گیرانى ١٠ که‌س له هه‌ڵسوور٠اوانى مافى ژنان له تاران
ماڵپه‌ر٠ى (تغیر براى برابرى) نیوه‌رۆى پێنج شه‌ممه ٦ى خاکه‌لێوه‌ى ١٣٨٨، زیاتر له ١٠ که‌س له ئه‌ندامانى که‌مپه‌ینى یه‌ک ملوێن ئیمزا له شه‌قامى سوهروردى تاران گیران.
بر٠یار وابوو رۆژى پێنج شه‌ممه ژماره‌یێک له ئه‌ندامانى که‌مپه‌ین و چه‌ند که‌س له دایکانى ئاشتى بۆ پیرۆزبایی ساڵى نوێ سه‌ردانى چه‌ندین خانه‌واده‌ى زیندانیانى سیاسى و هه‌روه‌ها خانه‌واده‌ى دوکتور زه‌هرا بنى یه‌عقوبیان بکه‌ن. به‌و مه‌به‌سته چه‌ند ده‌قیقه دواى سه‌عات ٢ و نیوى دوانیوه‌رۆ هه‌مویان له شوێنى دیارکراو له شه‌قامى سوهروردى له نزیک پردى سه‌ید خه‌ندان ئاماده بوون و ویستیان رێکه‌ون له‌لایه‌ن هێزه سه‌رکوتگه‌ره‌کانى رژیمه‌وه گیران و گوازرانه‌وه بۆ که‌لانته‌رى نیلوفه‌ر.
خانه‌واده‌ى ژماره‌یێک له‌و گیراوانه له به‌ر که‌لانته‌رى نیلوفه‌ر بۆ به‌دوادا چوونى هه‌ل و مه‌رجى ئه‌وان ئاماده بوون به‌لام هیچ وه‌لامێکیان پێ نه‌دراوه‌ته‌وه.
