مامۆستایانى کوردستان مانیان گرت
ر٠اپۆرتى ئه‌حمه‌دى ئه‌ندازیارى، رۆژى دوو شه‌ممه ١٤ى بانه‌مه‌ر٠ى ١٣٨٨ له شاره‌کانى سنه، کرماشان، مه‌ریوان و سه‌قز، مامۆستایانى کورد به مه‌به‌ستى دابین بوونى مافه ره‌واکانیان مانیان گرت.
مامۆستایانى شارى سنه کۆبوونه‌وه‌یێکى به‌رینیان به‌رێوه‌برد و له کۆتایی کۆبوونه‌وه‌که‌دا ر٠اگه‌یێندراوێکیان بلاو کرده‌وه که جێگه‌ى ر٠ه‌زامه‌ندى مامۆستایانى به‌شدار له‌و کۆبوونه‌وه‌دا بوو.
به‌شێک له‌و داوایانه‌ى له‌و ر٠اگه‌یێندراوه‌دا هاتووه بریتین له:
١ـ فه‌رهه‌نگیانى کوردستان له‌گه‌ڵ پشتیوانى له ته‌واوى فه‌رهه‌نگیانى ئێران، به‌رێوه‌بردنى بر٠یارى خزمه‌تگوزارى وه‌لات به یه‌کێک له داواکانى خۆى ده‌زانێ.
٢ـ داوا ده‌که‌ین مافى دامه‌زراوه و مانگرتنى فه‌رهه‌نگیان به ره‌سمى بناسرێ.
٣ـ دانانى هه‌ر سیستمێکى په‌روه‌رده به بێ ئاماده‌یی و به‌شدارى مامۆستایان وه‌ک سامانده‌رانى سه‌ره‌کى په‌روه‌رده له بر٠یاره‌کاندا ناگونجێ، له هه‌مان کاتدا به‌شدارى راسته‌وخۆى مامۆستایان له ته‌واوى باره‌کانى بارهێنان و په‌روه‌رده ویستى ئێمه فه‌رهه‌نگیانى کوردستانه.
٤ـ لابردنى ئه‌و بۆشایی و بێ باوه‌ر٠یه له نێوان مامۆستایان و به‌رپرسان به‌نده به به‌ستنى په‌روه‌نده کراوه‌کانى هاوکاران و هه‌ڵوه‌شاندنه‌وه‌ى حوکمه ده‌رکراوه‌کان. داواى ئێمه کۆتایی هێنان به‌و هه‌ل و مه‌رجه نا فه‌رهه‌نگیه‌ن له په‌روه‌رده و بارهێنان دا و هه‌ر چى زووتر و بێ مه‌رج حوکمى چالاکانى سینفى هه‌ڵوه‌شێته‌وه.
٥ـ به سه‌رنج دان به‌وه‌ى که سیستومى دادوه‌رى جمهورى ئیسلامى بێ گوناهى فه‌رزاد که‌مانگه‌رى ته‌ئید کردوه، داوامان ئازادى و گه‌ر٠انه‌وه‌ى بۆ خانه‌واده‌ى مامۆستایانى کوردستانه.
٦ـ به بیرهێنانه‌وه‌ى هاوکارى ته‌بعیدى \"ئه‌سکه‌نده‌ر لوتفى\" داواده‌که‌ین حوکمه‌که‌ى هه‌ڵوه‌شێته‌وه.
٧ـ به دامه‌زرانى سیستمى به‌رێوه‌به‌رى به شێوه‌ى هه‌ڵبژاردن له مه‌دره‌سه‌کان و به به‌رێوه‌به‌رانى ئوستان و ناوچه‌کان بسپێردرێ.
٨ـ داواى ده‌که‌ین ئازادى ر٠اده‌ربر٠ین له په‌روه‌رده و بارهێنان دا په‌ره‌بستێنێ.
٩ـ داواى هه‌ڵوه‌شانه‌وه‌ى حوکمى ته‌بعیدى جه‌مال خوال له مامۆستایانى سنه‌ین.
١٠ ـ ئێمه فه‌رهه‌نگیانى کوردستان پشتیوانى ده‌که‌ین له داواى کرێکاران، په‌رستاران، رۆژنامه‌نووسان و باقى چین و توێژه‌کانى کۆمه‌ڵگا.
هه‌ر له‌و رۆژه‌دا مامۆستایانى کرماشانیش کۆبوونه‌وه‌ى نار٠ه‌زایه‌تیان به‌رێوه‌برد. نزیک به ٢٠ ٠ که‌س له مامۆستایانى کرماشان له رێکخراوى بارهێنان و په‌روه‌رده‌ى ئه‌و شاره کۆبوونه‌وه‌یێکى هێمنیان به‌رێوه‌برد. ئه‌و کۆبوونه‌وه له وه‌لامى بانگه‌وازى کانونى سینفى مامۆستایانى وه‌لات بوو که له نار٠ه‌زایه‌تى به به‌رێوه‌نه‌بردنى بر٠یارى خزمه‌تگوزارى وه‌لات بلاو کرایه‌وه.
کۆبوونه‌وه‌ى مامۆستایانى کرماشان به ئاماده بوونى هێزه سه‌رکوتگه‌ره‌کانى رژیم به‌رێوه‌چوو. هاوکات زیاتر له ٥٠ ٠ که‌س له مامۆستایان شارى سه‌قز له به‌رانبه‌ر ئیداره‌ى بارهێنان و په‌روه‌رده‌ى ئه‌و شاره‌دا کۆبوونه‌وه.
ئه‌و داوایانه‌ى که له کۆبوونه‌وه‌ى مامۆستایان باسى لێوه کرا بریتین له:
١ـ چاکسازى له سیستمى په‌روه‌رده به له به‌رچاو گرتنى هه‌ڵ و مه‌رجى نه‌ته‌وه‌یی، فه‌رهه‌نگى و زمانى ناوچه جیاجیاکانى کوردستان.
٢ـ به‌رێوه‌بردنى بنه‌ماى ١٥ و ١٩ى قانوونى ئه‌ساسى
٣ـ پێک هێنانى هه‌ل و مه‌رجى باشتر بۆ خوێندکاران
٤ـ باشتر کردنى هه‌ل و مه‌رجى مامۆستایان له چوارچێوه‌ى سیستمى هاوئاهه‌نگى خزمه‌تگوزاریه‌کانى وه‌لات.
له لایێکى دیکه‌وه و هاوکات له‌گه‌ڵ مامۆستایانى سنه و کرماشان و سه‌قز، مامۆستایانى شارى مه‌ریوانیش کۆبوونه‌وه‌یێکى نار٠ه‌زایه‌تیان له به‌رده‌م ئیداره‌ى بارهێنان و په‌روه‌رده‌ى ئه‌و شاره به‌رێوه‌برد.
