ئوباما ئابڵوقه‌کانى سه‌ر رژیمى ئێرانى نوێ کرده‌وه
سه‌رۆک کۆمارى ئه‌مریکا ئابڵوقه‌کانى دژ به رژیمى ئێرانى به لانى که‌مه‌وه بۆ ساڵێک نوێ کرده‌وه. ناوبراو گووتى: سیاسه‌تى رژیمى ئێران هه‌روا هه‌ر٠ه‌شه‌یه بۆ سه‌ر ئه‌مریکا.
ئه‌و ئابڵوقانه کۆمه‌گى شیرکه‌ته ئه‌مریکایه‌کان به پیشه‌سازى نه‌وت و پێوه‌ندیه بازرگانی و سه‌رمایه‌گوزاریه‌کانى رژیم قه‌ده‌غه ده‌کا. سه‌ره‌تا له ساڵى ١٩٩٥ و له کاتى سه‌رۆک کۆمارى بیل کلینتۆن، به تاوانى پشتیوانى له ترۆریسم و هه‌وڵ بۆ وه‌ده‌ست هێنانى چه‌کى کۆکوژ، دانران.
باراک ئوباما گووتوویه‌تى که ده‌یهه‌وێ له‌گه‌ڵ رژیمى ئێران ووتووێژ بکا به‌لام داواى له رژیم کردوه که چالاکیه ناوکه‌ییه‌کانى سنووردار بکا.
رژیمى ئێران جوێ له ئابڵوقه‌کانى ئه‌مریکا، به هۆى مل نه‌دان به داواى کۆمه‌ڵگاى نێونه‌ته‌وه‌یی و رانه‌گرتنى چالاکیه ناوکه‌ییه‌کانى له‌گه‌ڵ ئابڵوقه‌کانى رێکخراوى نه‌ته‌وه یه‌کگرتووه‌کان به‌ره‌ورووه.
