سه‌دویانزده‌هه‌مین ساڵرۆژى ده‌رچوونى یه‌که‌مین رۆژنامه‌ى کوردى پیرۆز بێ
له‌سه‌دویانزده‌هه‌مین ساڵرۆژى ده‌رچوونى یه‌که‌م رۆژنامه‌ى کوردى به ناوى (کوردستان) که به هه‌وڵ و ماندووبوونى مێقداد به‌درخانى زانا و بلیمه‌ت و نیشتمانپه‌روه‌ر ده‌رچوو، درود ده‌نێرین بۆ روحى پاکى ئه‌و مرۆڤه به که‌ڵکه.
له‌هه‌ل و مه‌رجێکدا یادى ئه‌و رۆژه مێژووییه ده‌که‌ینه‌وه، به خۆشیه‌وه رۆژنامه‌ى جیاجیا له‌کوردستاندا بلاوده‌بێته‌وه و نووسه‌رانى به هیمه‌ت و دڵسۆزیش به نووسین و کارکردن له‌رۆژنامه و بلاوکراوه‌کاندا ده‌ورى به‌رچاویان له‌به‌ره‌وسه‌ر بردنى ر٠اده‌ى ووشیارى خه‌ڵک و پێش خستنى که‌له‌پوور، زمان و کارى سیاسی و زانیارى له کورده‌واریدا هه‌یه.
ده‌ور و کاریگه‌رى رۆژنامه له گه‌یاندنى په‌یامه راسته‌کان به خه‌ڵک و ئاشکرا کردنى درۆ و خه‌یانه‌ت و غه‌درى ده‌سه‌لاته ملهوره‌کان، نابه‌رابه‌ریه کۆمه‌لایه‌تیه‌کان و تێ گه‌یاندنى جیلى نوێ له‌راستیه‌کان به روونى به‌رچاو ده‌که‌وێ.
مێقداد به‌درخانى تێکۆشه‌ر هه‌ستى به بوونى بۆشایێکى گه‌وره له‌کوردستان کرد، که ئه‌ویش که‌م بوونى ووشیارى و زانست و نه‌ناسینى راستیه‌کان بوو له رابردوودا هه‌ر بۆیه بر٠یارى دا، رۆژنامه‌ى کوردى له‌ئاواره‌یی دا و دوور له‌نیشتمان به‌چاپ بگه‌ێنێ، که بێگومان ئه‌و کاره‌ى یه‌کێکه له دیارترین و به‌رچاوترین کرده‌وه به که‌ڵکه‌کان له‌مێژووى پر٠ له هه‌وراز و نشێوى سیاسی و فه‌رهه‌نگى گه‌لى کورد.
مێقداد به‌درخان به رچه‌شکاند و بلیمه‌تى چینى دواى خۆى فێر کرد که گرینگى بده‌ن به خوێندن و نووسینه‌وه و کارى راگه‌یاندن. تێی گه‌یاندن که له‌کوردستاندا ده‌کرێ راگه‌یاندن وه‌ک ئه‌رکێک، ده‌ورى به که‌ڵکى هه‌بێ له‌گه‌یاندنى داواکانى جه‌ماوه‌رى به‌ده‌سه‌لاته‌کان و لایه‌نه سیاسیه‌کان و که‌سایه‌تیه سیاسیه‌کان و له‌هه‌ڵه وه‌یان گێر٠ێ.
جێگه‌ى دڵخۆشیه له‌کوردستاندا، به پێی ئه‌و هه‌ل و مه‌رجانه‌ى هه‌یه رۆژنامه‌کان چالاکن و هه‌ر رۆژنامه‌یه‌ک به پێى توانا ده‌ورى باش و به که‌ڵکى هه‌یه له‌گه‌یاندنى راستیه‌کان و بلاوکردنه‌وه‌ى روداوه سیاسیه‌کان. ئه‌گه‌رچى ژماره‌یێکى به‌رچاو له بلاوکراوه و رۆژنامه‌کان سه‌ر به هێز و لایه‌نه سیاسیه‌کانى کوردستانن و زیاتر سیاسه‌ت و هه‌ڵوێستى لایه‌نه‌کانیان بلاوده‌که‌نه‌وه، واش له ده‌رخستنى راستیه‌کان ده‌ورى به‌رچاویان هه‌یه بانه‌ش گه‌نه رۆژنمه سه‌ربه‌خۆکان له ئه‌نجام دانى ئه‌رکه‌که‌دا.
له‌و یاده پیرۆزه دا، جێگه‌ى خۆیه‌تى رۆژنامه‌نووسان و نوسه‌رانى کوردستان به هه‌ست کردن به هه‌ل و مه‌رجى ناسک و حه‌سته‌مى سیاسی له‌کوردستان، وردتر بایه‌خ بده‌ن به کار و ئه‌رکى پیرۆزى رۆژنامه‌گه‌رى. ئه‌رکى رۆژنامه‌نووسان و رۆژنامه‌کان وه‌ک ده‌سه‌لاتى چواره‌م، چاره‌نووس سازه و پێویسته رۆژنامه‌نووسان بوێرانه ره‌خنه و پێشنهاده‌کانیان بخه‌نه سه‌رکاغه‌ز و رایگه‌یێنن. له‌هه‌مانکاتیشدا پێویسته رۆژنامه‌نووسان دوور بن له نووسینى بابه‌ت و هه‌واڵى ناراست که له‌لایێک زیان به خۆیان و ئه‌رکى پیرۆزى رۆژنامه نووسی ده‌گه‌ێنێ و له لایێکى دیکه زیان به قازانج و مه‌سڵه‌حه‌تى تێکرایی ده‌گه‌ێنێ و دژمنان و ناحه‌زانى گه‌لى کورد قازانجى لێده‌بینن.
بێ شک ده‌بێ جیاوازى هه‌بێ له نێوان ئازادى رۆژنامه‌نووسی له‌گه‌ڵ بێحورمه‌تى و بێرێزى کردن و بوختان کردن له‌ژێر ناوى ئازادیى رۆژنامه‌نووسی دا. رۆژنامه‌نووسانى کوردستان له‌گه‌ڵ ئه‌وه‌ى ده‌بێ قه‌ڵه‌م بوێر و چاونه‌ترس بن و راستیه‌کان چۆنى هه‌یه بگێر٠نه‌وه و بینووسن له‌هه‌مانکاتدا ده‌بێ له‌ئاشکراکردنى ئه‌و به‌ناو رۆژنامه‌نوووسانه‌ى بوختان بێژ و قه‌له‌مفرۆشن سڵ نه‌که‌ن و به‌وکاره‌یان پیشه‌ى پیرۆزى رۆژنامه‌نووسی و رۆژنامه‌گه‌رى پاک و بێگه‌رد بکه‌ن و ئه‌وه‌ى ئه‌رکى راسته‌قینه و سه‌ره‌کیانه‌یه به جێ بگه‌ێنن.
جارێکى تر له یادى پیرۆزى ده‌رچوونى یه‌که‌مین رۆژنامه‌ى کوردى گه‌رمترین پیرۆزبایی به‌رۆژنامه‌نووسان و نووسه‌رانى کوردستان و تێکراى گه‌لى کورد پێش که‌ش ده‌که‌ین. هیوادارین به تێکر٠ایی له‌خزمه‌ت ئازادى و پێش که‌وتنى که‌له‌پوورى نه‌ته‌وه‌ییدا بین و رۆژنامه‌ى ئازاد و قه‌ڵم به ده‌ستى بوێر سه‌رکه‌وتوو بن و رێ٠Žگاى میقداد به‌درخان و باقى زانایان و رۆشنبیران ئاوه‌دانتر ر٠اگرن.
سازمانى خه‌بات ى کوردستانى ئێران
کومیته‌ى ناوه‌ندى
٢٢/٤/٢٠ ٠ ٩
