پۆلیسى عێراق له ناکاو چوونه شارى ئه‌شره‌فه وه
به پێى راگه‌یێندراوى سکرتاریه‌تى شۆراى به‌رگرى نیشتمانى، له دواى بانگه‌وازه‌کانى ئه‌م دواییه‌ى رژیمى ئاخوندى بۆ به‌رێوه‌بردنى رێکه‌وتن نامه‌ى دوولایه‌ن له‌گه‌ڵ عێراق،
سه ر له به‌یانى رۆژى هه‌ینى ٨ى جۆزه‌ردانى ١٣٨٨، هێزه‌کانى پۆلیسى عێراق به شێوه‌ى کوتووپر٠ى چوونه که‌مپى ئه‌شره‌ف بنکه‌ى جێگیربوونى ٣٤٠ ٠ که‌س له ئه‌ندامانى سازمانى موجاهیدینى خه‌لقى ئێران.
ئه‌و کرده‌وه سه‌رکوتگه‌رانه‌یه له کاتێکدایه که هێزه‌کانى ئه‌رته‌شى عێراق له ئێستادا پارێزگارى که‌مپى ئه‌شره‌فیان له ئه‌ستۆیه و پێویست به هاتنى پۆلیس نیه. له چه‌ند رۆژى رابردوودا پاسدار ئه‌حمه‌دى نژاد سه‌رۆک کۆمارى رژیمى ئاخوندى و جه‌لیلى سکرتێرى شۆراى به‌رزى ئاسایشى رژیم، به ئاشکرا فشاریان خستۆته سه‌ر ده‌وڵه‌تى عێراق بۆ سه‌رکوتى ئوپزسیۆنى ئێرانى له عێراق.
هاوکات له‌گه‌ڵ سه‌رهه‌ڵدانى نار٠ه‌زایه‌تیه کۆمه‌لایه‌تیه‌کان له ئێران، خامنه‌یی له سه‌روده‌مى شانۆگه‌رى هه‌ڵبژاردنه‌کانى سه‌رۆک کۆمارى و بۆ دووباره دانانه‌وه‌ى ئه‌حمه‌دى نژاد بۆ ئه‌و پۆسته، سه‌رکوتى ئوپزیسیۆن به پێویست ده‌بێنێ.
ئه‌وه کارێکى زۆر مه‌ترسیداره که ده‌توانێ بناغه‌ى کاره‌ساتێکى مرۆڤایه‌تى له ئه‌شره‌ف دا بێ، شتێکه که ده‌مێکه رژیمى ئاخوندى به‌رنامه‌ى بۆ دار٠شتووه.
چوونه ژووره‌وه‌ى پۆلیس بۆ ناو ئه‌شره‌ف پێشێلى په‌یمانى ده‌وڵه‌تى عێراق به ئه‌مریکا، سه‌باره‌ت به رێزگرتن له مافه‌کانى دانیشتوانى ئه‌شره‌فه.
خانم مریه‌مى ره‌جه‌وی سه‌رۆک کۆمارى هه‌ڵبژێردراوى مقاومه‌تى ئێران، سه‌رله‌به‌یانى رۆژى هه‌ینى ٨ى جۆزه‌ردان له دوو نامه‌ى جوێ دا بۆ باراک ئوباما سه‌رۆک کۆمارى ئه‌مریکا و بان کى مون سکرتێرى گشتى رێکخراوى نه‌ته‌وه یه‌کگرتووه‌کان، ته‌ئکیدى کرده‌وه که ده‌وڵه‌تى عێراق تا ئێستا پێ به‌ند نه‌بووه به هیچ یه‌ک له مافه سه‌ره‌تاییه‌کانى دانیشتووانى ئه‌شره‌ف. که سه‌ره‌تای کاره‌ساتێکى مرۆڤایه‌تى به دڵى ئاخوندانه.
