چوار رێکخراوى نێونه‌ته‌وه‌یی هه‌ڵسووکه‌وتى رژیم له‌گه‌ڵ چالاکانى کرێکاریان مه‌حکوم کرد
رۆژى دووشه‌ممه ٧ى بانه‌مه‌ر٠ى ١٣٨٨، چوار رێکخراوى نێونه‌ته‌وه‌یی به ده‌رکردنى ر٠اگه‌یێندراوێک له سه‌روبه‌ندى رۆژى جیهانى کرێکار،\"یه‌کى مه‌ى\" سه‌رکوتى دامه‌زراوه کرێکاریه‌کانى له رژیمى ئاخوندى دا مه‌حکوم کردوه.
له ر٠اگه‌یێندراوى ئه‌و رێکخراوانه‌دا هاتووه: چه‌ندین ساڵه هه‌وڵى کرێکاران بۆ به‌رێوه‌بردنى نار٠ه‌زایه‌تى گشتى له یه‌کى مه‌ى دا به‌ره‌ور٠ووى هێرشى یه‌ک له دواى یه‌ک و لێدان و شکه‌نجه و زیندان بۆته‌وه.
کونفدراسیۆنى نێونه‌ته‌وه‌یی یه‌کیه‌تى کرێکاران، فدراسیۆنى جیهانى کرێکارانى هه‌ڵگرتن و گواستنه‌وه، یه‌کیه‌تى نێونه‌ته‌وه‌یی کرێکارانى پێشه‌سازى مه‌وادى خوارده‌مه‌نى، کشت و کاڵ و خزمه‌تگوزارى و فدراسیۆنى بارهێنانى نێونه‌ته‌وه‌یی گووتوویانه: یه‌کیه‌تیه‌کانى ئازادى کرێکارى له ئێراندا ناقانوونین... و هه‌رجۆره لایه‌نگریێکى یه‌کیه‌تیه‌کانى کرێکارى به‌ره‌ور٠ووى سه‌رکوت ده‌بێته‌وه.
به پێى ئه‌و ر٠اگه‌یێندراوه رژیمى ئێران خه‌ریکى ئاماده‌سازیه بۆ زیاتر سه‌رکوت کردنى یه‌کیه‌تیه سه‌ربه‌خۆکانى کرێکارى، پێش رۆژى جیهانى کرێکارانى ئه‌م ساڵ یان پێش هه‌ڵبژاردنه‌کانى سه‌رۆک کۆمارى رژیم.
