رووداوى بوومه‌له‌رزه به هۆى تاقى کردنه‌وه‌ى ناوکه‌یی کوره‌ى باکوور
هه‌واڵده‌رى رویانووستى: کارناسانى ناوه‌ندى بوومه‌له‌رزه ناسى له رۆژهه‌لاتى روسیه، شه‌پۆلى ژێرزه‌مینى به تواناى ٧/٤ ریشتێریان له ناوچه‌ى کوره‌ى باکوور هه‌ست پێ کردوه.
ئه‌و بابه‌ته له‌لایه‌ن نوێنه‌رى ناوه‌ندى بوومه‌له‌رزه ناسیه‌وه به رویانووستى راگه‌یێندراوه.
له هه‌مان کاتدا کوره‌ى باکوور راگه‌یاند که سه‌رله‌به‌یانى رۆژى دووشه‌ممه تاقى کردنه‌وه‌یێکى ناوکه‌یی به سه‌رکه‌وتوویی به‌رێوه‌بردوه.
به‌رپرسێکى ناوه‌ندى بوومه‌له‌رزه ناسى گووتى: بوومه‌له‌رزه‌که رۆژى دووشه‌ممه ٤ى جۆزه‌ردانى ١٣٨٨ سه‌عات ٤:٥٤ ده‌قیقه به کاتى مسکۆ به قوولایی ١٠ کیلۆمیتر هه‌ست پێ کراوه. ناوبراو بیرى هێنایه‌وه که ئه‌گه‌رى زۆر هه‌یه که ئه‌و بوومه‌له‌رزه به هۆى ته‌قینه‌وه بووبێ، چوونکه جۆره‌که‌ى شێوه‌یێکى دیارى کراوى هه‌یه.
