چالاکێکى ژنان بۆ زیندانى ئه‌وین گوازرایه‌وه
مریه‌م مالیک له چالاکانى که‌مپه‌ینى یه‌ک ملوێن ئیمزا رۆژى یه‌کشه‌ممه ٦ى بانه‌مه‌ر٠ى ١٣٨٨ گوازرایه‌وه بۆ زیندانى ئه‌وین.
سه‌ر له به‌یانى رۆژى یه‌کشه‌ممه ناوبراویان له گرتووخانه‌ى وه‌زه‌راوه بۆ پۆلیسى ئه‌منیه‌تى گواسته‌وه و له کۆتایی کارى ئیداریدا له دواى چه‌ند سه‌عات لێپرسینه‌وه نێردرایه لقى ٢ى دادیارى ئه‌منیه‌تى دادگاى رژیم.
دادیارى ئه‌منیه‌تى به پێى مه‌وادى ٤٩٩ و ٥٠ ٠ ى قانوونى سزاى ئاخوندى تۆمه‌تى دژایه‌تى رژیم و تۆمه‌تی نوێى ئه‌ندامێتى له که‌مپه‌ینى یه‌ک ملوێن ئیمزایان به ناوبراو راگه‌یاند که مریه‌م مالیک ته‌واوى تۆمه‌ته‌کانى ره‌د کرده‌وه. ئه‌و دادیاره هه‌روه‌ها بر٠یارى دانى زه‌مانه‌تى ٢٠ ملوێن ته‌مه‌نى بۆ ده‌رکردوه ئه‌وه له کاتێکدایه له کۆبوونه‌وه‌ى دادگادا ناوبراو ر٠ایگه‌یاندبوو که تواناى دانانى زه‌مانه‌تى ٢٠ ملوێن ته‌مه‌نى نیه.
قازى حه‌یده‌رى فه‌رد رایگه‌یاند که ئه‌و په‌روه‌نده له ژێر لێکۆڵینه‌وه‌دایه و لێپرسینه‌وه له مریه‌م مالیک به‌رده‌وام ده‌بێ و فه‌رمانى دا ناوبراو بنێردرێته‌وه بۆ زیندانى ئه‌وین.
