روون کردنەوەیێک لە پێوەندیەکانى هەولێرى سازمانى خەبات ى کوردستانى ئێران لە سەر هەواڵێکى هەڵبەستراو و ناراست
پێوەندیەکانى هەولێرى سازمانى خەبات ى کوردستانى ئێران
لە رۆژى شەممە 26ى گەلاوێژى 1387ى کوچى خۆرى چەندین پیوەندی تەلەفوونى لەلایەن نوێنەرى لایەنە سیاسیە کوردستانیەکان و ژمارەیێک لە دۆستان سەبارەت بە بوونى کێشە و ئاڵۆزى لە سازمانى خەبات دا، بە ئێمەوە کراوە.هەروەها سایتێکى ئینترنێتى بە ناوى خۆرهەڵات نیوز هەواڵێکى ناراست و بێ بناخەى بڵاو کردۆتەوە و لەو هەواڵە ناراستەدا بێ حورمەتى بە سازمانى خەبات ى کوردستانى ئێران
کراوە، ئەو شێوە ئاخاوتن و قسانەى کە ئەو ماڵپەڕە بڵاوى کردۆتەوە لە شێوە ئاخاوتنى رژیمى ئاخوندى و بڵاوکراوەکانى ئەو رژیمە دەچێ و دوورن لە زمان و ئاخاوتنى بڵاو کراوەى کوردستانى.
بە دۆستان و ئەندامانى سازمانى خەبات ى کوردستانى ئێران و گەلى کورد رادەگەیێنین کە بە خۆشیەوە ریزەکانى سازمانى خەبات تەبایی و هاوکارى کەم وێنەى تێدا سەقامگیرە و دژمنانى سازمانى خەبات هیچ کات نابینن ئاڵۆزى و کێشە روو لە سازمانى خەبات ى کوردستانى ئێران بکا و ئەو ئاواتەیان دەبەنە ژێرگڵ.
دیارە خۆرهەڵات نیوزیش ئەگەر ماڵپەڕێکى کوردستانیە و مەبەستیەتى خزمەت بە رۆشنبیرى کوردى بکا و ماڵپەڕیێکى بە نرخ و موعتەبەر بێ، دەبێ بێ تەحقیق شت بڵاو نەکاتەوە و بە هۆى بڵاو کردنەوەى ئەو هەواڵە ناڕاستە داواى لێبوردن لە گەلى کورد و سازمانى خەبات و رێبوارانى رێگەى پیرۆزى بکا.
مەرگ و نەمان بۆ رژیمى ئاخوندى و نۆکەران و ئاڵقە لە گوێکانى
26ى گەلاوێژى 1387ى کۆچى خۆرى
