نووسه‌ر و لێکۆڵه‌رى کورد ١٥ مانگ زیندانى به سه‌ردا سه‌پا
هه‌واڵده‌رى چاودێرى مافى مرۆڤى کوردستان، سه‌رله به‌یانى رۆژى پێنج شه‌ممه٢٠ ى خاکه‌لێوه‌ى ١٣٨٨، له‌گه‌ڵ سه‌ردانى عه‌بباس جه‌لیلیان بۆ دادگاى رژیم له شارى کرماشان، بر٠یارى دادگا ١٥ مانگ زیندان بوو که پێى ر٠اگه‌یێندرا.
ئه‌و بر٠یاره له‌لایه‌ن لقى سێى دادگاى رژیم له کرماشان و به تۆمه‌تى ناساندن و ر٠اکێشانى جاسوس و ناساندنى به وه‌لاتانى بێگانه، به پشت به‌ستن به ماده‌ى ٥١٠ ى قانوونى سزاکانى رژیم، بۆ ناوبراو ده‌رچووه.
شایانى باسه عه‌بباسى جه‌لیلیان ناسراو به (ئاکۆ) له که‌سه ناسراوه‌کانى بارى ئه‌ده‌بى کوردیه و نووسه‌رى چه‌ند کتێبى وه‌ک (فرهنگ باشور، رمان رنگانه، مجموعه‌ى زرینه و سیمینه) یه، که رۆژى ٢٦ى به‌فرانبارى ١٣٨٧ له ماڵه‌که‌ى خۆیدا له ئیسلام ئابادى ئوستانى کرماشان له‌لایه‌ن هێزه‌کانى ئیداره‌ى ئیتلاعاتى رژیمه‌وه گیرا.
ناوبراو زیاتر له دوومانگى له زیندانى ئیتلاعاتى ئه‌و شاره و به‌ندى قوره‌نتێنه‌ى دیزڵ ئابادى کرماشان به سه‌ربرد که له دواى ئه‌وه به دانى زه‌مانه‌تى ١٠ ٠ ملوێن ته‌مه‌نى ئازاد کرا و له ماوه‌یێکى که‌م له دوا ئازاد بوونى له ١٧ى خاکه‌لێوه‌دا به بێ ئه‌وه کات و هه‌لى گرتنى پارێزه‌رى پێ بدرێ له لقى سێهه‌مى دادگاى رژیم له کرماشان دادگایی کرا.
