هوشیار زێبارى ده‌ڵێ: رژیمى ئێران و عێراق له سه‌ر سنووره‌کان کێشه‌یان هه‌یه
رۆژى دووشه‌ممه ١٩ى ره‌شه‌مه‌مى ١٣٨٧، وه‌زیرى ده‌ره‌وه‌ى عێراق رایگه‌یاند که رژیمى ئێران و عێراق سه‌باره‌ت به دیارى کردنى سنووره زه‌مینى و ئاویه‌کانیان کێشه‌یان هه‌یه.
هوشیار زێبارى به ته‌له‌فزیونى \"الشرقیه\"ى عێراقى گووت: ئێمه کێشه‌یێکى زۆرمان له‌گه‌ڵ لایه‌نى ئێرانى سه‌باره‌ت به چاره‌سه‌ر و دیارى کردنى سنووره زه‌مینی، ده‌ریاییه‌کان هه‌یه.
ناوبراو زیادى کرد، ئه‌و مه‌سه‌له رووبارى شه‌ت لعه‌ره‌بیش ده‌گرێته‌وه. هه‌وڵه‌کانى ئێمه بۆ به قه‌ناعه‌ت پێ کردنى ئێرانیه‌کان سه‌باره‌ت به پێویستى و گرینگى رێکه‌وتن له‌گه‌ڵ یه‌ک بۆ رێگه‌گرتن له دروست بوونى کێشه به ئاکام نه‌گه‌یشتووه.
