ئوباما داواى به‌رنامه‌ى هێرش بۆ سه‌ر رژیمى ئێران له پنتاگۆن ده‌کا
هه‌واڵده‌رى روسى رویانووستى: پنتاگۆن به‌رنامه نیزامى خۆى سه‌باره‌ت به رژیمى ئێران له سه‌ر داواى باراک ئوباما سه‌رک کۆمارى ئه‌مریکا پێشکه‌ش کرد.
به پێى رویانووستى، رابێرت گیتس وه‌زیرى دیفاعى ئه‌مریکا له ووتووێژێکدا له‌گه‌ڵ ته‌له‌فزیونى \"ئێن بی سی\" رایگه‌یاند که ئه‌مریکا هیچ کات به گشتى هێرشى سه‌ربازى بۆ سه‌ر رژیمى ئێران ره‌د نه‌کردۆته‌وه، بۆ ئه‌وه‌ى که ئه‌گه‌رى ئه‌وه هه‌یه هه‌وڵه دیپلۆماسیه‌کان بۆ رێگه‌گرتن له وه‌ده‌ست هێنانى چه‌کى ناوکه‌یی له‌لایه‌ن رژیمى ئێرانه‌وه، ئاکامى نه‌بێ.
وه‌زیرى دیفاعى ئه‌مریکا گووتى: سه‌رۆک کۆمارى داواى کردوه به شێوه‌یێکى گشتى هه‌موو به‌رنامه نیزامیه‌کانى دژ به رژیمى ئێرانى پێشکه‌ش بکرێ. منیش راده‌گه‌یێنم که له دواى ووتووێژ له‌گه‌ڵ سه‌رۆک کۆماردا ته‌واوى به‌رنامه‌کان ئاماده ده‌کرێن و پێش که‌ش ده‌کرێن.
