رژیمى ئێران کوردستانى تورکیه‌شى بوردومان کرد
رۆژى دووشه‌ممه ٢٢ى بانه‌مه‌ر٠ى ١٣٨٨ هێزه سه‌رکوتگه‌ره‌کانى رژیمى ئێران ناوچه‌ى یوکسیکوفى ئوستانى هه‌کارى بوردومان کرد، ئه‌و مه‌سه‌له له زمان سه‌رچاوه نیزامیه‌کانه‌وه بلاو بۆته‌وه.
بوردومانه‌که سه‌عات ٩:٣٠ به‌یانى ده‌ستى پێ کرد و ١٥ ده‌قه‌ى کێشا. شه‌به‌که‌ى سى ئێن ئێن تورک رایگه‌یاند: له نزیک دێى ساریلدیز له سێ کیلۆمیترى سنوورى کوردستانى ئێران حه‌وت یان هه‌شت گووله خومپاره دۆزراوه‌ته‌وه. هێزه سه‌رکوتگه‌ره‌کانى رژیمى ئێران په‌ی تا په‌ی تا به بیانووى هێزه‌کانى پێ کا کا ناوچه سنووریه‌کان بوردومان ده‌کا.
ناوه‌ندى گشتى هێزه چه‌کداره‌کانى تورکیه تا ئێستا به ره‌سمى ئه‌و هه‌واڵه‌ى ته‌ئید نه‌کردوه. معمه‌ر گیورر ئوستاندارى هه‌کارى به هه‌واڵنێرانى گووت: لێکۆڵینه‌وه له باره‌ى هه‌واڵى هه‌واڵده‌ریه‌کانه‌وه ده‌کرێ. ناوبراو هه‌روه‌ها رایگه‌یاند که ئاگاى له دۆزینه‌وه‌ى ٥ گوله خومپاره له نزیک سنوورى ئێران نیه.
