چه‌ند هه‌واڵ سه‌باره‌ت به نار٠ه‌زایه‌تى خوێندکارى له زانستگاکانى ئێران
سه‌رله به‌یانى رۆژى دووشه‌ممه ٢٤ى خاکه‌لێوه‌ى ١٣٨٨، خوێندکارانى مانگرتووى زانستگاى بابل که دوێ شه‌ویان له جێ خه‌وى زانستگا به‌سه‌ربرد له کاتى چوون بۆ ناو زانستگا له‌لایه‌ن هێزه سه‌رکوتگه‌ره‌کانى رژیمه‌وه هێرش کرا سه‌ریان و به‌ر ئازار و لێدانى ئه‌و هێزانه که‌وتن.
هێزه‌کانى حه‌راسه‌ت به خوێندکارانیان ر٠اگه‌یاندوه که به پێى فه‌رمانى سه‌رۆکى زانستگا ئه‌و خوێندکارانه‌ى مانیان گرتووه چوونه ژووره‌وه‌یان بۆ ناو زانکۆ لێ قه‌ده‌غه کراوه. خوێندکاران داوا له‌و هێزانه ده‌که‌ن که فه‌رمانى ده‌رکردنه‌که‌یان پێ نیشان بدرێ که ئه‌و هێزانه به جنێو و قسه‌ى ناشیرین وه‌لامیان ده‌ده‌نه‌وه و هه‌وڵ ده‌ده‌ن خوێندکارانى مانگرتوو له زانستگا وه‌ده‌ر نێن به‌لام به هۆى به‌رنگارى و موقاومه‌تى ئه‌و خوێندکارانه نه‌یان توانى له کاره‌که‌یاندا سه‌رکه‌وتوو بن.
دوێ شه‌ویش که‌سانێکى نه‌ناسراو پێوه‌ندیان به خانه‌واده‌ى خوێندکارانى مانگرتوو گرتووه‌و پێ یان ر٠اگه‌یاندوون که فه‌رماندارى و سوپاى بابل پیلانى گرتنى ئه‌و خوێندکارانه‌یان له به‌رده‌ست دایه و داوایان له خانه‌واده‌کانیان کردوه که منداڵه‌کانیان له ریزى مانگرتووان بکێشنه‌وه.
له‌لایێکى دیکه‌وه خوێندکارانى زانستگاى ئازادى شارى ره‌ى له‌گه‌ڵ هێزه‌کانى رژیم تێکگیران.
ژماره‌یێک له خوێندکارانى زانستگاى ره‌ى رۆژى شه‌ممه له نار٠ه‌زایه‌تى به رێگه‌دان به ژماره‌یێک له خوێندکاران له‌لایه‌ن هێزه‌کانى حه‌راسه‌ت، له به‌ر ده‌رگاى ئه‌و زانستگایه‌دا کۆبوونه‌وه و له‌گه‌ڵ هێزه سه‌رکوتگه‌ره‌کانى رژیم تێکگیران. به پێى هه‌واڵه‌کان، هێزه سه‌رکوتگه‌ره‌کانى حه‌راسه‌تى زانستگا رێگه‌یان گرت له چوونه ژووره‌وه‌ى زیاتر له ٥٠ خوێندکار به بیانووى بێ حیجابی که ئه‌و مه‌سه‌له بووه هۆى توور٠ه‌یی باقى خوێندکاره‌کان. ئه‌و خوێندکارانه له نار٠ه‌زایه‌تى به‌و کرده‌وه‌ى هێزه‌کانى رژیم له به‌ر ده‌رگاى زانکۆ کۆبوونه‌وه که بووه هۆى تێکگیران له‌گه‌ڵ ئه‌و هێزانه‌دا.
