١٠ ى خاکه‌لێوه رۆژێکى تاڵ له مێژووى گه‌لى کورد دا
له مێژووى خوێناوى و پر٠ له حه‌ماسه و فیداکارى گه‌لى کورد، گه‌لێک رۆژى دیار و بیره‌وه‌رى ناخۆش هه‌ن، که رۆژى ١٠ ى خاکه‌لێوه،
ئه‌و رۆژه‌ى که سه‌رۆکى حکومه‌تى کوردستان و پێشه‌واى کورد، قازى محه‌ممه‌د له سێداره درا، له رۆژه هه‌ره تاڵ و دیاره‌کانه.
رژیمى کۆنه‌په‌ره‌ست و دیکتاتۆرى حه‌مه‌ره‌زا شا سه‌رکوتى ئازادى و سه‌رکوتى خه‌باتى مافخوازانه‌ى گه‌لى کوردى کردبووه به‌رنامه‌ى سه‌ره‌کى خۆى و له‌و پێناوه‌دا، ئه‌وه‌ى له توانایدا بوو و بۆى کرا و چۆن خراپه سه‌رمایه و داهاتى خه‌ڵکى ئێرانى هه‌رزان فرۆش کرد، تا پشتیوانى جیهانى بۆ پیلانه سه‌رکوتگه‌ریه‌کانى ر٠اکێشێ.
بێ گومان ده‌ورانى ده‌سه‌لاتى رژیمى حه‌مه ره‌زاى په‌هه‌له‌وى یه‌کێکه له رۆژگاره تاریک و ر٠ه‌شه‌کان له ئێران و کودستاندا، ئه‌وانه‌ى ئه‌و رۆژانه‌یان له بیره و باسى ده‌که‌ن و هه‌روه‌ها ئه‌و کتێب و نووسراوه‌کان له سه‌ر جینایه‌ت و در٠نده‌یی ده‌سه‌لاتى په‌هله‌وی نووسراون ده‌رخه‌رى ئه‌و راستیه‌ن. که له سێداره دانى سه‌رۆک کۆمارى کوردستان، قازى محه‌ممه‌دى نه‌مر و شه‌هیدانى ترى ئه‌و سه‌رده‌مه، له نمونه دیاره‌کانى جینایه‌ت و سته‌مگه‌ریه‌کانى رژیمى په‌هله‌ویه.
سازمانى خه‌بات ى کوردستانى ئێران، له‌م بیره‌وه‌ریه تال و به ژانه‌دا دروود ده‌نێرێ بۆ رۆحى پاکى شه‌هیدى گه‌وره و پێشه‌واى نه‌مر قازى محه‌ممه‌د و تێکر٠اى شه‌هیدانى کوردستان.
به‌و هومێده‌ى رۆحى شه‌هیدانى کوردستان و که‌س و کارى سه‌ربه‌رزیان و گه‌لى سته‌ملێکراوى کورد به رووخانى رژیمى ئاخوندى و دامه‌زرانى حکومه‌تێکى دیموکراتیک و پار٠ڵه‌مانى له ئێران و به گه‌یشتنى گه‌لى کورد به مافه ره‌واکانى شاد بن.
سازمانى خه‌بات ى کوردستانى ئێران
کۆمیته‌ى ناوه‌ندى
١٠ ى خاکه‌لێوه‌ى ١٣٨٨
