رێبه‌رایه‌تى سازمان پێشوازى له هه‌یئه‌تێک که له سێ پارتى کوردستانى سوریه پێک هاتبوو کرد
کامران
رۆژى چوار شه‌ممه ٦ى خه‌رمانان ١٣٨٧، به‌رێز کاک بابه‌شێخ حسینى سکرتێرى گشتى و ئه‌ندامانى کۆمیته‌ى ناوه‌ندى سازمانى خه‌بات پێشوازیان له به‌رێز محمود محه‌ممه‌د ئه‌ندامى مه‌کته‌بى سیاسى پارتى ئازادى کورد له سوریه، به‌رێز ئه‌بوو سابر ئه‌ندامى مه‌کته‌بی سیاسى پارتى یه‌کێتى دیموکراتى کورد له سوریه (یه‌کێتى)، به‌رێز عه‌لى شه‌مدین ئه‌ندامى پارتى پێشڤه‌رۆى کورد له سوریه کرد.
له کۆبوونه‌وه‌یێکدا که زیاتر له سه‌عاتێکى خایاند هه‌یئه‌تى میوان پیرۆزبایی خۆیان به‌بۆنه‌ى ٢٨ مین ساڵرۆژى دامه‌زرانى سازمانى خه‌بات به رێبه‌رایه‌تى سازمان پێش که‌ش کرد و له سه‌ر دۆستایه‌تى و هاوکارى له‌گه‌ڵ سازمانى خه‌بات پێ یان داگرته‌وه. له‌و کۆبوونه‌وه‌دا باس له هاوکارى و دۆستایه‌تى نزیک له نێوان هێز و لایه‌نه سیاسیه‌کان کوردستان به‌تایبه‌ت ئه‌و هاوکاریه‌ى که له نێوان ١٢ پارتى کوردستانى له هه‌ر چوار به‌شى کوردستان هه‌یه کرا.
