رۆژنامه‌یێکى سعودى: ئه‌مریکا و ئیسرائیل به‌م زووانه هێرش ده‌که‌نه سه‌ر رژیمى ئێران
ماڵپه‌ر٠ى فارسى وه‌زاره‌تى ده‌ره‌وه‌ى ئیسرائیل: به پێى ر٠اپۆرتى سه‌رچاوه‌کان، ئه‌گه‌رى دروست بوونى به‌ره‌یێک به به‌شدارى ئیسرائیل و چه‌ند وه‌لاتى عه‌ره‌بی به ئامانجى به‌ره‌ور٠وو بوونه‌وه له‌گه‌ڵ به‌رنامه‌ى ناوکه‌یی و ده‌ستێوه‌ردانه‌کانى رژیمى ئاخوندى،
له ووتووێژه‌کانى بینامین نتاناهو و حوسنى موباره‌ک باسى له سه‌ر کرا، مه‌لیک عه‌بدولاى دووهه‌م پاشاى ئودون له ووتووێژێکدا گووتى: ئوباما ده‌یهه‌وێ به‌رنامه‌یێک سه‌باره‌ت به جێگیر بوونى ئاشتى و هاوکارى له نێوان ئیسرائیل ٥٧ وه‌لاتى عه‌ره‌بی به‌رێوه ببات.
له هه‌مانکاتدا رۆژنامه‌یێکى عه‌ره‌بی نووسى: رژیمى ئێران مووشه‌که‌کانى خۆى به‌ره‌و ئیسرائیل دامه‌زراندوه، هاوکات ر٠اپۆرتێک له ئیسرائیل بلاو کرایه‌وه که به‌و هۆیه‌وه دوو کارناسى ئیسرائیل به‌و ئاکامه گه‌یشتوون که ئه‌گه‌رى ئه‌وه هه‌یه رژیمى ئێران مووشه‌کى شه‌هابی ٣ وه‌ک کاتیوشا به کار بێنێ تا بتوانێ هاوکات ژماره‌یێکى زۆر به‌ره‌و ئیسرائیل بهاوێ.
له ر٠اپۆرتێکدا که تا ئێستا له‌لایه‌ن هیچ سه‌رچاوه‌یێکى دیکه‌وه ته‌ئکید نه‌کراوه، رۆژنامه‌ى ئه‌لوه‌ته‌نى عه‌ره‌بستانى سعودى له ژماره‌ى رۆژى سێ شه‌ممه٢٢ى گوولانى ١٣٨٨ى خۆى نووسى: رژیمى ئێران زانیارى گه‌لێکى زۆر نهێنى پێ گه‌یشتووه که به‌و پێ یه، ئیسرائیل و ئه‌مریکا ده‌یانه‌وێ به‌م زوانه هێرش بکه‌نه سه‌ر بنکه ناوکه‌ییه‌کانى رژیم بۆیه له به‌رانبه‌ردا ژماره‌یێکى زۆرى له مووشه‌کى شه‌هابی ٣ى خۆى ئاماده‌ى ته‌قاندن کردوه.
له‌و ر٠اپۆرته‌ى ئه‌لوه‌ته‌ن دا هاتووه که رژیمى ئێران له‌گه‌ڵ دامه‌زرانى ژماره‌یێکى زۆر مووشه‌کى شه‌هابی ٣، ژماره‌یێکى زۆریش له مووشه‌که‌کانى زه‌وى به ده‌ریاى خۆى له قه‌راغه‌کانى که‌نداوى فارس دامه‌زراندوه، رژیمى ئێران پێى وایه که هێرشه سه‌ربازیه‌که له رێگه‌ى ده‌ریا و هه‌واوه بکرێ.
له ر٠اپۆرتێکى دیکه‌ى که له ئورشه‌لیم بلاو کراوه‌ته‌وه، دوو که‌س له کارناسان که دوو لێکۆڵینه‌وه‌یان ئه‌نجام داوه، به‌و ئاکامه گه‌یشتوون که رژیمى ئێران ئامانجێکى نوێى له به‌رچاو گرتووه که به‌و پێ یه هاوکات ژماره‌یێکى زۆر مووشه‌کى شه‌هابی ٣ به‌ره‌و ئیسرائیل بته‌قێنێ.
ئه‌و لێکۆڵه‌وانه به‌و ئاکامه گه‌یشتوون که ئه‌گه‌ر چى ئه‌و جۆره هێرشه به‌ربلاوانه نابێته هۆى له ناوبردنى ئیسرائیل، به‌لام ئه‌گه‌رى ئه‌وه هه‌یه زه‌ره‌ر و زیانى زۆر بگه‌یێنێ. ئه‌و لێکۆڵه‌ره‌وانه گووتیان: رژیمى ئێران بۆ دروست کردنى مووشه‌که جۆراوجۆره‌کان سه‌رمایه‌یێکى زۆرى ته‌رخان کردوه و به‌رنامه‌ى جه‌نگى خۆى به به‌کارهێنانى هاوکات ژماره‌یێکى زۆرى مووشه‌ک دارشتووه.
