ بەشێك لە هۆكارەكانی وەدەرنگ كەوتنی بەستنی كۆنفرانس و كۆنگرە بگەرێتەوە بۆ ئەو هۆكارانەی وەك لەمپەر باسی لێوە كرا.  
لەگەڵ هەموو ئەوانەشدا كومیتە و بەرێوەبەرانی كۆڵیان نەدا و درێژەیان بە كار و چالاكیەكانیان لە چوارچێوەی سازمانی خەبات دا و جێگەی خۆشحاڵیە كە توانیویانە بە پێی پێویست ئەرك و كارەكانیان راپەرێنن و وەك رێكخراوێكی دیار لە ئاستی رێكخراوەكانی تایبەت بە ژنان دەركەون و دۆزی ژنان هاوكات لەگەڵ دۆزی نەتەوەیی بەرەو پێشەوە ببەن. 
بە هۆی رەخسانی دەرفەت و بەرفراوان بوونی ئەركەكانی كومیتە لە 3/6/2014 لە پاش ئامادەكارییەكی شیاو  یەكەمین كۆنگرەی كومیتە بە ئامادەبوونی سەرجەم نوێنەرانی ژنانی سەر بە كومیتەی ئافرەتانی سازمانی خەبات لە دەوەر و ناوەوە گرێدرا.
كۆنگرە لە دوای 3 رۆژ كاری بەردەوام و پێداچوونەوە ب كار و بەرنامەی رابردوو و دانی پێشنیار و راوسەرەنجی زەروریی و هەوەرها پێشنیاری كەسایەتی و رێكخراوە دیارەكانی كوردستان بۆ كۆنگرەی یەكەمی رێكخراوی ئافرەتان ، توانی ئەساسنامەیێكی پوخت و تەواو پەسەند بكات و لە توێی چەندین خاڵ و بڕگە ئەرك و مافەكانی ئافرەتان لە رێكخراوی ئافرەتانی خەبات رێك بخاتەوە و  قۆناغێكی نوێ لە كاری رێكخراوەیی دەست پێبكات. ناوی كومیتەكەمان گۆردرا بۆ رێكخراو و لە ژێر دروشمی (كار دەكەین بۆ بەرانبەری ژن و پیاو) بریاری درێژەدان بە كار و هەڵسوورانەكەنمان بە شێ,ەیێ:ی بەرچاوتر لە رابردوو داوە و لە پێناو وشیاری سیاسی و كۆمەڵایەتی و كلتووری ژنان و بە گشتی كۆمەڵگای كوردەواری تێدەكۆشین و بە زانینی ئافرەت وەك سمبولی پێشكەوتن و بەرەوپێش چوونی كۆمەڵگا ناهێلین هیچ لەمپەرێك بەربەست دروست بكات لەبەردەم كار و ئەركەكانماندا. 



ڕێکه‌وت: 2014-09-08 16:06:32
به‌شی ( لـــە كــومــیتەوە بــۆ رێــكــخراو )







تاگی ئه‌رشیڤی خه‌بات مێدیا
خوێنه‌ران له کاتی گه‌ران بۆ ئه‌مانه‌ی خواره‌وه‌ توانیویانه‌ ئه‌و نووسینه بدۆزنه‌وه‌

لـــە كــومــیتەوە لـــە كــومــیتەوە بــۆ لـــە بــۆ كــومــیتەوە بــۆ لـــە كــومــیتەوە بــۆ رێــكــخراو لـــە رێــكــخراو كــومــیتەوە رێــكــخراو لـــە كــومــیتەوە رێــكــخراو بــۆ رێــكــخراو لـــە بــۆ رێــكــخراو كــومــیتەوە بــۆ رێــكــخراو لـــە كــومــیتەوە بــۆ رێــكــخراو