کاوه جه‌وانمه‌رد زیندانى سیاسی بۆ زیندانى سنه گوازرایه‌وه
هه‌واڵده‌رى موکریان بلاوى کرده‌وه، کاوه جه‌وانمه‌رد چالاکى سیاسى کورد له دواى ته‌واو بوونى دووساڵ زیندان له ته‌بعید له زیندانى مه‌راغه، بۆ به سه‌ربردنى ئه‌و ماوه حوکمه‌ى گوازرایه‌وه بۆ زیندانى سنه.
ئه‌و هه‌ڵسووراوه کورده له ساڵه‌کانى ١٣٨٤ و ٨٥ له دوو په‌روه‌نده‌ى جوێ دا، به تۆمه‌تى هاوکارى له‌گه‌ڵ یه‌کێک له هێزه کوردستانیه‌کان به دوو ساڵ زیندان و دوور خرانه‌وه و به تۆمه‌تى هه‌نگاونان دژ به ئاسایشى نه‌ته‌وه‌یی رژیم، ساڵێک زیندانى به سه‌ردا سه‌پا.
شایانى باسه کاوه جه‌وانمه‌رد یه‌کێک له هاوکارانى حه‌وتوونامه‌ى ر٠اگیراوى که‌ره‌فتوو له سنه بوو.
