مه‌ترسی گشت گیرى ئانفلانزاى به‌راز له ته‌واوى جیهان
رێکخراوى ته‌ندروستى جیهانى ده‌ڵێ به سه‌رنج دان به مردنى ٨١ که‌س له مکزیک، مه‌ترسى گشتگیر بوونى ئانفلانزاى به‌راز له ته‌واوى جیهان دا هه‌یه.
ئه‌و رێکخراوه په‌ره‌سه‌ندن و تووشبوون به‌و نه‌خۆشیه به مه‌سه‌له‌یێکى بایه‌خدار ناوهێنا و داواى کرد که کۆمه‌ڵگه‌ى جیهانى هه‌نگاوى جیددى بۆ هه‌ڵگرن.
له کاتێکدا که زۆرترین ئامارى تووشبووان له‌مکزیک تۆمار کراوه، مه‌ترسى بلاو بوونه‌وه‌ى ئه‌و نه‌خۆشیه له ئه‌مریکاش به شێوه‌یێکى جیددى باس ده‌کرێ. تا ئێستا ١١ بابه‌ت له‌و نه‌خۆشیه له ویلایه‌ته‌کانى کالیفورنیا، کانزاس تکزاس راگه‌یێندراوه، هه‌روه‌ها ٨ خوێندکار له شارى نیۆیۆرک تووشى ویروسێک بوون که به ته‌واوى ئه‌گه‌رى ئه‌وه هه‌یه که ئانفلانزاى به‌راز بێ.
